回復 cherrylwy 的帖子
其實拖鞋蘭易種與否係好睇咩品種, 有D原生種好似金拖銀拖咁, 原生係D高海拔地方, 黎到香港唔熱死都怕得D葉睇, 莫講話仲想佢再開花...., 我就冇咁既功力喇~!! 唯有種D易種例如廣東地區或印尼原生種咁, 起碼接近返少少香港氣候, 有D把握啦..!! 有少少心得, 唔知啱唔啱, 可以俾你參考, 你要知拖鞋受唔受得晒, 通常有斑既葉較怕晒, 要低光, 淨綠色葉較受得晒, 可以中光, 但盛夏就一定要遮蔭喇...., 如果放室內, 建議用蘭石加芒骨, 因為水苔浸左, 你返工冇人係屋企閂晒窗唔通風, 較難乾, 一直浸住D根, 就算唔爛都一陣味啦, 蘭石就唔同, 佢乾得快, 唔怕浸爛根, 又冇咁惹菌, 最多乾燥時勤D淋, 但都唔怕淋死啦....!! |