十二卷授粉的季節又到了~~更新在16樓～～

天氣開始暖小小, 十二卷軍隊就迫不及待出晒花劍啦
因為疫情多左好多時間係屋企, 冇野做就緊係玩下授粉 , 順便同大家分享下
不過我都懶了, 唔係每朵花都有授粉
十二卷的花朵是比較小的白花仔, 一條花劍可多達30朵花,
但同一時間只會有2-3朵花盛開及適合授粉, 而授粉則要2朵來自不同植物的花朵


花劍有些長得彎, 有些長得筆直, 應該關品種同大小事, 繞黎繞去我都搞唔掂


已經開始授粉嘅有阿房宮, 親指姬, 花影, 月影, 曲水, 阿寒湖等等..
成功懷孕的種莢現在有10個, 樣子如下, 每個種莢大約會有10-20顆種子


花劍陸續有黎





今年花劍王係阿房宮, 量過55cm左右, 我都第一次養到咁高, 唔知下年會唔會更上一層樓?


今次分享到依度, 本來想講下授粉過程, 但係怕悶親大家
遲下收成再同大家報告  

choiyee大，好精彩嘅花劍海呢！
咁咪可以玩雜交睇下會唔會交出新種囉？

人才濟濟, 嘆為觀止呀!!!
請問你點安排邊款雜邊款呢?

freddywongdy 發表於 2020-2-24 13:32
choiyee大，好精彩嘅花劍海呢！
咁咪可以玩雜交睇下會唔會交出新種囉？  ...

freddy大，暫時都係壽和玉露岀花劍，嘗試亂咁將佢地雜交，比如曲水玉露雜交阿房宮，但未有種莢成功懷孕。以我經驗，原始類玉露作為母本應該同玉露父本較易成功，上年曲水x宮燈玉露就成功左，但今年曲水x幾種壽都失敗。上網搵資料都話唔係個個品種可以亂溝，慢慢發掘緊，唔知大大有冇經驗分享下？

旦花 發表於 2020-2-24 13:54
人才濟濟, 嘆為觀止呀!!!
請問你點安排邊款雜邊款呢?

旦花友你好，以我的了解，十二卷雜交主要遺傳母本的特徵及紋路，父本的影響比較微，所以我都冇硬性規定邊棵雜邊棵，但主要大型壽互相雜交，比如阿房宮x阿寒湖，希望岀到體型較大的壽。花影x月影/阿房宮都有，主要玩紋路，想特別啲可以試下玉露x壽。

choiyee2122 發表於 2020-2-24 16:40
freddy大，暫時都係壽和玉露岀花劍，嘗試亂咁將佢地雜交，比如曲水玉露雜交阿房宮，但未有種莢成功懷孕。 ...

我就成日搵d開花仙人掌亂授粉，睇下會唔會有驚喜... 不過無囉！

choiyee2122 發表於 2020-2-24 17:02
旦花友你好，以我的了解，十二卷雜交主要遺傳母本的特徵及紋路，父本的影響比較微，所以我都冇硬性規定邊 ...

你家的阿房宮超剔透！期待你的作品！

我家的壽總是養不出味道，可能是亂買的品種不純？更有可能是養功不行吧。
有機會向你請教請教

遛遛

freddywongdy 發表於 2020-2-24 17:30
我就成日搵d開花仙人掌亂授粉，睇下會唔會有驚喜... 不過無囉！

大大講嘅無係指授粉失敗定播種苗冇特別?

依個係莫迪卡錦?養得幾好喎, 但窗面可以再漲D
阿房宮係油亮窗的類型, 所以較易養出剔透感
我通常2星期以上淋一次水, 主要係顆粒土
如果根部發展好, 慢慢會變肥.
望落植料和環境都冇咩問題, 可能季節問題, 春天應該會更好

樓主養得好肥美，多層式燈養能有這狀態，非常專業。

choiyee2122 發表於 2020-2-24 22:20
大大講嘅無係指授粉失敗定播種苗冇特別?

授粉失敗啦！唔同種結合機會率好底的！

花劍海好似比武咁令人眼花撩亂
大大好厲害呀！我想知大大點授粉、收集種子丫
之前上網爬過文，試過用水彩筆撩下景天啲花咁，上年夏結到種子，但今年春播冇嘢出，唔知係種子未成熟定存放有問題？

little_stone 發表於 2020-2-25 12:11
花劍海好似比武咁令人眼花撩亂
大大好厲害呀！我想知大大點授粉、收集種子丫
之前上網爬過文 ...

通常花開第二日把2朵花的6片花瓣都拿下, 再把雄蕊輕輕在雌蕊上磨擦15秒左右
想提高成功率可以重複多幾次
成功懷孕等2-3星期就會成熟, 如果一見到開口位微微裂開, 就馬上拎最細size的透明密實袋, 吉幾個洞透氣笠住種莢等收種子, 有人話完全密封唔係幾好
種子越新鮮發芽越好, 除非天氣唔岩, 我都馬上播晒佢
我保存就咁放係乾燥地方
聽人講有機會2個品種溝埋的基因唔岩, 就算收到種子都未必發芽

choiyee2122 發表於 2020-2-25 19:43
通常花開第二日把2朵花的6片花瓣都拿下, 再把雄蕊輕輕在雌蕊上磨擦15秒左右
想提高成功率可以重複多幾次
...

原來係咁！
學到新野，謝謝大大️️️

超專業系列

update下，終於收左阿房宮第一個種莢，但種子數量唔多，得6粒，奇怪嘅係種子size比我以前見過嘅大，有少少擔心能否成功發芽

好消息係親指姫成績好好！暫時已有10個種莢，超級期待！

choiyee2122 發表於 2020-3-16 17:27
update下，終於收左阿房宮第一個種莢，但種子數量唔多，得6粒，奇怪嘅係種子size比我以前見過嘅大，有少少 ...

好厲害呀！
大大, 係唔係隨即播種？

waiting 發表於 2020-3-16 17:42
好厲害呀！
大大, 係唔係隨即播種？

打算一次過播種, 所以要等埋其他種莢成熟先, 不過都想盡快播, 心急!

都想玩種子繁殖，今年要買多幾盆十二卷先得。

chuyat10 發表於 2020-3-16 19:02
都想玩種子繁殖，今年要買多幾盆十二卷先得。

實生繁殖係好漫長嘅路，一齊加油！