各位大大好,最近先發現呢個好地方,以後請多多指教了: )
簡介返先XD 早兩年開始對多肉有興趣,覺得佢地肥肥地好可愛,但耐何功課做唔夠,結果歸咗西。
遺照1
歸西之後受打擊所以隔咗一排先再買新。
佢係舊年冬天開完花後枯咗,執返部分試緊生唔生得返,感覺唔係好掂...
半死前
誤打誤撞上個月入咗三盆新肉肉,左起熊童子,泰迪熊&小松綠。小松綠剛好開緊花,係黃色星形的花。希望新一批肉肉唔會咁快就GG啦~
現存多肉sss
最右一盤無入鏡,係係IKEA買的平肉肉,應該係玉露。
一直放置play,一個月先淋一次水,有時仲要唔記得淋。
近來見個泥膽就到極限,想幫佢換盆但又擔心天氣開始熱,呢個時候換會加速佢歸西,糾結中,唔知各位大大有無咩建議?
最後仲有樣野想請教一下各位。公司有一盤疑似肉肉一直無人理,見到佢甩晒葉好慘...請問有無大大知道佢係乜? 謝謝
|