本帖最後由 MasterTT 於 2020-4-10 21:44 編輯
講真,如果生石花要淋水,我會建議用浸盆法。
1.浸盆法可以讓水分留在盆的下半部分,所有植物啲根系都會往可能有水的地方生長,所以如果水分停留在下半部分,啲根往下長,根系健康同抵抗力會上升。雖然澆透水都有同樣效果,不過有時澆透未必真係澆透,可能你用全顆粒,或者透水超強的沙土,你一澆水就即刻流晒出嚟,植物根本吸收唔到水份,根部可能因些而乾枯。
2.浸盆法仲有個好處就係啲水去唔到個植株到,所以較難腐爛。
3.如果植株(普通植物也是同樣做法)缺水,我亦會建議用浸盆補水,因為植料可能太透氣,一淋就流出嚟,吸引不了水分,浸盆又可以令佢慢慢吸水,慢慢恢復。
但唯一一個缺點就係麻煩,要浸成10~20分鐘,自問我哋邊有咁得閒,所以無乜人用浸盆方式補水! |