露都灑 - 夜夫人

freddywongdy 發表於 2019-12-12 18:14
無位啦屋企！

灑灑唔值錢，冇人想要哈哈。

freddywongdy 發表於 2019-12-12 22:15
比我就一早剪左佢啦！

揸開盆秋石斛，順便揸埋姐，唔好嘥呀嘛

你嗰啲係好嘢嚟㗎喎！你的飄唇蘭根莖非常健康，在我家生長得好好呀！
遲啲佢再靚仔啲，影個全相俾你睇

psyche 發表於 2019-12-12 22:29
灑灑唔值錢，冇人想要哈哈。

唔係！唔關價值問題！
我好鍾意佢d花成把葵扇仔咁好得意，
有位種返棵都唔錯！

Ming36 發表於 2019-12-12 22:47
你嗰啲係好嘢嚟㗎喎！你的飄唇蘭根莖非常健康，在我家生長得好好呀！
遲啲佢再靚仔啲，影個全相俾你睇 ...

俾左你就係你，開左花再貼上黎分享吧！

freddywongdy 發表於 2019-12-13 06:45
唔係！唔關價值問題！
我好鍾意佢d花成把葵扇仔咁好得意，
有位種返棵都唔錯！  ...

的確向橫發展的蘭花好佔地方，我喜歡佢的花夠平凡，丟了也不覺可惜。

psyche 發表於 2019-12-13 10:35
的確向橫發展的蘭花好佔地方，我喜歡佢的花夠平凡，丟了也不覺可惜。

我之前用芒骨板種吊响窗邊發展空間有限，
不過一走莖突左出黎我就剪出黎分比朋友，
所以一路都keep全咁上下size，
白扇仔話晒都係白拉索嘅經典又有香味！
種得就要好好照顧啦！

freddywongdy 發表於 2019-12-13 14:58
我之前用芒骨板種吊响窗邊發展空間有限，
不過一走莖突左出黎我就剪出黎分比朋友，
所以一路都keep全咁上 ...

唔怪得你種極都唔開花，原來一出界就剪芽，咁會搞到棵野唔夠壯。初接觸蘭花時一聽見夜夫人這名字簡直夢寐以求，點知到今日終於有機會親手種，隨著了解加深，覺得真的不外如是。

psyche 發表於 2019-12-13 15:08
唔怪得你種極都唔開花，原來一出界就剪芽，咁會搞到棵野唔夠壯。初接觸蘭花時一聽見夜夫人這名字簡直夢寐 ...

佢一年可以生好多枝出黎，又多分頭，
我都係分幾枝比人炸，但係春去秋來等到條頸長過長頸鹿都唔打花，
不過... 我朋友種就年年開花，吹脹！

freddywongdy 發表於 2019-12-13 15:17
佢一年可以生好多枝出黎，又多分頭，
我都係分幾枝比人炸，但係春去秋來等到條頸長過長頸鹿都唔打花，
不 ...

應該唔係你技術問題，係環境唔得。我之前連露台都冇，但種窗邊一樣照開到花。
C. nodosa要開花真的唔難，少少陽光就OK，但冇環境種花心易灰，所以我之前都頹過幾年，要有花開先見我在論壇遊走，冇花我又消失了，因為我要將我的喜悅和大家分享，但沒有東西可分享時都是很貧窮的，不敢外出見人。

psyche 發表於 2019-12-14 09:13
應該唔係你技術問題，係環境唔得。我之前連露台都冇，但種窗邊一樣照開到花。
C. nodosa要開花真的唔難， ...

希！唔好咁講！睇見d植物出塊葉生條根都可以好開心嫁！

freddywongdy 發表於 2019-12-14 22:07
希！唔好咁講！睇見d植物出塊葉生條根都可以好開心嫁！

新手階段時就算出新根都好興奮，現在已經習以為常，開始進入另一種境界。

最後一抽都開了，花被陽光直射出現赤紅，不夠雪白。香味在夜上開始出，是香口膠味，在8時左右最濃，遠聞反正聞得較清楚，近聞味道卻很淡，時濃時淡，受時間、溫度等影響，但overall香味算係淡的一種，不過可以傳得很遠，我陽台傳入室內，一聞到就莫名興奮。

謝謝B17大積分狂賞

B. nodosa 即將進入爆花狀態，每日唔夠兩個鐘陽光都有花開，仲要一黎岀4支。最近日日淋雨都冇事，不愧是強者。但點解每次開花前先黎換盆，影響到開花點算? 講少少野俾大家知，呀灑不喜歡長形膠盆，根沒有長出去新植料範圍，如不是鞋仔不用植料用，我都不用偷夫人的細石用。呀灑不怕淋雨，剛才換盆時根沒有特別爛，原先的根大致keep到，反正咁粗，就換些粗料你用。



今次我揀左這種蘭花專用盆俾佢，點都襯過之前。盆快快用掉算了，已擺左好耐，阻住地方。

開

psyche 發表於 2020-6-12 22:07
開

開花中的夜夫人在新花盆內份外醒神

第2-n抽。香味時淡時濃，試過淡如清水，也試過濃如烈酒。