投選你最喜歡的多肉植物！（暫共32人投票）

各位花友大家好,我想在此發個投票帖子,因為我想作個紀錄,可以令多肉花友們知道館內花友大概鐘意什麼類型,科屬的多肉。
請大家投選自己最喜歡的多肉科屬,然後留言點評喜歡原因,謝謝各位的支持！
投票數目排名：（頭3名）
1.仙人掌科（11）
2.景天科（7）
2.百合科（5）

我投了仙人掌科,因為初初入坑係開始玩仙人掌,後來先知佢地嘅親戚係多肉,所以都有買多肉嚟玩下。
而且,我覺得仙人掌啲花好靚,次次開花都好驚喜,百看不厭,所以我投選仙人掌！

唔駛講！仙人掌變化多端，點可以唔揀佢呢！

我唔識咁多種類，只喜歡肥肥嘟嘟肉肉！即係咩科？

小雷子 發表於 2020-4-1 21:05
我唔識咁多種類，只喜歡肥肥嘟嘟肉肉！即係咩科？

景天科囉

MasterTT 發表於 2020-4-1 20:30
我投了仙人掌科,因為初初入坑係開始玩仙人掌,後來先知佢地嘅親戚係多肉,所以都有買多肉嚟玩下。
而且,我覺 ...

目前（1/4）最多人投票的是仙人掌科

去年夏天，當景天科相繼受不了香港的熱和濕，只有馬齒牡丹和松葉牡丹開了許多花給我，所以投馬齒莧科。雅樂之舞和紫米粒都是馬齒莧科啊!

投左百合科，中意十二卷属。

乜要留言呀，百合科，十二卷錦，錦色變幻。

原來Taxitang大大被多肉版挖角了，難怪最近在蘭版沒有出現。

仙人掌科， 花靚， 又唔使點打理

仙人掌形態選擇多, 鍾意有刺又得, 冇刺又得, 大花又得, 細花又得.

喜歡景天科，肥嘟嘟色澤多，加上外形是一朵花狀！

psyche 發表於 2020-4-1 23:26
原來Taxitang大大被多肉版挖角了，難怪最近在蘭版沒有出現。

早晨，山竹颱風吹倒花棚後，再沒有位置放養，但自己對植物又情有獨鍾，所以選擇了細細盆的，但又有色彩變化的十二卷錦，工餘之後可以減壓。

psyche 發表於 2020-4-1 23:26
原來Taxitang大大被多肉版挖角了，難怪最近在蘭版沒有出現。

師兄佢已經中毒甚深,對十二卷沉迷到不得了！

小蘑菇 發表於 2020-4-2 00:03
仙人掌科， 花靚， 又唔使點打理

同埋呢，我覺得仙人掌比景天難徒長，而且就算徒長得黎都唔會話太核突，最多愈生愈小，好過景天！

MasterTT 發表於 2020-4-2 09:23
師兄佢已經中毒甚深,對十二卷沉迷到不得了！

好似近日又轉了感情，兜錦、生石花，真的很花心，早前是景天，轉移開花仙人球，唉！越踏越深。

taxitang 發表於 2020-4-2 07:51
早晨，山竹颱風吹倒花棚後，再沒有位置放養，但自己對植物又情有獨鍾，所以選擇了細細盆的，但又有色彩變 ...

Taxi大，原來花棚被毀了，聽到這消息很難過。只記得你種蘭花很拿手，現在無用武之地，實在是無奈。希望你另起爐灶後同樣種得開心，繼續燃點你的熱愛。我何嘗不曾是一位多肉帝國的子民，但為免中毒，只好先採取遠離政策。

psyche 發表於 2020-4-2 10:58
Taxi大，原來花棚被毀了，聽到這消息很難過。只記得你種蘭花很拿手，現在無用武之地，實在是無奈。希望你 ...

喜歡就要實行，正常嗜好，精神寄托，管理植物的時候，可以忘掉所有思想上混雜，完成後，頭腦自然清晰，等我也毒一毒你先。

MasterTT 發表於 2020-4-2 09:45
同埋呢，我覺得仙人掌比景天難徒長，而且就算徒長得黎都唔會話太核突，最多愈生愈小，好過景天！  ...

景天科我都中意的， 可惜屋企暫時唔多適合種， 每次種都好易呱， 都係種仙人掌比較合適， 貪佢生長慢， 唔使成日揾地方安置