求大大指教

請問這植物的名字是？洗根有中藥味是正常嗎？應否剪了太長的根嗎？

因為泥土過濕（二星期都未乾）出現黑斑病或炭疽病（不停掉葉後化水腐爛），今天我用了內吸性殺菌劑泡了十多分鐘，是否陰乾兩天，消毒盤再原先那些曬乾的泥再種植？

請問原配土（泥炭土（排子：靚土）、2包鋪面石、1包火山岩）加上1包河沙（石粒）和1包硅藻土，這樣能降低保水性和提升透氣嗎？



這個盤的大小是否太大？下面有7個排水孔是否太小？

樓主你呢棵應該玉樹，只要等到葉起皺摺軟軟哋就可以大灌水濕透整盆，散光位置也能生長，是較容易照顧的!
至於洗根時有藥材味我就唔多清楚，如果發現根有問題，可以剪晒佢走，等風乾再從插，好快就長翻晒新根!

感謝大大指教，我見佢生命力咁好，所以先無放棄佢，但黑斑病或炭疽病（不停掉葉後化水腐爛）我處理是否正確？我最怕佢係冬天休眠，空氣潮濕，又黑斑病或炭疽病，同時動土，會唔會因為咁而支撐唔到？

另外葉孵機率係唔係好低？

個名應該係黃金花月或玉樹
盆唔算太大，驚爛可以加顆粒成份

dragonkinght 發表於 2020-1-8 21:50
感謝大大指教，我見佢生命力咁好，所以先無放棄佢，但黑斑病或炭疽病（不停掉葉後化水腐爛）我處理是否正確 ...

葉插率很高，和景天差不多

dragonkinght 發表於 2020-1-8 21:50
感謝大大指教，我見佢生命力咁好，所以先無放棄佢，但黑斑病或炭疽病（不停掉葉後化水腐爛）我處理是否正確 ...

先來講講你棵玉樹甩葉情況，如果是樹身下位甩葉不需太擔心， 是新陳代謝一種，甩掉來的葉有時會化水或乾枯死亡，但甩出的葉我也有成活孵出幼苗的個案，樓上孖T前輩有講到葉孵率也很高!

圖照是我今早所拍的，是上個月自然甩脫後，放在陰涼處不用理會，自自然然就長出根苗!
至於黑班病及炭疽病，我就唔多太清楚，不過樓主已進行咗殺菌消毒，對棵玉樹都有一定的幫助!
我的玉樹在冬天就看不出有休眠跡象，還不斷生長出側牙長新葉，甩葉節位也同時冒出新牙，所以樓主也不要太擔心嘅!
我也想講一下自己取用植料是沙60%泥20%炭20%溝成來種，因為用的是大盆，經濟著想，所以取比普通植料，但也見過有人用純正泥土及種地一樣生長非常之良好!
現在樓主取用啲較為梳水植物，對玉樹絕對沒有問題 ，只要時刻留意一下葉片，用手指輕微觸碰葉的軟硬度，再制定自己嘅灌水時間表，好快種倒鬼火咁靚㗎喇!
在園藝館我非常認同這位師兄的講法， 別人的經驗是別人， 自己的經驗才是自己， 樓主慢慢參詳種植樂趣!
好啦!講到呢倒，我都唔太多口水啦！

因為那棵掉葉情況係2星期掉十幾塊，而且係先有爛邊或中間黑班再掉葉，同時一挖出來發現泥土濕ge程度係同剛剛淋完水一樣……

dragonkinght 發表於 2020-1-9 15:42
因為那棵掉葉情況係2星期掉十幾塊，而且係先有爛邊或中間黑班再掉葉，同時一挖出來發現泥土濕ge程度係同剛 ...

嘩……嗰情況原來已經去到咁嚴重啦！
樓主不用急，慢慢細心一些再診斷一下根莖位置有冇黑腐，如果發現就要切除有根莖位置，切割好再細心檢查中有冇瘀黑，有的話要再切上一些!
樓主不要氣餒，實有辦法去救治，因為照片上來看棵玉樹都幾壯健，唔洗擔心佢好命硬，如果成功救活，佢可以長命過我!

lamkaicheung 發表於 2020-1-9 18:15
嘩……嗰情況原來已經去到咁嚴重啦！
樓主不用急，慢慢細心一 ...

謝謝你的關心，但你知唔知花園街邊到有殺菌劑買？我啊媽琴日買左枝殺蟲劑返黎……父母又唔想我自己去買，所以想一問會否知道？
另外附上一張琴晚剪完的相

照片上根莖部分都很健全沒有發黑喎，建議根可以再修剪短一些或剪走晒，因鬚根睇嚟已乾枯，再等它從新長根會較好!
花園街我都唔熟悉，看看有沒有花友講你聽在那裡買殺菌劑!

乾枯有機會係我放係窗台曬兩日，冬天陽光唔係太強，根還有紅色應該未乾枯，本身有老根發黑，但比我剪左，我記得係十個月前d主根，我在想，泥未乾，我應唔應該再泡一次根等泥乾透兩日先種返去

dragonkinght 發表於 2020-1-10 11:56
乾枯有機會係我放係窗台曬兩日，冬天陽光唔係太強，根還有紅色應該未乾枯，本身有老根發黑，但比我剪左，我 ...

根唔需要再浸或泡，等泥乾到8至9成就種去，記住唔好太急淋水，睇翻先前所講來做就可以，俗語有句話， 淡淡定有錢淨!
樓主俾啲信心自己同我!加油努力!

lamkaicheung 發表於 2020-1-10 12:46
根唔需要再浸或泡，等泥乾到8至9成就種去，記住唔好太急淋水，睇翻先前所講來做就可以，俗語有句話， 淡 ...

樓主俾支强心針你睇下!

由葉孵苗種到而家二年幾差不多三年，噚日朝才拍攝的，雖然我成日吹水，但認真起上嚟都好認真㗎!

嘩！同我果盤差唔多年幾，但大咁多，我果棵比較向上發展、d葉無咁長同比較圓

dragonkinght 發表於 2020-1-10 15:50
嘩！同我果盤差唔多年幾，但大咁多，我果棵比較向上發展、d葉無咁長同比較圓 ...

係上年未換盆是玩控養，一直唔俾佢大，一個月唔俾水佢飲都冇問題，之後又不斷曬日光浴，令到葉厚肥壯葉底出現紅紅紫紫，葉邊也變紅雲綑邊幾靚㗎!
之後在園藝館見到位師兄種到好大盆，有人咁高，還爆晒花嗰隻超靚，所以我咪的起心肝要種到佢開花，先換大盆俾佢，轉咗盆唔夠一年就變成咁大啦，估計再養多一排應該好快就有花睇!
樓主棵玉樹種翻生，唔想佢咁高，耐不耐修剪一下頂頭部分，等佢爆多啲側芽就變成嗰波咁，可以試下玩控養，做法只係限制給水，阻止長大!

dragonkinght 發表於 2020-1-9 21:03
謝謝你的關心，但你知唔知花園街邊到有殺菌劑買？我啊媽琴日買左枝殺蟲劑返黎……父母又唔想我自己去買， ...

可以試下噴藥用酒精呀~
萬用殺菌劑

lamkaicheung 發表於 2020-1-10 12:58
樓主俾支强心針你睇下!

由葉孵苗種到而家二年幾差不多三年，噚日朝才拍攝的，雖然我成日吹水{:emoji_022 ...

種得好好! 令人鼓舞!

樓主的種植環境是室內還是室外? 幾多日淋一次水? 如果室內, 可以一兩星期至淋一次水的, 室外如果是全日都可曬的話, 一日淋兩次都唔多, 要睇返情況, 植物有藥味, 唔通好似電視劇咁, 有人將飲剩的藥倒入花盆?  

人都發巔係列

琴晚十二點用筲箕篩d泥出黎，再人手分返鋪面石、火山岩、珍珠岩出黎，到五點鐘

將分出黎火山岩、珍珠岩（一包）再加兩包河沙、一包火山岩、小量硅藻土、小量珍珠岩、1半杯泥炭土搞均、下面加張沙布
因為根剪太短又唔想太深，結果打算放到原位唔跌就算，結果今朝就睡低左

之後再種返佢，但又再秩，結果要用筷子夾住佢
因為掉得三塊葉，最後就暴力修葉做葉插，家人又要堅持要分棵，就剪了下面的分枝

但下面的主杆出現黑腐和上面頂點的葉都有點爛
我感覺佢應該過唔到夏天

powergun 發表於 2020-1-11 08:28
樓主的種植環境是室內還是室外? 幾多日淋一次水? 如果室內, 可以一兩星期至淋一次水的, 室外如果是全日都可 ...

室內，一至兩星期一次，唔會有人倒藥湯……