康普茶-佛肚臍(香港老生活)

呵呵...我都開始加入種菌行列。

預備中


水約2公升
冰糖約200克
普洱茶葉約10克

我全部都靠估，無量準確份量。


煮完的茶葉全部沉底，用隔網濾出。


一瓶甜普洱。

我睇唔到d圖片

剛才收到菇菇，已經入咗樽。
但係見到個菇有3層，喺咪用一層就得？
其餘兩層可以做多2樽？

八王爺 發表於 2011-5-21 17:21
剛才收到菇菇，已經入咗樽。
但係見到個菇有3層，喺咪用一層就得？
其餘兩層可以做多2樽？ ...

你中意三層分開一層一樽又得...中意將佢好似薄餅咁切件又得.......中意全部切碎分多幾樽又得....睇你中意囉...

明白了。啲图可能太大，有空改改再发过。


已改好了。
加多兩張新相。


一隻大菇的四份之一角。

但佢有三層，唔知做出黎啲味如何？

cklife 發表於 2011-5-21 11:22
你中意三層分開一層一樽又得...中意將佢好似薄餅咁切件又得.......中意全部切碎分多幾樽又得....睇你中意 ...

ck, 我有個疑問，一般養七日可飲用。今日星期六下午4時開始，到下星期六上午十時要去機楊飛韓國，若倒出來，加新甜茶，得唔得？
如果唔係，就要等我番黎，即係七日後才倒出來；會唔會酸得滯？菌都酸死埋？

另外分咗三層，其餘2層放係雪柜，遲啲先做都得吗？例如七日后？

我等三個月, 個菇都無死~不過ｄ茶酸到不得之了了～～～

jellyfishy 發表於 2011-5-22 00:11
我等三個月, 個菇都無死~不過ｄ茶酸到不得之了了～～～

早晨呀！金金！

酸即係繼續積存各樣有益酸類，咁我下星期六走之前試下味，啱食夠酸就換過啲新茶。
唔夠酸就繼續養。預備啲新茶就用冬眠的菇菇開始，咁返黎就剛剛七日了。

八王爺 發表於 2011-5-22 07:16
早晨呀！金金！

酸即係繼續積存各樣有益酸類，咁我下星期六走之前試下味，啱食夠酸就換過啲新茶。

如果你下糖量較建議量多，咁可以放多幾日，都唔會太酸既～
我個ｄ，用來清潔就得～

咁大支茶，一日邊有飲到咁多？　留起放入雪櫃？　現在我飲少少都清腸胃～～～

洗地都好喎！
尋日试飲咗花友做的，晚上真係放很多屁屁。

八王爺 發表於 2011-5-21 09:14
呵呵...我都開始加入種菌行列。

預備中

王爺，好重皮啊，用普洱

我呢....一般去旅行就會將舊茶入膠樽..裝七分滿...當然係寄倉啦....(咁去旅行就唔洗買野飲喇)
再做樽新茶...去完旅行番黎剛剛好.....

如果你係會飲既...又唔想拎去旅行...可以入樽放入雪櫃...再做樽新既繼續養....
懶既咪唔理佢囉....番黎佢係酸D...加糖加水一樣飲得...

其實，有D人係唔計日子...總之樽飲到咁上下...就加茶養....所以，係好酸架....懶既都可以咁做...

不過，後期飲比較酸果D...醋酸菌會多好多，相對地酵母菌同乳酸菌就少好多囉....

=====
我都有將菇菇茶倒入水箱，減少水箱細菌數量....發覺洗馬桶時D積易清D....我每次倒半杯至一杯....

咁都得?

candyafr 發表於 2011-5-22 02:13
王爺，好重皮啊，用普洱

CANDY, 你睇果啲茶葉渣就知唔係貴嘢。
             喺某次買紫大益，人地送的超巿普洱，無包裝碎葉。唔捨得丟，又無沖黎飲，有1kg, 依家用黎做菇菇茶都算無嘥。

cklife 發表於 2011-5-22 03:58
我呢....一般去旅行就會將舊茶入膠樽..裝七分滿...當然係寄倉啦....(咁去旅行就唔洗買野飲喇)
再做樽新茶.. ...

明白！
我試飲咗好得，似山楂酸梅湯，仲有好少好少酒味。

咁我今個星期六倒起佢，做過啲新茶，七日後又喺一樽好菇茶！

多谢賜教。

Sylvia 發表於 2011-5-22 13:42
咁都得?

SYLVIA, 喺呀！聽人講菇菇茶可以養到好酸，同醋酸一樣，咁用來清潔都得。不過，我用普洱茶養，唔會咁嘥，都係飲咗好啲。

普洱茶做都成功，今日見到有很薄的一層，半透明浮喺面，相信成功咗，仲有啲氣泡和沉殿。希望用普洱茶，啲成品香濃啲！

5月21日4:15PM 落菇種

5月23日7:15AM 已長出薄薄的新菇


周邊很多白色菌絲。
樽底有微量沉殿物。


生產了很大的一個氣泡。


從下面望上去，已見整個樽面半透明。

今朝做咗第二樽，不過，隻菇沉咗底。
好似有人講過，沉咗底都無問題。是真的嗎？

八王爺 發表於 2011-5-24 09:49
今朝做咗第二樽，不過，隻菇沉咗底。
好似有人講過，沉咗底都無問題。是真的嗎？ ...

no problem 啦～　係個樣無咁靚～
等佢造多ｄ氣泡，又會浮番自己上面架～