我的第一盆多肉植物

為左聖誕王子分享多肉俾我，今日去花墟做準備功夫，買植料，一包鹿沼土一包赤玉土（唔知啱唔啱）又買左四只唔知名多肉類（請教各位賜名），返來拼左一盆，底用赤玉土加少少科學泥，面就用鹿沼土，總之達到疏水目的，唉！又中多個毒。唔該高手俾意見。謝！

5蚊一粒平價貨，種得到再買貴野。

最下面果幅圖：
上面：雅樂之舞
右面：筒葉花月（人們俗稱的‘吸財樹’）
只知道這兩棵，其餘嘅兩棵不知道，應該係擬石蓮果類

MasterTT 發表於 2019-12-22 19:01
最下面果幅圖：
上面：雅樂之舞
右面：筒葉花月（人們俗稱的‘吸財樹’）

謝孖T俾名，咁拼埋一齊可以嗎？好多問題好煩。
仲有用裡D植料咁種得唔得啊？唔該！

chuyat10 發表於 2019-12-22 19:37
謝孖T俾名，咁拼埋一齊可以嗎？好多問題好煩。

如果係同一個季節種就ok   你大致上都矛問題的️

MasterTT 發表於 2019-12-22 19:39
如果係同一個季節種就ok   你大致上都矛問題的<span class="emoji emoji263a"></span>️

我暫且試住先，如果唔得就拆開單獨種。

chuyat10 發表於 2019-12-22 19:37
謝孖T俾名，咁拼埋一齊可以嗎？好多問題好煩。
仲有用裡D植料咁種得唔得啊？唔該！ ...

我都砌咗幾盤組合盆，不過很徒

chuyat10 發表於 2019-12-22 19:41
我暫且試住先，如果唔得就拆開單獨種。

美觀咁好唔駛啦~冬天移植巧傷根

你砌得好靚啊！好中意你窗台佈置 ，超靚。今日行花墟想買你嗰種花盆，淺淺地底有窿個種，可惜未搵到，全部係種水仙嗰D.

十郎~有兩棵疑似藥錦呀，要小心中間白色嘅花型肉肉！
植料嗰啲呢，我會加啲硬質嘅石仔，例如火山炭、沸石、輕石
個人覺得鹿沼太肥又太軟

MasterTT 發表於 2019-12-22 19:44
美觀咁好唔駛啦~冬天移植巧傷根

冬天移景天唔會傷根架，香港冬天都唔凍
雅樂就會傷啲，佢係夏種型

買回來的肉肉帶的泥我會掉咗佢，因為第一次不懂，沒有換泥，結果中了介殼蟲。

little_stone 發表於 2019-12-22 23:08
十郎~有兩棵疑似藥錦呀，要小心中間白色嘅花型肉肉！
植料嗰啲呢，我會加啲硬質嘅石仔，例如火山炭、沸石、 ...

多謝石子提醒，原來有藥錦裡回事，買時顧住睇顏色，上當難免，所以樣樣野都係吃一虧長一智。
植料本想搵你俾我嗰盆仙人球中的石仔，不過未搵到。唉！

等識玩後多肉類淨係想養兩盆，一盆生石花（好似也叫屁股花），一盆玉扇。

十郎兄有機會試下用哩隻多肉土，
方便唔駛溝咁多野又平均，
祝你肉肉中毒越黎越深！

little_stone 發表於 2019-12-22 23:10
冬天移景天唔會傷根架，香港冬天都唔凍
雅樂就會傷啲，佢係夏種型

石子小姐請睇，盆仙人球現狀好好，你的植材係寶，無拉拉會有唔知名小草出，嗰支肥嘟嘟草係唔係多肉植物啊？盆野有主角又有配角。

chuyat10 發表於 2019-12-23 10:46
石子小姐請睇，盆仙人球現狀好好，你的植材係寶，無拉拉會有唔知名小草出，嗰支肥嘟嘟草係唔係多肉植物啊 ...

謝謝十郎養得咁好！
啲植材全部係淘返黎嘅，不過啲草係野草黎架，應該係我天台度黎，有種子混係啲土度
最好抆咗佢哋，啲根好深，我好幾棵景天同佢哋爭營養，爭輸咗死得好慘

little_stone 發表於 2019-12-23 13:02
謝謝十郎養得咁好！
啲植材全部係淘返黎嘅，不過啲草係野草黎架，應該係我天台度黎，有種子混係啲土度
最 ...

嘩！嚇到我即刻抆左。
啱啱用微信識花君掃下條草，話佢係多肉類棒葉不死鳥喎。

落地生根，點種都唔會C喎。

chuyat10 發表於 2019-12-23 15:09
嘩！嚇到我即刻抆左。
啱啱用微信識花君掃下條草，話佢係多肉類棒葉不死鳥喎。<span class="emoji emoji1f60a ...

呢棵係喎！抆出黎分開種，多曬太陽好肥美！

右上嗰棵~