而家做男人真係幾悲哀

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
   廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
   到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
   首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
   "你揾幾錢個月呀???"
   "8000左右啦.."
   "8000??咁你有冇諗過同我個女結婚呀??"
   "暫時未有計劃,因為我覺得我地拍左唔係好耐,仲未了解得夠.."
   "冇計劃???咁你同佢拍黎仲咩??"
   呢個時候我已經覺得好唔妥架啦....咪話:
   "咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
   "OK,咁你話同父母住公屋,係咪??"
   "係呀."
   "係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
    仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
   可以養到我地呀???我唔該你,食完呢餐飯好走啦,唔好再揾我個女,知道未呀??"
    嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
   塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."
    果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
   尋晚成晚就係咁自己一個係咁隊到啤啤夫..真係.........天啊..點解呀??????
  就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

佢父母係極品啫, 唔係成個世界都係咁嘅.

公屋唔係人住,已經好好啦. 我識一個女仔好拜金,佢話冇1,000呎都唔係人住,居屋都唔係人住.

話時話你d字眼係咪要改吓,有d字唔係甘合適給小朋友看

Li D 好似係電視劇D劇情． 真係會有D咁嘅人!
而家呢個現實世界，都係公一份婆一份，女方都有責任養家，一齊建立自己的家庭，冇所謂邊個養邊個，如果娶個老婆番嚟，只係會與你同甘不共苦的，不要也吧！無謂偒心．
想別人不要小看自己，首先不要自己小看自己，最緊要肯勞力，正所謂後生可畏呀！後生仔．

其實我都覺得而家D後生仔都幾慘，初出度就很難建立自已家庭，更何況買樓間直冇得唸！
唔緊要啦，你重後生，用智識改變命運，總有出頭天！
話說我有一中學同學，以前人人都話佢蠢，冇見廿幾年，最近一次到他家拜訪，原來重讀緊書，重做左會計師添！
或者，受傷過後，都要計劃自已條路點走！

唔好放棄,佢地狗眼看人低啫,難保你有日出人頭地,咁快就睇小你,太過份,你努力呀!

呢個社會真係變晒態!!

唔好諗得咁灰住, 可能係你唔夠了解個女仔既背景呢
可能佢屋企係大陸黎既.....佢地就有好強既嫁女要有樓有禮金呢樣野...
所以或者下次你可以拍耐d了解多d先同人地家長食飯可能好d呢..可能人地係唔捨得個女會走呢個事實呢
而且你重細呀....好多時2個人係埋一齊係要經歷下, 忍耐一下先知啱唔啱呢, 一齊耐d先知2個係現有既環境同性格可唔可以一齊呢
唔好因為人地一句野而自暴自棄呀...... 重有.... 有時要沈得住氣...唔好咁衝動...退一步海闊天高呀

這個好像粵語片橋段, 老實男主角見未來外母,
男主角受盡白眼之後, 好有志氣的向女父母說會努力工作
對將來的太太及兩老好, show EQ, 女主也會從傍安慰.打完場.
如果真的是這樣測試, 你肥在喎, 咁易扯火, 將來容乜易打老婆?
平心而論, 人家只說出事實, 並表示擔憂兩口子如果生活,
你要說出將來大計. 如何去改善生活.
人家還是無理取鬧. 若真的覺得委屈, 你才表示不滿未遲.
現在? 話兩句就反檯, 你唔可以為了愛情忍耐下?個女嫁比你都有危險呀.
社會上做事, 相信你這種說話與態度都應受過, 次次都扯火?
都已28歲, 要學習如果處理逆境, 恕我得罪, 你連一個 F3 學生的 EQ 都比不上,
有時間看看他那個帖, 你或有得著. 要看完整套帖.

如不對耳, 請恕亂嗡.

人生有好多事, 真係唔需要睇得太重, 無論親情, 友情, 愛情, 就算一棵植物, 一件死物都未必可能留住一世啦. 可能你覺得佢哋狗眼看人低, 但換個角度諗, 又可能係你人生一個考驗, 考吓你呢翻說話令你意志消沈, 定係積極做人. 總之嗰句, 做好每一日, 每一刻, 用最大嘅熱情做好每一件事. 人生係有好多可能性嘅. 借酒消愁呢啲嘢, 一晚好喇, 年輕人!

我就覺得係咁:
- 父母為咗保護個女,唔想個女捱成世. 於是冒住阿女傷心要一次過整走你,費事你哋拖泥帶水.
- 父母狗眼看人低! 急功近利.
- 個社會變態.

re:暫時未有計劃,因為我覺得我地拍左唔係好耐,仲未了解得夠.."
   "冇計劃???咁你同佢拍黎仲咩??"
      "咁我覺得我地情投意合..咁咪一齊囉,但至於結婚,我仲未想咁快,要好好考慮一下.."

ans: $8000月薪不是不能結婚,但如果生兒育女的話要有心理準備,扣除學費等生活開支,兩夫婦上班仍幾大壓力,手停口停
尤其現在的變態老闆,老婆大肚多數給說話你老婆聽讓她自己請辭,其實都是怕拖無耐,即使要給意見,我覺女方家人都無需要用這種語氣講話

  re: "OK,咁你話同父母住公屋,係咪??"
   "係呀."
   "係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
    仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
   可以養到我地呀???我唔該你,食完呢餐飯好走啦,唔好再揾我個女,知道未呀??"

ans:問你憑什麼,那她女兒又憑什麼,你要求人,人要求你,相對的,你要求男方有錢有樓有學識,那人家自然有相對要求,樣靚身材正,家頭細務全包出得廳堂入得廚房.......

以後男人更慘,以後摧勢是社會長工變少,散工變多,用完無利用價值就掉,要用時再請

潮文喎,,,,,,: o )

呢篇O野O係好多個FORUM都出過

我諗狗眼看人低唔係今日今日先有O既事....
你又唔係同佢老豆老母拍拖,最緊要係你女友點諗O者~

我覺得問題出黎個女仔度囉....

個女仔知道自己父母係咩人...應該同你拍拖時就比定心理準備你....而帶你番屋企前亦同父母做好溝通.....知道佢地係咁態度...就應該閣置見父母計劃....

老實講...我媽以前就係你女友父母一模一樣.....
佢有時講野連我做女既都頂佢唔順....唯有慢慢教育佢.....我亦比定個心理準備佢....話佢知...老公我自己選...佢無權過問...我一定唔會聽佢地話....

而帶男朋友見家長亦會幫雙方做定心理準備.....

正如...我唔識人情世固....把口唔識講野...我老公會幫我係奶奶面前講好說話一樣....

所以...問題係出係你女朋友度.....當做一個教訓囉....記住第日唔好咁早見家長.......

又借題發揮
香港發生咁嘅問題, 係李生(等人) + 歷任港督特首(等人)造成
官員勾結, 高地價政策, 罔顧民生
你問候佢娘親, 應該順便問候埋李生同曾生.

是樓主親身經歷還是轉貼的？我有印象曾在其他地方看過這篇文章了。

莫欺少年窮。若是你的個人經歷，我覺得人家怎樣看你不重要，最重要是你自己怎樣看自己。

若我是人家父母, 就憑你說的話，我真的看不起你！看你所說 "你個女好巴閉呀???塊野鑲金架???" 就足以証明你根本不尊重和愛護當時正坐在你身邊的女友。只懂得憤怒。只懂得埋怨社會。你還感慨地說 "永遠唔能夠有愛情,有另一半,甚至唔能夠建立自己家庭呢??" 你究竟明白什麼是愛情嗎？年青人，好好反省吧！

擔泥 發表於 2011-5-19 11:07
是樓主親身經歷還是轉貼的？我有印象曾在其他地方看過這篇文章了。

莫欺少年窮。若是你的個人經歷，我覺得 ...

我以為自已是老八股, 原來吾道不孤.
想作者原意思欲得多些認同, 點知悉得其反, 希望他可以經過這事後, 除了怒之外, 冷靜之後, 還有得著.

樓主反應過激咯！
別人品性差，你也不用失控亂罵人。
我覺得喺個女仔最難受，因為佢父母同你都係咁火爆。

rrr888 發表於 2011-5-19 01:03
人生有好多事, 真係唔需要睇得太重, 無論親情, 友情, 愛情, 就算一棵植物, 一件死物都未必可能留住一世啦.  ...

十分贊同 , 我不斷同自己講!