第一次超迷 - Sinningia sp. "Rio das Pedras"

最近愛上超迷,今日在花墟入手了一盤,回來一開二,開始了我的第一次超迷種植,現附上照片數張,以後請大家多多指教..

唔知呢粒野遲D係唔係會變做花苞呢?

青BB呢粒係唔係就係剛剛出既花苞呢??

第二盤..

青bb果粒係果莢黎~入面有種子~
變左啡色就代表佢成熟可以剪落黎，不過要睇準時間收，
唔係佢會自己爆開飛晒d種子出黎...到時執都執唔翻...因為d種子好似胡椒粉咁細粒~

多謝分享, 佢地真係好靚丫~ 超迷真係好可愛, 我都好想試下種呢...

tsoiyiu1009 發表於 2011-7-7 06:51
青bb果粒係果莢黎~入面有種子~
變左啡色就代表佢成熟可以剪落黎，不過要睇準時間收，
唔係佢會自己爆開飛晒 ...

青bb果粒原來係果莢, 咁好,買大送細..
我想問下,變左啡色就代表佢成熟可以剪落黎, 咁我剪完之後,下面成條莖係唔係都要剪??係唔係每次開完花之後成條莖都剪左佢架???

好正的花。

青bb果粒爆左種子之後你就可以將佢開枝散葉啦....(當然同大家分享更好啦...hehehe)

如果有種子分享我地一個報名。

如果有種子分享我地一個報名。

遲d睇下我係唔係可以真係成功收到種子啦,我驚我錯過時機又或者笨手笨腳唔知吹哂去邊呀.
有無人知係唔係每次收完果莢或者開完花之後都要將成條莖剪左佢架??唔剪會點呢??

andychoi22 發表於 2011-7-7 12:07
遲d睇下我係唔係可以真係成功收到種子啦,我驚我錯過時機又或者笨手笨腳唔知吹哂去邊呀.
有無人知係唔係每 ...

你驚佢爆開, 可以未乾前剪落黎風乾, 盡量貼底剪, 唔駛D梗一枝枝係度, 唔駛擔心, 魚骨係好粗生的
同埋每個果筴都有好多種子的

adakong 發表於 2011-7-7 12:14
你驚佢爆開, 可以未乾前剪落黎風乾, 盡量貼底剪, 唔駛D梗一枝枝係度, 唔駛擔心, 魚骨係好粗生的
同埋每個 ...

首先多謝你的回覆,還有問題如下(好多問題呀 ):-

貼底既意思係去到葉底下面剪嗎??
呢D一枝枝係唔係無用架??
如果剪落黎風乾,你睇到相個顏色,其實依家剪得未呀??
如果依家剪,大概等幾耐先會爆呢??
其實到時我應該等佢爆,定係自己整開佢呢??

唔好意思,新手一名.一下子問左咁多問題..

andychoi22 發表於 2011-7-7 12:23
首先多謝你的回覆,還有問題如下(好多問題呀 ):-

貼底既意思係去到葉底下面剪嗎??

你其實真係唔需要咁著緊
基本上空氣濕度夠高 佢根本係一種會自己亂播既雜草
就算剪剩最後佢都係會自己枯萎


究竟要幾多年時間
所有種苦苣苔既人先會改叫佢做 Sinningia muscicola 呢？

Exodus 發表於 2011-7-7 12:45
你其實真係唔需要咁著緊
基本上空氣濕度夠高 佢根本係一種會自己亂播既雜草
就算剪剩最後佢都係會自己枯 ...

OK,明白明白,第一次係著緊左少少既,我會放鬆D..哈哈

Sinningia muscicola 呢個名我都知道, 但係坊間大部份都仲係用呢個名或者魚骨頭.

今晚返到屋企見到佢開左口

我認為魚骨係全部超迷品種葉係最靚~
魚骨真係好靚好靚~而且又平又粗


不過我果盆結唔到子

鱼骨的叶面斑纹很美

我知道由種子開始種,要幾無奈至成球?

d 泥咁少, 是否要增大濕度呀?

moominhin 發表於 2011-7-24 00:29
d 泥咁少, 是否要增大濕度呀?

moominhin  可以用紙巾之類成粒包住, 佢爆都唔怕飛晒出來嗎?  發表於 9 小時前

但係紙巾一濕水就會爛...d種子濕左水唔keep得耐...
都係透明拉鍊膠袋仔會好d~