去親戚屋企拎佢地新年後唔要 o既 蘭花

mooon 發表於 2020-3-9 14:05
唔好意思, 又又又又請教下, 呢棵比較多根 (雖然好弱  ) , 可以用其他植料去種嗎? 定係用番水 ...

呢棵可以玩全水培啦！
將呢6棵蘭花拎作比賽，睇下邊種方法效果最好！
你亦可試以方法
1:樹皮+陶粒+少許水苔
2:陶粒半水培
3:全水培
4:全水苔
5:水氣栽培
6:樹皮+蘭石

哈哈好正!!!!! 多謝你幫我諗埋!!! 本來我都想咁每棵用唔同植料, 但全部都咁弱根, 我暫時全部放水苔. 或者遲D拎稍為多根果一棵轉水氣或水培, 睇下點先. 尋晚DIY左膠樽整晒大窿, 諗住透氣d, 加水苔放入植秼後覺得唔好用 不過照咁樣放住先 .  可以評評水苔適當嗎? 影相睇落好似好多, 其實好鬆散, 有D遮唔到頭, 有D少少水苔旁住下

mooon 發表於 2020-3-10 13:05
哈哈好正!!!!! 多謝你幫我諗埋!!! 本來我都想咁每棵用唔同植料, 但全部都咁弱根, 我暫時全部 ...

你可以參考我個帖！50樓
https://hkplants.com/forum.php?m ... page=5&mobile=2

我認為養蘭係一生ge事，因為佢地都係生命，d水苔會唔會唔夠濕同太實？

dragonkinght 發表於 2020-3-11 09:29
我認為養蘭係一生ge事，因為佢地都係生命，d水苔會唔會唔夠濕同太實？

謝謝你幫眼!  影相時可能乾左少少, 之後已再噴水.  一定唔會太實, 影相影唔到水苔其實好疏落, 遲D可能會補番些少水苔.

小雷子 發表於 2020-3-10 21:21
你可以參考我個帖！50樓
https://hkplants.com/forum.php?mod=viewthread&tid=204715&extra=&page=5&mobi ...

係呀我有睇過你呢個POST, 多謝你提醒, 我放到最大去演周演周(研究研究)

mooon 發表於 2020-3-11 11:16
謝謝你幫眼!  影相時可能乾左少少, 之後已再噴水.  一定唔會太實, 影相影唔到水苔其實好疏落, 遲D可能會 ...

高手話水苔要壓到好實，不過我都冇咁做，係咁依小小實，唔好鬆泡泡就算(水苔貴嘛 )
樽靚唔靚就…你喜歡啦！我會用盆囉，有款黑色，可以上鐵線，四圍掛都啱用
蝴蝶蘭葉係要展開的，被塞入樽內，將來新葉實K形，成件藝術品咁樣

B17 發表於 2020-3-11 11:26
高手話水苔要壓到好實，不過我都冇咁做，係咁依小小實，唔好鬆泡泡就算(水苔貴嘛 )
樽靚唔靚就…你喜歡 ...

多謝B大分享&指教! B大你都係高手呀~ 我會略為調整下

mooon 發表於 2020-3-11 11:53
多謝B大分享&指教! B大你都係高手呀~ 我會略為調整下

有咁多人教你，發達啦！

水苔是全新的嗎？用靚水苔會襟啲！

可能水苔太濕，又爛根。清理左爛根，衣家裸根中。聽日可能1d用番水苔，1d用水繩，1d用濕樹皮掂頭，1d用水氣栽培。。。

mooon 發表於 2020-3-14 23:06
可能水苔太濕，又爛根。清理左爛根，衣家裸根中。聽日可能1d用番水苔，1d用水繩，1d用濕樹皮掂頭，1d用水氣 ...

掛梅菜！

茶浸菜乾

mooon 發表於 2020-3-9 13:56
太好喇~ 多謝ming大&雷大圖文並茂&詳細解釋!!! 我衣家放左o係窗邊, 晒唔到太陽, 今晚加水苔, 好興奮!! 希望 ...

全部來自同一盆？即係同品種？
畀我會留最壯嗰棵，其他掉咗佢，留位種其他野
17樓ming個淺種方法ok，半盆水苔，唔好太濕，等生咗根，再加水苔，靚樣啲，其實唔加都可以

mooon 發表於 2020-3-15 23:15
茶浸菜乾

終於要試茶療啦！
我試過連浸3日，感覺良好！
你打算浸幾多日呢？

小雷子 發表於 2020-3-16 11:53
終於要試茶療啦！
我試過連浸3日，感覺良好！
你打算浸幾多日 ...

多謝你關顧 尋晚浸茶三個鐘後, 其中兩三棵仲有爛根, 唔知係咪之前清得唔夠盡. 我清理後全部幾祼再祼根中, 諗緊今晚係咪照原定計劃每晚浸三個鐘淡茶, 抑或祼根多兩日先至浸茶三個鐘. 因我見好多人講浸茶對治爛根好有效. 其實初浸茶仲會爛根係咪唔應該呢? 我已溝得好淡, 我係參考靜姐說花片內茶的顏色, 我比佢更淡色.... 你有冇咩建議? 我覺得我 o係 度影親相都係爛根蝴蝶蘭品種, 好好笑    同埋呢...其實我覺得茶療, 日日浸幾個鐘再祼根果隻, 好似水培.

另, o係 度講唔知怕唔怕...(8婆mode)..... yan近來有視頻講水氣培 o係 夏天解決辦法, 其實我覺得 o係 hk 未必有效散熱. 我新年前買左蝴蝶蘭做水氣培, 呢排天氣未熱, 三棵自然落花未有特別衰落情況. 但我都要諗定淘粒如何渡夏. 你覺得...如果拎走一半陶粒, 加用樹皮取而代之, 做水氣栽培, 會ok嗎? 又或者 1/3陶粒+1/3樹皮+1/3石仔/玻璃珠 做水氣栽培, 又會點呢?  

B17 發表於 2020-3-16 11:29
全部來自同一盆？即係同品種？
畀我會留最壯嗰棵，其他掉咗佢，留位種其他野
17樓ming個淺種方法ok，半 ...

多謝B17大你會為我呢D頻危蝴蝶蘭覆我   我唔想掉左D冇根蘭, 我拎黎都係想做下實驗 , 我會預多幾個月時間. 我都會用你講ming大方法, 我覺得呢個傳統方法一定攪得掂. 如果咁都唔得, 我會心息

mooon 發表於 2020-3-16 12:57
多謝你關顧 尋晚浸茶三個鐘後, 其中兩三棵仲有爛根, 唔知係咪之前清得唔夠盡. 我清理後全部 ...

茶療我都係試1次…………遲下會再用，有病醫病，冇病強身！哈哈！
至於茶療後，仍出現爛根，我估係條根已經壞，只不過差時間問題！另外你留意下，裸根後，你聞下啲根有冇臭味，如果有的話，可能仲有菌，爛根未清除得乾淨！
茶療其實同水培差不多，只是湯底不同之嘛！

水氣同陶粒半水培，我仍未諗到點過夏，始終要等到夏天才知情況如何！
我未玩水培前，係用陶粒+樹皮+少少水苔渡夏完全冇問題的，你可試下！

我都話架，睇人好似好容易，但到自己時…………就頭痕！實戰真係要用好多心機，時間，我真係好勤力爬文，睇唔同花友 YouTube，晚晚上堂，仲勁過讀書果陣時 ！

小雷子 發表於 2020-3-16 13:47
茶療我都係試1次…………遲下會再用，有病醫病，冇病強身！哈哈！
至於茶療後，仍出 ...

湯底     樹皮一定要整濕黎用呀可? 你覺得陶粒會發熱嗎?  我衣家都晚晚睇 youtube & 蘭花群組. 最好笑係...我幾個月前唔會睇國語人視頻, 但為左學野, 我衣家椰天懂喇很多煲冬瓜

mooon 發表於 2020-3-16 14:01
湯底     樹皮一定要整濕黎用呀可? 你覺得陶粒會發熱嗎?  我衣家都晚晚睇 youtube & 蘭花群 ...

我都好怕煲冬瓜，聽聽下又Ok喎！樹皮我浸透水先用，亦試過煲下先，怕有蟲蟲藏係裏面！陶粒之前有用，但始終種蘭花唔會放太晒嘅位，之前有混其他植料用，未有研究係咪發熱，不過依架天氣開始熱，睇下係咪真係會燒熟啲根！下次煮飯唔洗用煤氣，用陶粒就得啦！
你都咁勤力，抵送你一個<勤學獎>！