棉線吸水法+入溫室 過渡農曆年長假

大家好! 新年前一星期呢度爬文後決定為公司幾棵av穿入墨斗線裝入水杯再入溫室, 放在窗邊, 唔會有太陽直接晒到, 但光照不多. 大約14日後番到公司, 即刻去望下, 好意外!!! 每棵都好濕潤, 原先扁塌塌的一棵, 都挺起晒, 其他較為細棵, 都長大左&好似飲飽水咁挺起左. 狀態好好!  至今有20日, 剛剛本來想將佢地還原拆棉線離開水杯離開溫室去番原來放AV o既雪柜頂, 但見佢地狀態咁好, 好唔想郁佢地. 咁樣應該維時幾耐先真係要拎出黎呢? 因為放溫室呢個位光照唔夠, 遲早都應該要拎出黎. 但又覺得佢狀態咁好...(不停loop)...請指教.

棉線吸水法可以繼續用，但不建議放雪櫃頂，因為雪櫃頂會散熱，有一定温度，對盆栽不太好！
長期放温室的話，一定要打開蓋比佢地抖下氣！要注意唔好比水太多，唔係好易爛根！依加進入春天，又落雨，其實都可以放出嚟種！

短時期用來代替淋水就無大問題，我個人不建議長期用吸水法，尤其是小的盤，很難控制植料的濕度。