你多唔多事

比得大帝 發表於 2011-5-5 09:35
剛才中區警署打電話俾我, 佢話阻我一分鐘, 不過講咗五分錢鐘, 問嚟問到都係問地點响邊度, 我話EMAIL相俾佢, ...

我知佢地唔係想discouraging啲報告者，而喺要清楚整件事，先可以追究。
我都試過在街上執到身份證交去差館，結果反而我好似犯人被審問，又要留記錄。
搞到我以後見到地上的嘢都唔敢執去交差館。
你話喺咪discouraging?

我會係心入面嘈或者同朋友一齊嘈
又好少真係玩到打999

回復 比得大帝 的帖子

博人唔出聽....? 唔出廳....? 定唔出聲?

講開多事，琴日我都做左件諸事野~
琴日係屈記排隊俾錢，排係我前面果位自由行，
懶豪氣同朋友掙俾錢，結果佢將一張一百蚊好似掉垃圾咁掉落收銀櫃台面...
我見到又抵唔住頸，
另轉頭好大聲咁同我阿媽講:
乜而家d人俾錢俾得咁衰咖...掉俾人既...好無禮貌囉...
跟住我媽話聽唔到，我又再大聲d講一次~
聽到個收銀哥哥忍唔住笑~

看完你哋寫既多事 , 每次多事后回應都好 , 所以我覺得自已好可憐 , 就是衰多事 , 俾個大陸婆問候我阿媽 ! 此事搞到以后都有啲怕怕多事!

開始 - 星期日在大xx吃完早餐后去廁所 , 正當洗手之時看到一對母女,佢個女太約(4-5歲)進入厠格,以下是我們對話 :

大陸婆同個女講 : 踏上個厠板到痌啦 , 咪痌到自己條褲濕晒,(佢無關厠所門 , 所以我看得一清二楚)
我                           : 我心諗 " 有無搞錯呀! d人咁無公得心 , 係要踏上去痌 , 都提起個厠板喇" , 只顧自己乾淨 , 不理其他人感受 ,
                         点知在不自覺間講了出來,其實我時時都睇唔過眼"心在駡"!
大陸婆                  : 立刻xyz@兇猛地一直問候我阿媽 , 仲話關你乜事 , 死百婆!

之后我就出去,無再同個瘨婆繼續駡落去 , 出到去我同老公講件事,跟住個大陸婆就出來,我指俾老公知 , 個大陸婆繼續手指指講粗口閙我(一直行返去佢個位) ,我就行過去話要報警,告佢講粗口閙我 , 呢到係香港唔係大陸,任你閙人都得 , 同枱有個阿婆立刻起身 , "犬交" 一直拍我安撫我推我出門口話佢個女剛來香港唔識嘢 , 叫我唔好怪佢, 不斷說好話 , say sorry 我才走呀! (但個大陸婆一直無say sorry 呀只是個阿婆講)

發生完此事我想問 :
1. 究竟我報警有無用 , 差人受唔受理 , 告唔告到個大陸婆 , 我成世人未試過俾人咁閙
2. 如果是你,你會点處理?

回復 sukyee0227 的帖子

1. 報警無用,除非佢郁手或有恐嚇,否則差人o黎都係當私人糾紛處理~
2. 我個人比較懦弱,見到呢類人真係唔知可以點做.....
    (即係等如你叫條屎蟲唔好食屎,是很難的,呢個係佢本性......)

回復 sukyee0227 的帖子

我哋係善良人, 路見不平, 出句聲算係放錢入佢袋, 但係遇到惡人, 我哋唔會同佢鬥爛, 正所謂好佬怕爛佬, 爛恅怕x婦, 費時勞氣, 係呀, 我哋唔係超人, 唔可以對付所有壞人.  小事報警都冇用, 如果佢斷正, 例如偷嘢, 刑事毀壞, 則可以找有關單位拉佢.

果日去Starbuck食早餐, 和太太一起買完嘢, 行出去搵位, 聽見後面有個女人一直大叫: 快d, 快d, 快d.

我太太拿著食物盆行在我前面, 這時一個二十幾歲男仕衝過我身旁到我前面 (還在我太太後面), 他還想再穿過我太太前面去搶我們面向的一張枱, 這時我太太已將食物盆放在枱上.  又聽到那把女人聲叫: 車.

於是他們七個人, 一個老人, 一個小朋友和五個年輕人, 將我們旁邊的三張枱搬在一起, 坐下去.

我大大聲同太太講:
哩d就叫冇家教囉, 乜都搶, 點教下一輩呀, 哩d不是好似那些女人搭地鐵時叫個仔衝入車箱霸位一樣, 哩個世界唔駛講秩序啦, 乜都鬥快得咖嘞, 成日話人哋大陸人點點點, 香港人自己有幾好?

佢哋一直唔敢答, 不久他們在其他位置找到好位, 那把女人聲又叫:喂, 搬入去坐啦.

我又同太太講: 你估佢哋整亂哂d枱, 會唔會搬番好才走呢?

結果全部人走哂, 只有那個七八歲的小女孩一個人在把枱搬回原位.

我想, 教唔到大人, 最少都教到個小女孩.

回復 比得大帝 的帖子

香港人起碼都仲有返基本的羞恥之心....如果你個case比著係sukyee0227所講果類人,都可能會發生同一樣o既事.......

所以我話你哋"多事"都與到d正常人(俾你哋話佢都不敢出声回敬你哋) , 我就可憐 , 一世有住呢個陰影 , 如找差人無用 , 可否律師呢 ?

回復 sukyee0227 的帖子

當然可以搵律師啦  (如果個律師係你朋友, 傾吓計, 訴吓苦, 無防, 告人?  告乜嘢呀?)

回復 比得大帝 的帖子

一路睇一路想個劇情, ~~~快d快d~~~我真係以為捉賊呀
想霸好位人之常情, 自己都發生過呢d情況, 但我只會急步過去, 有就有冇就算! 明知有人比自己近張枱, 仲快嚟做乜, 咪等另一張, 真係有失身份

都話用粗言穢語駡人咯! 成日看新聞都話你再講乜乜勿勿我告你 ( 係d達官貴人&過官 , 有身份地位) 當然我唔係達官貴人&高官 , 你等收律師信啦!

比得大帝 發表於 2011-5-11 14:44
果日去Starbuck食早餐, 和太太一起買完嘢, 行出去搵位, 聽見後面有個女人一直大叫: 快d, 快d, 快d.

我太太 ...

就係香港越來越多人,再加上自由行,迫爆香港,一來香港乜都要快唔可以慢 , 如果你慢親你就有問題 = 唔醒目 , 香港人最怕俾人話自己唔醒目 , 呢句意思話你"笨"

sukyee0227 發表於 2011-5-11 15:54
都話用粗言穢語駡人咯! 成日看新聞都話你再講乜乜勿勿我告你 ( 係d達官貴人&過官 , 有身份地位) 當然我唔係 ...

如果告佢, 要先成立到你有受到傷害, 如導致驚恐, 覺得安全受到威脅, 有後遺症等, 或有損你之公眾形像, 當然要好多舉證,

單係講粗口好難入到罪

咁就真係多事又死唔多事又死 , 唔怪得香港人越來越活在自己世界中 , 不願出街(我都是) , 实在有太多嘢看不過眼 , 唔睇當睇唔到 , 隻眼開隻眼閉啦!

sukyee0227 發表於 2011-5-11 16:10
就係香港越來越多人,再加上自由行,迫爆香港,一來香港乜都要快唔可以慢 , 如果你慢親你就有問題 = 唔醒目  ...

就係香港越來越多人,再加上自由行,迫爆香港,一來香港乜都要快唔可以慢 , 如果你慢親你就有問題 = 唔醒目 , 香港人最怕俾人話自己唔醒目 , 呢句意思話你"笨"

1. 我冇俾佢霸到我個位, 點解要話我笨?

2. 我有我的原則, 我去快餐店食嘢, 一定買咗嘢食才搵位, 最討厭一個人霸幾個位, 其他人去買嘢食, 甚致有些人霸位等人.  如果唔係個個人都霸位等人, 快餐店跟本就唔係咁難搵位.  自己知道霸位是醜行, 唔會因為個個人都係咁做就跟埋一樣去衰格.  如果咁都話係唔醒目或笨, 我唔同意.  因為我成日話果d霸位嘅人, 唔想自己俾人話番轉頭.

唔係話你"笨"呀! (我只是打個比喻 ) , 你是精算師点有人夠膽話你笨呀 , 比得大大! 我係話個女人 "車" 個一声 , 覺得自己d人咁慢霸唔到枱呀! 個女人覺得自己d人慢呀! 你都無俾佢霸到,就算霸到又点呢?你跟本就唔會同佢一般見識 , 你有修養有學識嗎! 而我亦是覺得做什麼都要"曾"一餐 , 好倦的! 所以我才寫"香港实在太多人" 一出街只顧住"曾""曾""曾" ~ "霸""霸""霸" , 我係話佢哋呀!

回復 sukyee0227 的帖子

佢成日都以為人係話佢的,HOHOHO~~~~~

回復 owlcyr 的帖子

我上文話我和太太買完嘢才搵位, 即係慢慢搵位啦

佢回覆我的帖子話: .........如果你慢親你就有問題 = 唔醒目 , 香港人最怕俾人話自己唔醒目 , 呢句意思話你"笨"

佢回覆我又咁多個[你]字, 但係又話唔係話[你], 咁你話係我理解有問題, 定係佢演譯有問題呢?

我話我成日都以為人話我, 我唔認同囉, 除非你有例子舉證.