種茄子,指天椒一問

我係一個新手...我想問種茄子,指天椒用咩泥??係惠康買果D得唔得架???仲有...有冇話要用咩肥料??
點樣先知道D種子過期呀??我係YAHOO拍賣度買D種子返黎.....唔知會唔會過期呢,.

仲有一點就係..可唔可以用發泡膠(即係街市賣菜果D)黎當做盆架???

唔該晒咁多位師兄~

我都唔舊你幾多，比啲我本人嘅意見啦。
我認為種嘢由種子至成長，要經過一定時間，所以，無知地種就好浪費時間去試；有多啲知識跟住去種，結果會好啲。
以我所知，茄子與辣椒同屬一科，詳細資料，自已download睇啦。
辣椒 http://www.tnfd.gov.tw/upload/article/470.pdf
茄子 http://www.tnfd.gov.tw/upload/article/471.pdf

以我所知，種子無話過期與否，大自然定律，適者生存，當佢地遇到適當環境就會發芽生長，生得好與唔好，就要睇天時地理喇，當然，用花葐種，地理就要靠人為喇，天時則要配合氣溫、濕度及陽光等等，一路種一路吸取經驗，瞎種係唔太過癮嘅，記住睇多啲料呀，網上多的是。
By the way, 我都係用緊街市啲裝菜、魚用發泡箱種緊甜椒，無問題，不過去街市拾之時，比幾蚊捨紙皮婆婆啦。
再見!