迷你黃花加多利亞蘭
~~~~~~~~~~~~~
簡簡單單一個黃字就令人想起好多詞句用語，都會用到黃字去形容一些事情！
就係古時形容未婚的年輕姑娘稱為「黃花閨女」
「黃道吉日」就是指萬事皆宜的日子(好日)
「黃面婆」是香港人經常會用到嘅名詞，係嗰啲唔再點樣打扮，衣著亦都唔再講究嘅家庭主婦嘅俗稱嚟，佢嘅性質其實同師奶差唔多
三大毒瘤中「黃賭毒」個黃字都洗點講，大家都知是指賣淫嫖娼，場所提供一些色情服務， 電視劇入面經常會聽到，警方掃黃行動簡稱
「黃咗」 是指畀人知道咗唔見得光嘅嘢，例如是指一些地方，製毒工場、地下賭場、 總言之就是不法場所不法勾當！
一些運動也用上黃色標語，黃色棋號，所以黃字同我地日常生活上，都分割唔開是息息相關㗎！
好啦好啦！廢up完一大輪，係時入返正提，我今日帶咗一隻混血女郎小黃花迷你加多利亞蘭，叫得迷你當然在族群裡矮小成員，雖然是迷你版咋，但花型花色同樣無走樣，一樣有晒加仔特徵一啲都唔輸蝕，係少咗啲啲波浪嘅曲線美，顏色絕對艷麗，一字形容夠晒（黃）！ |
顯身卡
