本帖最後由 金盞花 於 2011-4-21 23:56 編輯
呢隻貓女養咗1年有多, 佢晚晚嚟我花園等我餵食, 呢排覺得佢腹部2旁有d脹咗, 所以估佢可能有咗. 好想幫佢絕育, 所以今日打去問診所有關資料. 姑娘話最好趁佢未生嘅時候捉到佢, 帶到診所照x-ray好等知道貓b有幾多隻/懷孕周數, 之後最好搵地方安置佢至貓b出世, 待佢餵哺貓b2個月至幫佢絕育, 之後可以放回原居地.
我覺苦惱問題好多又好難處理.....
1. 貓女雖然養咗一段時間, 只係近來對我冇咩防備. 佢有一處地方休息, 只有晚上嚟搵我餵食 可唔可以捉到佢入袋都成問題, 更擔心嚇怕佢以後唔敢嚟食嘢.
2. 因家中都有養貓, 好難搵到地方安置貓女. 如安置在花園, 我只有1隻幾尺貓籠, 唔可能將貓女+貓b安置咁耐, 又怕嚇親其他街貓(仲有2隻).
3. 從未試過照顧懷孕貓+貓b, 如果一時間要我處理, 真係唔知點算, 諗起都頭痛.
4. 當貓b出世, 我又冇渠道幫佢搵家.
真係好苦惱, 正處於想幫又好難幫~~~請問大家有冇d好建議
|