尼泊爾同事 R 講嘅奇怪事 pt.3 邪靈之術

[複製鏈接]
作者: freddywongdy 发表于 2020-7-6 14:45:52
255 0
第二日約左尼泊爾同事R一齊食晏...
我: 你尋日又話有鬼故講我知!?
R: 哦 ~ 係呀! 不過唔係鬼故!
我: 咁係咩呀?
R: 係巫術呀!
我: 係呀?... 係點嫁?
R: 我呢... 其實响尼泊爾果處唔駛做野都得!
我: 果處D女仔唔駛出做野嫁咩!?
R: 唔係啦! 係因為屋企有錢呀!
我屋企有好多羊, 又有大塊耕地喎!
我: 咁你又黎香港打工? 响果處放下羊咪好囉!
做下小姐嘛! 駛乜咁辛苦要睇住上面班人面色?
R: 哎... 我就係唔想留响屋企無所事事...
我: 放羊都叫有野做嘛!
R: 好多羊! 要 請人幫我地放羊嫁...
就係因為咁, 所以有人妒忌我地屋企...
我: 有人落咀咒?
R: 唔... 應該係巫術!
係發生响我爸爸媽媽落左黎香港之後...
我: 你點知比人落左巫術先?
R: 我懷疑係放羊D人做嫁...
我: 你又點會咁覺得呀!?
R: 佢地有鎖匙可以入去我屋企...
有日我返屋企覺得有D陳設比人郁過...
又有D燒過野o既痕跡...
我: 係咪你出去之前無整熄個火爐,
D灰比風吹左出黎呀?
R: 唔會啦! 如果係就成個地下污糟晒!
而家好似比人清潔過咁喎!
我: 咁... 跟住有咩事發生呀!?
R: 屋企D生意開始唔好啦!
我又開始病囉! 成日都唔舒服...
有時成日會見到好似有個黑影响屋裡面突然閃過!
有時瞓覺覺得隔離瞓左個人响處咁... 感覺好唔舒服...
我: 咁你見唔到嫁?
R: 見唔到嫁!
我: 哎呀... 咁係咪成日跟住你咁...
R: 唔係呀! 返到屋企先會感覺到! 所以成日都唔想返屋企...
有陣時去朋友屋企瞓炸...
我: 咁你點算呀? 又無屋企人响處!
R: 我都唔知點呀! 病到死死下... 睇極醫生都醫唔好!
過左成年仲係好幸苦... 病到個人瘦晒!
後來我叔叔見我咁樣就覺得有D唔妥!
就打電話叫我爸爸返黎睇下我!
我: 咁好在仲有個叔叔照顧下你!
R: 係呀! 不過我爸爸一返黎就開始病啦!
仲要病到落唔到床呀!
我: 水土不服炸嘛...
R: 唔係啦! 瞓左成個月呀!
我: 咁大鑊?
R: 係呀! 跟住連我媽媽都飛返黎睇下咩事...
佢話都覺得好唔舒服咁... 一定有D問題!
跟住佢去搵左個婆婆黎睇下間屋,
個婆婆其實係巫醫, 佢細細個就睇佢嫁...
我: 嘩~ 咁婆婆咪好大年紀?
R: 係呀! 九十幾歲嫁啦! 不過仲好精神嫁!
我: 佢好犀利嫁?
R: 係呀! 隔幾條村D人有事都黎搵佢嫁!
我: 咁佢睇過你屋企係咪話有鬼呀?
R: 唔係呀! 佢黎到周圍睇下...
佢話屋企塊地比人種左巫術!
跟住隔兩日佢帶左兩個徒弟黎,
搬開左屋企中間D傢私就掘開個地...
掘到好深下, 跟住個徒弟發現有一舊野埋左响泥處...
掘左出黎原來係一節骨黎!
我: 有無咁O岩呀!? 佢地放落去扼你地呀!
R: 唔係呀! 我媽媽睇住佢地掘出黎嫁!
媽媽話以前聽過有種巫術係會種一舊骨响人地屋企地下...
中招果家人會一路咁得到惡運同病痛...
如果最後都破解唔到, 係會死人嫁!
我: 咁姐係佢地掘左舊骨出黎就無事?
R: 佢地搵到舊骨就無問題! 跟住再由巫師做D儀式先得!
我: 咁佢地做完儀式就無事!?
R: 唔... 咁又唔係..., 巫醫製左D藥比我地食, 我幾日之後就感覺舒服返!
不過我爸爸一個禮拜先落得床...
我: 咁之後仲有無事發生呀?
R: 無啦! D生意都慢慢好返啦! 爸爸媽媽都返返香港啦!
我叔叔搵左佢D朋友幫我地放羊, 都無再請果兩個人啦!
我: 咁無事就好啦!
R: 希望以後都無啦......

<完>




上一篇:尼泊爾同事 a 講嘅奇怪事 pt.2 鬼鬼怪怪
下一篇:人啊,不怕身累,最怕心累
您需要登錄後才可以回帖 登錄 | 註冊

本版積分規則

高級園丁
  • 199

    主題

  • 12620

    貼文

  • 3

    粉絲

聯絡園藝館|手機版|HKplants

2007-2021 香港園藝館