新手一問: 殺肉手記及解救方法(集思廣益版) + 殺菌+補光燈

MasterTT 發表於 2020-4-21 09:30
夏天記住唔好淋太多水，斷水最好。

我想問呢, 如果日月美人, 水泡個D 摸到有D葉林林地, 係唔係唔夠水?
仲有呢棟D葉紅得好緊要, 好似想水化, 定係只是晒到夠, 所以變紅?
水唔夠又驚, 水太多又驚

＃０　新肉入伙

第一批新肉入伙時未爬夠文，唔太知收到新肉要點處理，怕佢經過咁遠路程，應該好口渴，又怕養唔大，所以唔敢點整Ｄ根，係咁易整走Ｄ舊泥，無洗（浸下水），無浸藥，無修根，無陰乾就埋左佢地落盆

然後之後就開始問題　１，２，３，４，５，６，７，８。。。。。。。。

所以想請教，新肉入伙，仲有什麼要注意既呢？

GW1225 發表於 2020-4-22 01:09
＃０　新肉入伙

第一批新肉入伙時未爬夠文，唔太知收到新肉要點處理，怕佢經過咁遠路程，應該好口渴，又怕 ...

好奇問，大家第一批入既係什麼肉／仙人掌呢？

＃１ 介殼虫及＂捉虫＂事件

Home Office 實在悶到發荒，所以就日日望住Ｄ肉肉過日子，點知有一日既然比我發現棵千代田之松有介穀虫，好在唔多，好快就捉晒（當時未知要要換泥／落藥），之後又係姬壽到找到更多的虫，呢次除左捉虫（不過整傷晒Ｄ葉），仲倒晒Ｄ泥，成棵浸藥，現在都未敢再落盆

想請教，大家有什麼防虫好方法呢？

仲未完，見過鬼怕黑，日日望到實仲有無虫，仲影埋相，放大係個ＭＯＮ到找虫，真係比我又找到，今次到Ｄ鸾凤玉，又用夾，又用刷，但係就整極都整唔走Ｄ虫！！！！（自己睇相）

-----------------------------------------------------------------------------------------------------------------------------------------------------------

(2nd May 2020 更新)
(續) ~ 師兄姐精華提醒

一般消毒/殺菌
# 漂白水，大約 5:95 浸5-10分鐘左右。對細菌真菌病毒都有效, 之後過水沖乾淨就可以.
# 酒清, 有外國人話貪佢無其他CHEMICALS 同快揮發; 亦有人認為酒精對真菌的作用不大
# 花寶殺菌劑 (紅蓋) : 多數用來浸新入伙既植物，防菌，或出事時灌根或再成棵浸
# 花墟有隻殺菌清, 都有花友用
殺虫
＃逐隻捉
# 洗潔清/ 皂水/ 醋 /紅色BIOKILL: 清除介殼虫等
https://kknews.cc/home/mmjk252.html (簡單方法助你遠離多肉植物蟲害)
＊各種化學藥品，都有其副作用及素性，小心使用＊

好奇又想問, 爬文見有人解釋, 酒清／洗潔精等有機溶劑因可分解虫的脂質外殼, 而可殺死D虫及虫蛋，咁植物的細胞膜/表面防水層(角質層) 又會唔會比這些CHEMICAL分解左, 而影響防水及生長呢?

GW1225 發表於 2020-4-22 01:10
好奇問，大家第一批入既係什麼肉／仙人掌呢？

Hi~ 我都係新手…
第一批仙人球

右上角粒兜唔好買呀, 係藥錦嚟, 我想睇吓會唔會變番全綠㗎咋.

GW1225 發表於 2020-4-22 00:01
我想問呢, 如果日月美人, 水泡個D 摸到有D葉林林地, 係唔係唔夠水?
仲有呢棟D葉紅得好緊要, 好似想水化, ...

淋水問題之外，可以的話最好買之check下果種多肉係冬型定夏型，
夏型一般都粗生過冬型呢！
以前就係只顧追求收集，最後都係全軍覆沒！

waiting 發表於 2020-4-22 01:48
Hi~ 我都係新手…
第一批仙人球

wait大，點止咁少呀？

GW1225 發表於 2020-4-22 01:32
＃１ 介殼虫及＂捉虫＂事件

Home Office 實在悶到發荒，所以就日日望住Ｄ肉肉過日子，點知有一日既然比我 ...

新買後黎一定要換泥同清潔先種，
由其要注意近根位嘅部分，
因為蚧殼粉蚧果d最鐘意匿埋响果度，
如果中左招我有三個方法去洗（唔係農藥）
稀釋酒精，洗潔精或者漂白水。
試下！

其它意見我就唔識，但建議景天下次還是過了夏天才入貨會較好，景天度夏不易。

好似上左舞臺，靚。

freddywongdy 發表於 2020-4-22 06:42
wait大，點止咁少呀？

樓主問第一批…
當然我仲有第二三四五六…批啦！

freddywongdy 發表於 2020-4-22 06:41
淋水問題之外，可以的話最好買之check下果種多肉係冬型定夏型，
夏型一般都粗生過冬型呢！
以前就係只顧 ...

係, 就係見樣得意就想收集,
又多樣功課要做,
剛才都係忍唔住, 倒佢地出黎望下, 1個月都無新根, 我想是未服盆, 是嗎?
所以做返之前無做既, 修根, 浸藥, 陰乾緊, 希望救得返

好靚，令窗台生色不少

GW1225 發表於 2020-4-22 01:09
＃０　新肉入伙

第一批新肉入伙時未爬夠文，唔太知收到新肉要點處理，怕佢經過咁遠路程，應該好口渴，又怕 ...

其實應該晾乾d泥再上盆

waiting 發表於 2020-4-22 01:48
Hi~ 我都係新手…
第一批仙人球

左上角係唔係般若?
我個棵回來時已變了型, 係唔係一世就係咁, 有無得幫佢做整形手術?
另外好鍾意布紋球, 不過上次係花墟見到有介穀虫, 唔敢買, 一係就比較貴 (我仲係停留係 $20/棵樓下的階段)

freddywongdy 發表於 2020-4-22 07:13
新買後黎一定要換泥同清潔先種，
由其要注意近根位嘅部分，
因為蚧殼粉蚧果d最鐘意匿埋响果度，

現在都會用牙刷清潔D根 (會藏虫嗎? 之後浸係酒清之類OK?)
想問詳情少少, 酒精/洗潔清/漂白水分別稍釋幾多?
浸幾耐? 大約? 有時怕太耐, D化學野浸死佢地, 太短又驚殺唔死D虫

taxitang 發表於 2020-4-22 07:16
其它意見我就唔識，但建議景天下次還是過了夏天才入貨會較好，景天度夏不易。 ...

死火!!!
剛入了一批 !!!!
有什麼可留意, 死少D????

GW1225 發表於 2020-4-22 09:23
左上角係唔係般若?
我個棵回來時已變了型, 係唔係一世就係咁, 有無得幫佢做整形手術?  
另外好鍾意布 ...

嗰粒係鸞鳳玉, 佢係冇刺座㗎. 般若有拮拮刺, 唔係我杯茶.
你見到花墟邊間有蟲？等我唔好去先…

BenLau 發表於 2020-4-22 09:21
其實應該晾乾d泥再上盆

第一批無, 第二批開始有
不過涼既時間, 似乎都有好大分別
由兩天至1星期都有
是看品種? 天氣濕度?
又有人建議睇D根的直徑, 愈粗愈耐
你的習慣係?

BenLau 發表於 2020-4-22 09:19
好靚，令窗台生色不少

係, 所以日日望住, 好開心
不過由於忍唔到手,
不斷入緊新肉, 所以可能會變劏房