新手入「毒坑」記 #196 小update +空鳳生石花疑難

大家好～入坑半年，一路window looking睇各位師兄師姐無私分享，實在獲益良多，太感激～
不得不說，肉坑真係毒坑嚟，一唔小心就迷到頭暈眼花，尤其係圓碌碌景天科，忍手忍到爭啲要切手指呀

喺度做返個窗台黨小記錄，好怕過唔倒夏天，請師兄姐們多指教，希望種得愈嚟愈好，肉肉愈嚟愈月巴。


糖豆奶酪-返嚟嗰陣全粉色，成日陰天加埋溫差唔大變返綠色，加左個幾月燈照又出返少少粉紅，底葉軟先浸盆。呢個月嚟見倒生左氣根上土面，軟時我就沿盆邊噴濕有氣根嘅位。

象牙奶酪-呢個品種比糖豆易肥圓，摸到底葉軟先浸盆，不過天熱怕黑腐，所以依家轉摸倒葉軟就沿盆邊噴水。

獵戶座-追太陽生長，之前生得好醜，所以俾我狠心拔葉重種T-T 飲完水之後啲葉會爆，仲摸索緊水量@@

不知名-之前佢好肥架，天氣熱就開始瘦同葉底一圈圈發黃，拎上嚟睇根無事，不過我都切頭重嚟，唔駛一星期已經生緊新嘅根

睇佢之前幾肥/-\冬天時有葉尖轉紅同有紅邊，比較鍾意飲水。

藍豆-唔知點解同台灣人種嘅唔同樣xd 4月頭入手，大左少少，曬時有香味，中心有啲紅，見乾先噴濕，仲摸索緊，豆類好似比較少人分享@@

綠豆-呢個都係4月頭入，有啲搞唔掂，根系正常但狂生氣根，keep住耗底葉，有生bb，乾先噴濕，但持續幾日葉軟，尋晚俾多左水啲葉又硬返啲，有無師兄姐知點解啲葉打開晒？@@

大姬星美人-有限水時葉色會偏紅啲，需要多光照keep住糖果色，有幾條葉形比較尖曬唔紅，偏粉新葉青黃色，可能唔同種？
可葉孵易生根出芽，但溫度大約過28度後嘅葉孵就無再出根。

大型萬年草、綠之鈴錦-長光照萬年草葉尖有紅點，易生側芽，插枝易生，控水底葉易肥配紅點變蕉樣。綠之鈴錦散燈照，愛水。


玉露-差唔多養法，但一個肥一個瘦T-T 請問大大們，徒長左係咪無得肥返？有加返每日一兩小時燈照，希望可改善。

屁屁-買返嚟已徒，返左嚟更徒，而且件衫除左幾個月都除唔出xd 見佢皺皮嗰啲就喺泥邊分別加水，呢幾日摸落去好多粒都軟，以為死硬，把心一橫軟嗰啲連住兩日局部噴濕泥竟然又硬返，好惡搞有水又徒長，無水又軟，咁要再加強燈照嗎？

奶酪種子苗-其實係好奇啲圓碌碌細個係咩樣先手痕種，一種就知瀨嘢一月初播種，差唔多三星期先發芽，年頭長陰天大得好慢，4月入燈，每日加兩小時燈照，有大得快啲，咁慢唔知過唔過倒夏天-___-

睇到呢度，辛苦晒各位，祝大家身體健康，越毒快樂xd
手機出文，希望排版無問題@@

樓主都好鍾意D一粒粒WOR, 我都鍾意, 不過唔係幾養得掂, 唔多敢艱
希望你愈毒愈快樂

生氣根好似係因為環境濕度高, 噴水會否生更多?

請問係咪用太陽光養㗎？

GW1225 發表於 2020-5-30 14:47
樓主都好鍾意D一粒粒WOR, 我都鍾意, 不過唔係幾養得掂, 唔多敢艱
希望你愈毒愈快樂

GW大，長氣生根主要有四個原因：
1.土壤太乾，空氣潮濕。
土壤太乾，植株缺水，空氣比土壤相對潮濕，所以長氣根在空氣中補捉水份。
2.根系或莖部腐爛腐爛。
根系腐爛，吸收不了水份，所以也長氣根在空氣中補足水份。
3.服盆期
服盆期，根系需要適應環境，暫不會吸收水份，所以也長氣根。
4.個別品種問題
你見虹之玉、乙女心果啲品種真係好喜歡長氣根，你一唔為意佢哋就變哂鬍鬚佬！

MasterTT 發表於 2020-5-30 16:22
GW大，長氣生根主要有四個原因：
1.土壤太乾，空氣潮濕。
土壤太乾，植株缺水，空氣比土壤相對潮濕，所以 ...

TT大, 好詳細呀, 又袋幾舊落袋

咁我回想上次死既松虫水泡, 可能係第四種情況

好靚好肥美呀，祝樓主同我一樣，越毒越快樂

歡迎新花友

全部都肥嘟嘟好可愛！我都準備種屁屁，再交流～
呢度各位大大都經驗豐富，可以行少好多歪路

種子種起咁好心機！
加油呀！

GW大，係呀，屋企窗台位太細，種粒類可以細盆啲偷運多啲入屋xd 有追你個post, 學倒好多嘢呀～

孖T大，謝謝你詳細說明‍♂️我用窗邊光+燈照，窗向西南，呢兩個月開始無陽光入，到秋冬會曬倒陽光，所以依家大約加5小時燈照左右，因為枝燈短，所以玉露同小苗就只照一到兩小時。
我盆糖豆奶酪12月入盆歪左同種得太上，所以四月尾時再重新入盆又唔小心種深左，見佢生實左就無再郁佢，因為種深左加埋天熱就keep住限水，可能咁所以生氣根。但綠豆真係r爆頭，返嚟個幾兩個月，又有生b，應該係穩定左？！我試下放返多啲水再睇睇。

Teresa大、Ben大、freddy大你地好呀～～
Ic大，嗰啲屁屁真係好得意，早入早享受

zoka 發表於 2020-5-30 18:49
GW大，係呀，屋企窗台位太細，種粒類可以細盆啲偷運多啲入屋xd 有追你個post, 學倒好多嘢呀～

孖T大，謝謝 ...

我都係窗台種，但係冇照燈，真係差好遠，我嗰啲變晒長頸鹿！

歡迎新花友, 獵戶座醜樣都唔好拔剩咁少, 肉肉每一塊葉都係用黎儲水,
你呢粒如吸爆水即係根系仲好, 葉片應該係漲滿打開,  
咁下次比水要等佢起碼外圍葉巢(唔計消耗),呢d景天要控水先靚.
嗰d豆都幾難種, 好易悶根, 比水唔好睇泥干, 又係見葉巢先比水, 比2-3圈就夠.
同埋都唔駛成日噴水, 多肉係越艱苦越靚

MasterTT 發表於 2020-5-30 19:17
我都係窗台種，但係冇照燈，真係差好遠，我嗰啲變晒長頸鹿！

有燈真係爭好遠架，快啲入返幾枝曬你啲寶貝，記得同老婆講盞燈會曬黑人，唔好行咁埋，等佢無咁留意你啲新嘢xd

goldking2 發表於 2020-5-30 19:31
歡迎新花友, 獵戶座醜樣都唔好拔剩咁少, 肉肉每一塊葉都係用黎儲水,
你呢粒如吸爆水即係根系仲好, 葉片應該 ...

goldking大，又學倒嘢，原來根好都會爆水，我見網上有人講係吸水多再曬太陽熱脹冷縮先爆。
嗰棵我本身拔剩四塊大葉，有一嘢太大力甩多兩塊，之後有一塊耗葉先剩返呢塊，我初時都諗：大檸樂得返兩塊大嘢會唔會死拿拿聲將嗰兩塊葉孵，好彩葉孵都出倒。
啲豆真係摸索唔倒，keep住有耗葉所以噴濕下/-\啱啱抽左綠豆出嚟睇，泥石微濕，有長新嘅白色根，但唔多，可能咁所以狂生氣根同少少軟，我再忍下手先～謝謝你

zoka 發表於 2020-5-30 22:26
goldking大，又學倒嘢，原來根好都會爆水，我見網上有人講係吸水多再曬太陽熱脹冷縮先爆。
嗰棵我本身拔 ...

哦, 或者我誤會左你意思, 你意思係葉片吸水吸到爆開左?
肉肉熱脹冷縮爆未見人寫過, 我只聽過肉肉渴得滯, 一有水狂吸先爆,
爆左會好番. 下次比水就等佢巢或包起來先淋, 咁就最安全

goldking2 發表於 2020-5-30 23:15
哦, 或者我誤會左你意思, 你意思係葉片吸水吸到爆開左?
肉肉熱脹冷縮爆未見人寫過, 我只聽過肉肉渴得滯,  ...

係呀，淋完水後會發現底葉裂開，下次等佢皺先淋，謝謝你

goldking2 發表於 2020-5-30 23:15
哦, 或者我誤會左你意思, 你意思係葉片吸水吸到爆開左?
肉肉熱脹冷縮爆未見人寫過, 我只聽過肉肉渴得滯,  ...

內地post, 講化水時, 常會提熱漲冷縮, 整爆d細胞所以化水

會否真係咁, 我都有所保留

不過大自然咁大, 極端情況, 什麼也有可能吧?

GW1225 發表於 2020-6-2 22:46
內地post, 講化水時, 常會提熱漲冷縮, 整爆d細胞所以化水

會否真係咁, 我都有所保留

熱脹冷縮我都唔係好諗得通
我見比較合理嘅解釋，係「膨壓」引起。

zoka 發表於 2020-6-4 10:05
熱脹冷縮我都唔係好諗得通
我見比較合理嘅解釋，係「膨壓」引起。

外國有D POST 就話真菌會整弱左D細胞壁,

所以也會容易D 爆壁

WAITING大都好似有提過

前晚播了超v兜 & 赤花昭和，啱啱見有兩粒開始多芽(￣∇￣)

超v兜買左5粒送1粒，手殘洗洗下唔見左粒好肉赤，拆埋洗手盆u型管都搵唔返T-T
赤花昭和種子無超v咁飽滿，貴少少真係唔同啲

第一次播仙人球，特此記錄


入手兩星期嬰兒手指，好似出花芽

無乜變化嘅奶酪苗

種子苗有五個月嘅「雪妖女王」（賣家自雜）