三個星期前我喺灣仔一間花店買咗盆植物想放office種, 老闆娘介紹咗幾款, 我揀咗佢 - 「聰明樹」(老闆娘話)
剛買的時候2
剛買的時候
特點: 葉厚, 對葉
呢個係剛買嘅時候影嘅, 老闆娘話佢易打理, 一星期澆一次水, 唔駛太多。我返到去即刻查下呢棵植物有咩要注意, 點知揾極都揾唔到「聰明樹」呢個品種...我以為我記錯, 即日再走去花店問多次, 佢都係答我叫聰明樹...
所以首先, 想請各位有經驗嘅朋友, 可唔可以指教下我, 佢係咪有另一個名? 佢個品種點稱呼?
之後, 我每個星期都按吩咐澆一次水, 會輕拭葉上嘅塵埃,放咗佢喺窗邊, 每日都有照到太陽...
佢有新葉生長, 但我覺得佢好似愈來愈唔健康咁, 我好擔心...
三星期後的情況
呢個係三星期後嘅現狀
三星期後的情況2
呢盆主要係有三株, 右邊株啲枼淺色咗、軟身咗...
葉上邊出現咗啲黑點, 最初都有, 但係好少,唔算明顯, 但而家多咗...
我想知我係咪有咩地方做錯咗? 點樣可以令佢茁壯成長? 希望各位大大可以指導指導 |