新買兩棵玫瑰。

我發覺向花墟買花好多時賣花既都唔知自已賣緊乜，問佢呢兩棵屬乜品種佢又知唔以對，問佢應隔幾耐淋水佢就話要日日淋，但我上網或睇書通常月季或玫瑰都係見乾見濕，有時真係唔知信邊個。

同埋有冇人知呢兩棵係屬灌木定藤本呢？

另外如果要換盆既話係咪應該等多幾個月先好換呢？還是定係等花開哂後就可以呢？

我相信這些都應該是灌木吧。只有薔薇才會是爬藤的。你的相片看上去感覺有點像月季。

上網睇品種似乎有點似係藤彩虹。

https://www.tengbenyueji.com/roses/14.html

關於換盆方面，上網睇就話最好選擇二月前換盆換土，但我問個賣家佢就話要等四月先好換，咁究竟應該信邊個好呢？

如果擔心植物本身的泥土有蟲，新買回家便要換泥了。

種得玫瑰就遇左好惹蟲啦！！唔擔心得咁多！！
植物是植物，不是電器，唔可以跟住説明書一步步去做！！植物要睇天氣生長，新買番黎就要等佢地適應環璄，慢慢觀察。祝好運。

itnogood 發表於 2020-1-10 11:39
關於換盆方面，上網睇就話最好選擇二月前換盆換土，但我問個賣家佢就話要等四月先好換，咁究竟應該信邊個好 ...

如買回來已經有花，我習慣係開完花就換。
今年冬天真係唔凍，根本係往時春天嘅温度
所以及時換盆係好事，豐花型好快又可以開
提提你，換盆時落啲有機肥同緩釋肥，多日照放通風處，下次開花會更靚。

唔好過份聽從花店啲人講，佢地只係賣花，唔係種花之人，唔會對所有花嘅習性都了解咁清楚。

月季其實唔易種，多病多蟲，要俾心機照顧啊！
建議你買定月季專用殺蟲同殺菌藥看門口

差啲唔記得答你淋水，你要用手指摸泥，乾就淋到底盆出水為止，如泥土濕就唔好俾水住。

花慢慢開始轉色，已剪掉了不少枯萎的花，打算開完今轉花後換土換盆。

sheungx2 發表於 2020-1-12 04:24
如買回來已經有花，我習慣係開完花就換。
今年冬天真係唔凍，根本係往時春天嘅温度
所以及時換盆係好事， ...

藥我得百菌清同礦物油，之前遇到反而冇乜蟲害，係試過買過一棵月季苗冇耐有芽蟲。

我覺得月季向香港氣候真係唔算易種，同埋要好睇品種，之前向淘寶淘左五盆得兩三個品種會開花，最後仲管理不善爛根全軍覆沒，但我真係好鍾意月季，希望再接再厲。

同埋賣家既未必識種花呢個又係真，好多時買花問佢地問題好多都係 hea 答。

月季花在春天好美艷，夏天既花就...