新手一問: 殺肉手記及解救方法(集思廣益版) + 殺菌+補光燈

GW1225 發表於 2020-4-22 09:28
現在都會用牙刷清潔D根 (會藏虫嗎? 之後浸係酒清之類OK?)
想問詳情少少, 酒精/洗潔清/漂白水分別稍釋幾多 ...

我就用慣漂白水，快靚正！
大約 5:95 浸5-10分鐘左右。

freddywongdy 發表於 2020-4-22 18:44
我就用慣漂白水，快靚正！
大約 5:95 浸5-10分鐘左右。

好, 下次試試,
剛睇網上條片, 外國人就用酒清, 話貪佢無其他CHEMICALS 同快揮發

MasterTT 發表於 2020-4-22 16:10
好似話原生地大溫差，日頭熱夜晚凍，所以夜晚需降溫哦。

會否是早上太熱時, 開冷氣/風扇降溫及增加通風, 救命用?

早上無開, 晚上開便有溫差效果, 幫助上色?

chuyat10 發表於 2020-4-22 16:41
係啊，佢係天台露養。完全室內養真係唔知啦，好彩我都係露臺養。

買定把小風扇, 較時間制又是否可行, 又平D,
開足一日冷氣都好金

GW1225 發表於 2020-4-23 08:53
買定把小風扇, 較時間制又是否可行, 又平D,
開足一日冷氣都好金

你窗台西曬，夏天肯定單靠風扇唔得，可以搬到你另一個向南窗台，宜家南向陽光直曬時間已經好短了，夏天淨係散射光完全冇直曬。

chuyat10 發表於 2020-4-23 08:58
你窗台西曬，夏天肯定單靠風扇唔得，可以搬到你另一個向南窗台，宜家南向陽光直曬時間已經好短了，夏天淨 ...

矛盾爭扎中, 向南窗在房內, 會少D機會見到
向西係廳, 可日望夜望

不過玉露個D, 唔想佢死都似乎一定要搬
景天, 仙人掌頂得住西斜嗎?

另已買定4針遮陽網, 唔得可再雙層用
又是否頂得住呢?

GW1225 發表於 2020-4-23 09:07
矛盾爭扎中, 向南窗在房內, 會少D機會見到
向西係廳, 可日望夜望

西曬除了遮光問題仲有非常焗熱的問題，所以要解決直射光還要適當降溫，有D難度。

GW1225 發表於 2020-4-23 08:51
會否是早上太熱時, 開冷氣/風扇降溫及增加通風, 救命用?

早上無開, 晚上開便有溫差效果, 幫助上色?  ...

應該全日通風最安全。
夏天唔好再唸上色喇，保住多肉嘅命仔先算啦。

十二卷、景天夏天是休眠期，除了全日降溫外，但亦有礙生理週期性，無狀態可言，秋季自然出狀態。

題外話，個木架好靚呀，邊度買？

GW1225 發表於 2020-4-23 08:48
好, 下次試試,
剛睇網上條片, 外國人就用酒清, 話貪佢無其他CHEMICALS 同快揮發 ...

酒精對真菌的作用不大, 漂白水就對細菌真菌病毒都有效, 只要過水沖乾淨就可以.

GW1225 發表於 2020-4-23 08:48
好, 下次試試,
剛睇網上條片, 外國人就用酒清, 話貪佢無其他CHEMICALS 同快揮發 ...

酒精係好，但唔可以用浸嘅方法，
兩個方法都試下！

#2 服盆唔成功
第一批肉肉既服盆係最差，特別係景天科一粒粒果Ｄ，主因：驚死！所以唔敢整走晒Ｄ舊泥、唔敢修根、即刻就落盆．．．．．，
第一位陣亡者：蒂亞
懷疑死因：泥士多左，顆粒唔夠，水保得太好、過濕，土壤的透氣性也較差；
　　　　　無修根，舊根腐爛，新根又生唔到；
　　　　　手多淋水，又見之前好天就浸盆，無留意之後幾天陰天．．．．
　　　　　還有其他可能原因嗎？

死前徵狀：葉轉紅，點知個排睇緊人地既POST講點幫肉肉上色，無為意，仲暗暗開心，以為上緊色！
　　　　　葉化水（＝果凍化？）及更易脫落
　　　　    葉變軟縮，呢個最難判斷，點知佢係唔夠水而較縮，定係開始死呢？

一不離二，之後三日月美人、嬰兒手指、瑪利安水泡都相續出現類似的情況，現仍在急救中！！！
已脫盆、修根、浸藥、涼乾、換泥、放散光處
仲有無什麼要留意，可增加存活率呢？

-------------------------------------------------------------------------------------------
績: updated on 2nd May 2020

藉5月四天的連假, 一口氣將所有用白瓷盆的植物退盆檢查，結果如下：
[3月尾上盆]                [約4天前淋水]
已服盆             : 8/17                     盆內植土濕度乾燥        : 2/17 (顆粒較多)   
有少量新根        : 3/17                     盆內植土濕度適中        : 5/17
未服盆                : 3/17                      盆內植土濕度太高        : 10/17
出狀況                : 3/17  
死亡                : 1/17

# 未服盆的多數係仙人掌類同一棵千代田之松，翻看相片，入伙時它們的根都較短/少
# 出狀況及死亡既多數係景天科一粒粒果D，大部分唔係化水，便係吸唔到水，生唔到新根
# 未服盆/出狀況/死亡既植物盆內的植土絕大部分濕度很高，且發現部分白瓷盆底原來
　可積水


［師兄姐忠告］
植物新入伙，

＃　一定要修根，令佢分秘激素促進新根生長。
　唔修根：差不多需一個月時間服盆。修咗根：差唔多一個星期就穩根了。

＃　除舊土：啲人為咗令多肉生得快d，佢啲配土係高泥炭比例，令多肉促進生長。
　　你用返果d土俾多肉，保水太好，好易腐爛㗎！你想佢快啲服盆，就要修根，

＃　用牙刷清潔根部，再用稀釋洗潔清／漂白水或花寶殺菌劑浸植物

第二批已經開始全部用陶盆，有修根, 換泥, 泥炭一般唔會多過 30%, 仙人掌會仲少D
不過唔知係唔係盆細 (紅陶) , 所以一晒就乾得好快
仙人掌可以點先快d幫佢生根?

jiaxuan2020 發表於 2020-4-23 12:45
題外話，個木架好靚呀，邊度買？

你指大合照個D架?
都係淘返黎, 連3個盆仔, 36-38人仔
三層那個打直放D影會令到第2,3層西斜時, 晒唔到, 要打橫放

freddywongdy 發表於 2020-4-23 18:47
酒精係好，但唔可以用浸嘅方法，
兩個方法都試下！

好, 我都鍾意做實驗, 下次試試

不過好奇又想問, 爬文見有人解釋, 酒清因可分解虫的脂質外殼, 而可殺死D虫

咁植物的細胞膜/面層防水蠟又會唔會比酒清分解左, 而影響防水及生長呢?

GW1225 發表於 2020-4-24 06:36
好, 我都鍾意做實驗, 下次試試

不過好奇又想問, 爬文見有人解釋, 酒清因可分解虫的脂質外殼, 而可殺死D ...

我其實唔推介酒精，
因為好難預稀釋度，
同埋每種植物外層同根部幼嫩度唔同，
我試過重手得滯，
乸到植物外層出透明斑然後發黑，
同埋d植物如果d窿窿罅罅多就好難照顧到，
所以漂水同洗潔精水會比較安全。

MasterTT 發表於 2020-4-23 09:24
應該全日通風最安全。
夏天唔好再唸上色喇，保住多肉嘅命仔先算啦。  ...

咁又係，　保命最緊要

GW1225 發表於 2020-4-24 07:12
咁又係，　保命最緊要

夏天上色困難，而且係休眠期，佢會停止生長。

GW1225 發表於 2020-4-24 06:19
#2 服盆唔成功
第一批肉肉既服盆係最差，特別係景天科一粒粒果Ｄ，主因：驚死！所以唔敢整走晒Ｄ舊泥、唔敢 ...

你唔好唔修根，除舊土呀！
啲人為咗令多肉生得快d，佢啲配土係高泥炭比例，令多肉促進生長。你用返果d土俾多肉，好易腐爛㗎！
唔好驚C，多肉生命力好頑強㗎！
你想佢快啲服盆，就要修根，令佢分秘激素促進新根分發。
我以前都唔修根（<—懶到無得救），差不多每棵都需一個月時間服盆。
如果修咗根，我而家差唔多一個星期就穩根了。
如何判斷是水化定上色，葉子軟硬元之分。
你係咪種係窗台？隔住玻璃？如係，咁就唔駛唸上色了。

GW1225 發表於 2020-4-24 06:19
#2 服盆唔成功
第一批肉肉既服盆係最差，特別係景天科一粒粒果Ｄ，主因：驚死！所以唔敢整走晒Ｄ舊泥、唔敢 ...

我有盆野玫瑰之精係放窗外養, 由天氣開始熱, 日照時間減少, 佢d爪已經唔紅, 而家直情係全綠, 每次淋水我都驗屍咁驗佢地. 這是我現時唯一的景天, 她是我的實驗之一.