自制鮮果乳酪~~無需乳酪機架!

夏天消暑良品, 有益又健康! 食後包你日日暢通! 健康又靚靚!!!

食譜:
鮮牛奶 : 1公升
純味乳酪 : 2湯匙
糖 : 30克 (隨意, 甚至可唔加)
水果 :  隨你喜愛, 選擇甜的水果配合酸乳酪就完美喇! 我至鍾意加荔枝 / 提子 / 芒果。

制法
1) 鮮牛奶留起半碗, 其餘倒入鍋裡煲至鍋邊起魚眼泡(大約~70度)後熄火, 讓牛奶放涼至不"辣"手(大約40度)。
2) 留起的半碗的牛奶加入2湯匙乳酪打勻。
3) 預備1個可裝1公升的容器, 將2)倒入樽 / 盒裡。
4) 再將1)倒入3)
5) 避免有倒水滴落乳酪裡, 冚蓋前加張廚房抺油紙。
6) 將乳酪放入空的電飯煲裡, 然後冚電飯煲蓋, 讓佢放一晚。
7) 到早上乳酪已凝固成好似豆腐花一樣---->滑滑溜溜!
8) 接著將之放入雪柜雪24小時。
9) 乳酪配上自己喜愛的水果, 好味&正呀!

我喜歡哩個！
I like it!!

我無咁大個電飯煲...我用炆燒鍋...

順便貼個印度酸奶食譜大家試下...我試過係做到印度餐廳果種味道..


印度酸奶(lassi)
自製有機乳酪1杯
水3/4杯
蜂蜜1大匙
小茴香籽粉1茶匙(Cumin)
檸檬汁1/2茶匙

食譜來自瑜伽飲食養生全書...書中講及太陽下山後就不適合喝lassi了，冬天太寒冷時也應暫停。
可能因為書中提及，佢地果種養生法好注重消化之火(我地中國人叫胃火)，佢地唔希望胃火變弱。

就係將我寫既材料...放入攪拌機攪勻佢就得囉....

(因為酸乳酪用手攪會有一舊舊..所以用攪拌機...我係插D打蛋器係部機度攪...)

總之打得滑就佢無粒粒就得....你用手打都得架....最主要係唔好飲到好似有渣咁囉...

有無可以教吓我，點可以post番啱嘅相次序，我post過幾次都唔得呀！

ck:我想問,係咪就咁係飯煲放一晚而唔駛按制就得??如果我用真空煲又得唔得呢???
宜家天時咁熱,鮮奶會唔會好快變壞架????

cklife 發表於 2011-6-27 22:24
就係將我寫既材料...放入攪拌機攪勻佢就得囉....

(因為酸乳酪用手攪會有一舊舊..所以用攪拌機...我係插D打 ...

啱啦，我有部貴夫人，一於打打打.....
CK, 想問吓茴香籽起邊度買？ 印尼店？

PACO 發表於 2011-6-27 22:34
ck:我想問,係咪就咁係飯煲放一晚而唔駛按制就得??如果我用真空煲又得唔得呢???
宜家天時咁熱,鮮奶會唔會好 ...

咁好,等我放假試吓先 ,但我又想問,兩匙乳酪就夠架嗱?好係咁少

點樣算係有菌?點樣係無菌??

請問個電飯煲有沒有咩要求?.?
還有好IQ的問要開著的嗎？。？

PACO 發表於 2011-6-28 18:35
點樣算係有菌?點樣係無菌??

無菌咪接唔到種做乳酪囉....你D牛奶仍然係牛奶...
個產品係加左乳酪味...凝固劑果D咁野囉...


有菌你先可以接到種..將牛奶變成乳酪嘛......

CK,好多謝你以專業知識回復！

CK, 你學識淵博, 識種嘢又識整咁多好嘢食, 簡直係師傅級喇!

peggykyw 發表於 2011-6-29 04:35
CK, 你學識淵博, 識種嘢又識整咁多好嘢食, 簡直係師傅級喇!

CK直情喺自家製食品的太祖師！

唔好咁講呀...我有好多野想整...但都整唔到架....

而且...都唔夠係外國住果D網友咁勁...佢地真係乜都整到...

不過..依家好多都封BLOG...無密碼都入唔到去睇.

cklife 發表於 2011-6-29 18:08
唔好咁講呀...我有好多野想整...但都整唔到架....

而且...都唔夠係外國住果D網友咁勁...佢地真係乜都整到. ...

CK你好，我想請問一吓小茴香有什麼作用的呢？

cklife 發表於 2011-6-29 18:08
唔好咁講呀...我有好多野想整...但都整唔到架....

而且...都唔夠係外國住果D網友咁勁...佢地真係乜都整到. ...

thanks

想問問如果冬天要自製乳酪,是否需要保溫?
我家沒炆燒鍋,用電飯煲會唔會唔夠暖?