有些蘭花要夠老先會開 - Paph. primulinum x haynaldianum

ChanKwingYin 發表於 2019-11-24 21:05
我反而雜交種全部死晒，原生反而不太死。雜交種唔多個五種紅魔帝，delrosii 同 callosum x lawrenceanum  ...

有發覺斑葉種永遠難搞過綠葉種？我種蘭花多年，每次都係死淨綠葉種同嘉多利。否則，交配種正常一定係強健過原種，生得快好多。我曾經都種過Maudiae, 同色交primulium，一乾，曬少少就死，香港小姐連整濕葉都死，反而本帖的拖鞋蘭挨得過種種考驗，乾又得曬又頂到濕葉更當補品，現在索性連花我都整濕埋，獲得種植者花櫃中的最後勝利。

freddywongdy 發表於 2019-11-24 21:24
咁都好呀！靚花有排睇！

應該的，投資咁耐點都賺返夠本，別人個個都畢哂業，佢今日才姍姍來遲。

你D花好靚

psyche 發表於 2019-11-25 08:27
有發覺斑葉種永遠難搞過綠葉種？我種蘭花多年，每次都係死淨綠葉種同嘉多利。否則，交配種正常一定係強健 ...

都係呀, 香港小姐本來三年都好地地但係無啦啦死比我睇。咁多年拖鞋蘭無根可以救得返，我諗剩係得esquirolei 一次成功其他都死晒。我嘅廣西玉女本來都好地地三年突然之間又死咗， 而家剩返嘅係jackii malipoense 麻栗坡，但係基本上佢哋都冇乜點生，淨係出咗幾塊新葉，三年啦。  bellatum,leucochilum永遠停留係出一芽，生多一隻都唔肯。

ChanKwingYin 發表於 2019-11-25 17:16
都係呀, 香港小姐本來三年都好地地但係無啦啦死比我睇。咁多年拖鞋蘭無根可以救得返，我諗剩係得esquirol ...

香港小姐purpuratum給我印象係極嬌嫩，就算係本地原生種一樣冇面俾，葉薄、斑葉、根系弱、完全唔曬得都係死症。我同你情況完全一樣，頭個幾年種得好靚，之後就無啦啦死，一句講哂就係難種。原來你有咁多品種，一定好多實戰經驗。但你的拖鞋有冇山採株? malipoense, micranthum,  esquirolei個啲勁多山採，這些品種商人根本唔會投資人工種植，上山摘大把。山採株種唔生，上X有時都賣山採野，要小心分辨。想買靚蘭花可能真係要飛去台灣，香港已經冇蘭花賣。

psyche 發表於 2019-11-25 23:23
香港小姐purpuratum給我印象係極嬌嫩，就算係本地原生種一樣冇面俾，葉薄、斑葉、根系弱、完全唔曬得都係 ...

冇啊, Bunbun 之前都有金童玉女啦成個花墟都唔係好得去邊。我好多拖都係淘寶買我見佢哋係人工繁殖先至買買返嚟嘅時候個樣都幾靚仔，應該就唔係山採

暫時來講斑拖我種得最好嘅係越南美人, 用萬象盆水苔Paphiopedilum sukhakulii都勉強話生得好, 唔生仔但係啲根幾健康。

ChanKwingYin 發表於 2019-11-26 08:50
冇啊, Bunbun 之前都有金童玉女啦成個花墟都唔係好得去邊。我好多拖都係淘寶買我見佢哋係人工繁殖先至買 ...

淘寶貨的質素如何？之前有諗過在外國網站訂蘭花，唔想成日都賓賓聲生生聲，太獨市唔好玩。種開蘭花的一睇就知係咪山採貨，之前有棵富寧，一拆出黎換盆發現根部被切斷了一半，可惡。

ChanKwingYin 發表於 2019-11-26 09:15
暫時來講斑拖我種得最好嘅係越南美人, 用萬象盆水苔Paphiopedilum sukhakulii都勉強話生得好, 唔生仔但係啲 ...

Right! 種過有邊啲好種既多啲介紹下，等其他新手花友都可以一齊種，以減少挫折。sukhakulii係其中一種我最喜歡的單花類，顏色好特別，不過如分芽能力弱又扣分，本貼的6年先生到一~兩個仔，生養同樣麻麻。

遲來先上岸... 右邊個朵明明遲三日先全開，竟然先凋謝了，可能因為花梗曾受綿花蟲影響...

開定了，期間一直有施簿肥，這朵暫時係最肥大的一朵。

換機再拍過，三星手機用了幾年，鏡頭已出現嚴重老化，前幾張照片拍得太差，令蘭花美態大打折扣。

https://youtu.be/2iah2lncrGU

影片分享，只贈有緣人

psyche 發表於 2019-12-2 11:41
https://youtu.be/2iah2lncrGU

影片分享，只贈有緣人

六年磨一劍真係唔簡單，要好好記錄記錄一吓！

W88 發表於 2019-12-2 14:11
六年磨一劍真係唔簡單，要好好記錄記錄一吓！

其實真的算不上是什麼，種花本來就是一場等待，差別只係有人等得長啲，有人等短啲。其實喜歡拍片，因為拍片可以呈現栩栩如生的感覺。

萬春園遺作，如假包換，花苗在香港土生土長，這是最難能可貴的地方。
到底香港何時才有另一個萬春園? 當年在園內賣得最平的花，今日在我家卻變成了上賓。

可愛蟲蟲也來為花花打氣

psyche 發表於 2019-12-6 11:26
萬春園遺作，如假包換，花苗在香港土生土長，這是最難能可貴的地方。
到底香港何時才有另一個萬春園? 當年 ...

以前最安心就係去萬春園買蘭花果時，老板話： 放心！種定左好易種！

freddywongdy 發表於 2019-12-6 21:08
以前最安心就係去萬春園買蘭花果時，老板話： 放心！種定左好易種！  ...

好令人懷念，可惜已成絕響。去呢啲地方買花先有意思，老闆要令顧客感受到對蘭花有認識，有熱情，顧客才會被感染到，我現時已經唔識買花。
睇下花展就知，已經愈來愈少人拿蘭花去參展，如不是仲有香港蘭藝會撐住，真係冇咩蘭花可以影。

psyche 發表於 2019-12-6 21:19
好令人懷念，可惜已成絕響。去呢啲地方買花先有意思，老闆要令顧客感受到對蘭花有認識，有熱情，顧客才會 ...

樓主不用介懷，時移世易，花無百日紅！
呢度以前都好熱鬧，好多人出貼！
可能近年多咗人放棄種蘭花，所以先咁冷清！