康普茶-佛肚臍(香港老生活)

5月24日 種咗3日多少少，又整多一樽，因為上次的菇種分咗三份。
             試飲咗養了三日的菇茶，甜帶少少酸，仍要努力，
             不過，已經形成新的菇厚度約有3MM。

5月25日 新的那樽隻菇種沉咗底，但見到上面有新的菌丝形成，又得咗喇！
        養咗四日的那樽，做手術，將舊菇撕了下來，只用新長的菇養，據說只用新菇養的茶無咁酸，茶味香。

想請問你浸個樽幾大,係邊處買同幾$

估唔到王爺都飲菌水

SUM 發表於 2011-5-25 05:14
想請問你浸個樽幾大,係邊處買同幾$

我比較CHEAP, 喺大陸買，2.5L，人仔15元一個。

sukyee0227 發表於 2011-5-25 05:29
估唔到王爺都飲菌水

試飲咗，其實勁似山楂酸梅湯，再加少少酒味。
咁好飲，就算唔係能醫百病，都可以當飲品。好過飲其它嘢。

飲佢都要示付個人體質 , 我想飲但體質唔得 , 我俾老公&同事飲都唔得

sukyee0227 發表於 2011-5-25 13:16
飲佢都要示付個人體質 , 我想飲但體質唔得 , 我俾老公&同事飲都唔得

唔通你個d唔同d? 我都有俾我d 朋友飲, 佢地都無事, 有d仲話好飲過天子一號~

sukyee0227 發表於 2011-5-25 06:16
飲佢都要示付個人體質 , 我想飲但體質唔得 , 我俾老公&同事飲都唔得

有乜嘢體質唔飲得呢？
從來無聽過喎？

如果體內垃圾多，飲完的確會大疴特疴，呢點是絶對的～

jellyfishy 發表於 2011-5-25 15:14
如果體內垃圾多，飲完的確會大疴特疴，呢點是絶對的～

但係我飲咗都無咩反應, 未飲前都係無咩反應的, 開始飲時都係想疴 ........ 我係好頗固個隻 .......

flower 發表於 2011-5-25 16:04
但係我飲咗都無咩反應, 未飲前都係無咩反應的, 開始飲時都係想疴 ........ 我係好頗固個隻 ....... ...

多垃圾到, 飲太少推唔郁?!

我同事個胃一向唔好 , 胃酸多到不得了 , 日日都要吃抗胃酸藥,都止唔到一半痛,佢已在政府三個月複診一次都無乜用 , 我见佢咁咪俾d佢飲囉 , 初時就話好舒服,之后話個身體好寒(凍) , 係由個心寒出來 , 不停話唔舒服好凍 , 又話返屋后要飲薑茶! 我同老公飲完后去了很多次厠所 , 要吃止痌藥呀!

sukyee0227 發表於 2011-5-25 16:21
我同事個胃一向唔好 , 胃酸多到不得了 , 日日都要吃抗胃酸藥,都止唔到一半痛,佢已在政府三個月複診一次都無 ...

你同事個胃有事, 應該係胃寒得好緊要, 西醫幫唔到佢架, 要看中醫, 食番幾個星期中葯啦~  
佢胃酸多, 有無太晚吃東西呀? 要戒埋宵夜喎~

你和你老公, 好明顯肚裡多垃圾啦, 下次再飲, 飲 100ml試下先. 我最初飲 200ml, 變左子彈火車, 第二日疴幾次...  現在一日飲500ml都無事, 每天正常大事, yeah~~

sukyee0227 發表於 2011-5-25 09:21
我同事個胃一向唔好 , 胃酸多到不得了 , 日日都要吃抗胃酸藥,都止唔到一半痛,佢已在政府三個月複診一次都無 ...

SUKYEE: 根據介紹，第一兩次飲喺要疴的，之後就無事了。疴先喺正常反應，因為菇茶是清理腸道，然後調理身體。

至於你朋友，胃酸過多，都喺腸胃問題，若能持之以恒，菇茶反而幫佢平衡番啲胃酸。至於胃寒，彼得大帝都講過，寒底人食番啲熱嘢。

咁我想問,日日有得去"大"的, 啱唔啱飲呢 ?

sukyee0227 發表於 2011-5-25 17:07
咁我想問,日日有得去"大"的, 啱唔啱飲呢 ?

咁就隨意啦~ (我飲呢個茶的原意係咁~嘻~)
個茶好似話通血管? 唔記得喇, 要睇番cklife個帖~

sukyee0227 發表於 2011-5-25 16:21
我同事個胃一向唔好 , 胃酸多到不得了 , 日日都要吃抗胃酸藥,都止唔到一半痛,佢已在政府三個月複診一次都無 ...

講起止疴藥...令我諗起老公既一個笑話....

話說佢有一排好濕.....吽左好耐....開始皮膚出唔痕既紅點點....

咁我咪煲D中藥比佢排下毒囉....連續兩晚比佢飲....點知係第二晚我半夜(其實係十二點)去厠所時，見到佢食止疴藥....
我問佢點解食止疴藥...佢答我話肚疴....

我老公︰[昨晚同今晚都係咁...咪食止疴藥囉..唔知點解...昨晚又係咁....朝早又無事..]

比佢吹到啤一聲....我特登煲藥比佢去濕...等佢疴出黎...佢去食止疴藥...

我咪同佢講囉....我同你去濕排緊毒喎...你止左點排呀...

佢先如夢初醒....[呀!係喎....唔怪得飲左藥都無料到啦....]

佢比我笑到家下~~~~

jellyfishy 發表於 2011-5-25 16:15
多垃圾到, 飲太少推唔郁?!

我e十每日朝早空肚大概飲 250ml (係學ck既), 係咪要加碼呀 ..... 不過之前去咗旅行,停飲咗幾日, 唔知有無影響呢 ?? anyway, 我會繼續試的 .....

flower 發表於 2011-5-25 22:42
我e十每日朝早空肚大概飲 250ml (係學ck既), 係咪要加碼呀 ..... 不過之前去咗旅行,停飲咗幾日, 唔知有無 ...

我都係咁諗先繼續飲既, 個個人體質唔同, 反應都唔一樣 ........, 好似我以前同同事一齊食d所謂排毒藥, 同事一日疴三次, 我就一日疴一次, 後來一次都無. 後來聽另外一個同事講佢家姐食咗兩3個月, 宜家唔食就無得疴, 嚇到我即刻唔敢再食(我巳經食都無得疴啦). 所以我依家有就有, 無就無, 算啦~~

flower 發表於 2011-5-26 15:09
我都係咁諗先繼續飲既, 個個人體質唔同, 反應都唔一樣 ........, 好似我以前同同事一齊食d所謂排毒藥, 同 ...

我全家都有習慣性便秘，感覺好似d腸好懶唔多識陏咁，我妹便秘到要睇醫生，因為就咁摸個肚都膜到一舊舊大便，佢最為苦惱。

我媽解決便秘既方法，係每朝早飲一大壼濃普洱，佢一直維持住，但唔飲無得去。我唔可以咁做，因為飲一杯我己經想嘔，而且飲完個胃會唔舒服。

我妹依家既方法係煲中藥，我介紹左隻中藥過佢，原本係防癌用(因為家族中有人有癌史)，但佢飲完就即刻有得去，佢依家當果條係排毒方，每星期最少飲一次，我幫老公排毒都會用依條方。但味道勁難飲，所以我另求出路。

我既方法，飲菇菇茶同食補氣食療，因為中醫話我係因為中氣不足所以無得去，菇菇茶幫我d腸陏得好d，再食補氣野，加埋老公教我既方法(唔理有無得去，訓醒飲完大杯水就去坐下，每日習慣左同一時間去坐，慢慢就會有便意。)，依家大便正常番。不過我食量要夠大,大便量先夠多，唔係就只得dd。好彩我唔怕食肥。