細妹舊同事嘅經歷2020

[複製鏈接]
作者: freddywongdy 发表于 2020-9-22 14:11:23
774 6
本帖最後由 freddywongdy 於 2020-9-22 14:20 編輯

細妹同舊同事出街晚餐聚舊,
佢嘅舊同事講左個年前經歷佢聽!
件事係佢舊同事同十數個玩過神打嘅朋友,
打完邊爐半夜發生事!

舊同事:咁果晚响油麻地打完邊爐喎!
            有個朋友好似飲大左咁話好唔舒服踎左响路邊想貓咁,
            踎左成個字都唔見佢湯,
            我咪走埋去睇下佢有無事啦!
            點知想扶起佢果下,佢望上黎,
            見到佢塊面白晒!唔係醉酒想嘔面清口唇白果種白!
            係人地話臉如死灰果種灰白,好唔尋常!
細妹:你咁講姐係佢撞野啦!?
舊同事: 無錯!
             真係撞野!我點拉點扶都扶唔起佢!
             重到好似幾百磅咁拉唔郁。
             其他幾個朋友見到咁就走埋黎睇下做乜,
             我話佢好似撞左野,幫手扶起佢!
             幾個麻甩佬拉極都拉唔到佢起身!
細妹:試下夾佢手指嘛!
舊同事:想試呀!不過佢跟住發難!走埋去果d都比佢推開!            
             哩個時候我望到佢,佢對眼反晒白見唔到眼珠咁架!
細妹: 咁邪?唔通玩神打果d易上身?
舊同事: 係呀!仲成日見到果d野添!
細妹: 咁之後點呀?
舊同事: 之後有個呀伯走埋黎話:咁炸嘛!
             你叫佢地一齊抬高佢,對腳一離地佢就無符架啦!
             咁我咪叫佢地一齊夾手夾腳捉住佢抬高囉!
             點知一抬高佢就暈左咁!
             即刻抬佢上的士車佢返屋企啦!
細妹: 個呀伯有d料喎!
舊同事: 係呀!不過轉個頭想多謝佢已經唔見左人lu!
             仲有下文架!
細妹: 吓!唔係搞掂左架咩!
舊同事: 邊有咁簡單吖!
             落車幾個人扶佢上樓,點知一出lift!
             條友一醒又黎過!
             今次冷巷窄又得四個人,想再捉住抬高佢都唔得!
細妹: 咁點算呀!?
舊同事: 點算?Call 師父啦緊係!
             同佢周旋左大半個鐘島師父先到!
             跟住就真係要一齊發難先撳到條友埋牆角比師父作法!
             師父搞完一輪條友終於醒得返,
             佢醒左都唔知自己發生過咩事咁!
細妹: 咁醒得返就好啦!
舊同事: 好在之後响佢屋企過夜都無事炸!
             過左幾日大家又約放工出去劈酒,
             講返起果晚d野,大家點甩轆雞手鴨腳,
             我話: 好在多得呀伯走埋黎教我抬起佢炸!
             但在場咁多個都話果陣時邊度有人經過,
             無人見到有咩呀伯喎......
細妹: 吓!咁果晚唔止係你朋友一個撞鬼喎!哈!

《 完 》
Dtwfung 發表於 2020-9-22 21:38:04 來自手機 |顯示全部樓層
謝分享!
freddywongdy 發表於 2020-9-23 09:14:00 |顯示全部樓層

原來仲有人睇嘅!
唔駛客氣Fung大!

點評

(^▽^)  發表於 2020-9-23 13:08
己己另 發表於 2020-9-23 13:10:09 |顯示全部樓層
土地公顯靈
freddywongdy 發表於 2020-9-23 13:21:48 |顯示全部樓層
本帖最後由 freddywongdy 於 2020-9-23 17:54 編輯


我細妹都係咁講!
因為果附近都有幾間竹館,
間間門口都有土地...
己己另 發表於 2020-9-23 15:19:28 來自手機 |顯示全部樓層
唔怪得知講嘢咁接地氣。。。
freddywongdy 發表於 2020-9-23 17:56:39 |顯示全部樓層
己己另 發表於 2020-9-23 15:19
唔怪得知講嘢咁接地氣。。。

可能見到班人雞手鴨腳睇唔過眼!
您需要登錄後才可以回帖 登錄 | 註冊

本版積分規則

高級園丁
  • 200

    主題

  • 13038

    貼文

  • 12

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.