內地電話行騙案

[複製鏈接]
作者: wendy_choy_hk 发表于 2010-12-30 15:26:16
2339 15
電話新招行騙半年飆13倍
http://hk.news.yahoo.com/article/101227/3/ly44.html

(星島日報報道)「認親認戚」電話騙案又有新招,疑有騙徒向無良電訊公司職員購得港客資料,以漁翁撒網形式,從內地致電港客訛稱親友要求匯款應急,同類騙案今年下半年已有一百六十八宗,較上半年飆升十三倍,涉款近七百萬元,連犯罪學家黃成榮亦成目標。
記者:邵燕霞

中港兩地交往頻繁,若接獲內地來電:「XXX,你估我是誰?」對方能說出你的名字,可能是好友,亦可能是騙徒。根據警方資料顯示,今年上半年有十三宗涉及「扮老友」的電話騙案,但七月至十一月卻錄得一百六十八宗,相對上半年激增近十三倍,損失款項高達六百九十萬元,受害人被騙款由一千一百元至四十八萬八千元不等。

向電訊公司職員買資料

據悉,騙徒先向一些機構如電訊公司職員,購買港客個人資料,再以內地電話致電受害人,電話一接通即說:「XXX,你估我是誰?」能夠說出受害人的名字,並訛稱是其內地親友或認識的人,「扮老友」寒暄一番,但卻不表明身分。

當受害人說出一位親友名字,對方即連連稱是並打蛇隨棍上,聲稱自己在內地被公安拘捕,急需「疏通」,或因其他理由急需用錢,要求受害人將錢匯入指定內地銀行戶口。

部分個案中,騙徒更食髓知味,取得第一次騙款後,再多次致電受害人要求更多金錢。不少網民亦在網上討論區表示,曾接獲類似電話,騙徒清一色為操內地口音廣東話的中年男子。

城市大學  犯罪心理學課程主任黃成榮亦成為騙徒目標,黃指出,近日他及一名同事分別接過類似可疑電話,其同事兩日內更接逾五十個電話,嚴重滋擾,幸他與同事俱未有中招。

黃估計,騙徒多向與內地有生意來往的港人埋手,以內地靠人脈關係辦事的文化,配合電話行銷手法及疲勞轟炸等心理戰術,令受害人怕得失內地親友而就範,但騙徒的說辭往往模棱兩可,只要提出一些要求確實答案的問題,如「你兒子幾歲」、「你老婆叫甚麼名字」等,便可輕易分辨真偽。

警方發言人表示,已就此類電話騙案與內地公安聯絡及交換情報,並呼籲市民如接獲類似電話,應保持鎮定,立即掛斷電話,確定親友安全並盡快通知警方。

其中一個內地來電號碼 : 8613611418698
比得大帝 發表於 2010-12-30 17:24:01 |顯示全部樓層
本帖最後由 比得大帝 於 2011-1-5 16:36 編輯

我都收過一個懷疑可能企圖嚐試行騙電話

佢打嚟扮到好熟, 但冇叫名:
佢: 喂, 咁耐唔見呀, 唔識老友啦
我: ( 起初以為佢打錯) 你搵邊個呀?
佢: 唔係呀, 依家唔識老友啦
我: 不過我電話冇你個名嘅
佢: 唔好提, 前幾日跌咗個電話, 依家換咗張卡
我: 咁你邊位呀, 我真係聽唔出你把聲
佢: (笑住講)唉, 你話老友吖, 咁都唔認唔到
我: 我真係認唔出你係邊位
最後我話: 如果你唔講, 我收綫嘞
佢都唔講佢係邊位, 不過繼續响度拉拉扯扯
我冇再理佢就收綫

通常佢扮到好老友, 等你up個名出嚟, 佢就認, 可能會同你傾多一兩次電話, 就嚟料嘞
wendy_choy_hk 發表於 2010-12-30 17:26:05 |顯示全部樓層
本帖最後由 wendy_choy_hk 於 2010-12-30 17:26 編輯
比得大帝 發表於 2010-12-30 17:24
我都收過一個懷疑可能企圖嚐試行騙電話

佢打嚟扮到好熟, 但冇叫名:


exactly 一樣,佢打左2次來啦! 第1次男人,第2次女人.
2次都係這個no. >>內地來電號碼 : 8613611418698
亞實 發表於 2011-1-2 16:27:40 |顯示全部樓層
我老公都係收到呢類電話, 仲打左2次
claudiatang 發表於 2011-1-2 16:40:29 |顯示全部樓層
如果我接到這類電話問我他是乜水,心情好就就跟他玩玩,我會講一個不在我朋友名單範圍內的名字﹗如果心情不好就叫他早抖......
jeffiau 發表於 2011-1-5 14:33:04 |顯示全部樓層
比得大帝 發表於 2011-1-5 14:25
回復 八王爺 的帖子

你咁想人打俾你, 何不主動打俾佢

我都好想收到呢d電話.
因為我一早已經想好了要說甚麼話...!

可惜...
只聽住身邊一個又一個人收到,
.....我就無份玩..
luckyman 發表於 2011-1-5 11:30:17 |顯示全部樓層
我都收到呢類電話1次.......
八王爺 發表於 2011-1-5 12:24:07 |顯示全部樓層
無收過添,唔通我真係唔識人!?
比得大帝 發表於 2011-1-5 14:25:34 |顯示全部樓層
回復 八王爺 的帖子

你咁想人打俾你, 何不主動打俾佢

wendy留咗個電話 8613611418698

比得大帝 發表於 2011-1-5 16:35:39 |顯示全部樓層
咁不如你講吓你會點講嚟聽吓
大家不防又講吓如果收到哩個電話會點講吖
maybabe 發表於 2011-1-6 22:13:25 |顯示全部樓層
我都試過一次
個次無叫我個名,但我真係以為係我朋友

喂左幾次后
我:你揾邊個呀?
佢: 你唔認得我呀
我:你係axxxx呀
佢: 係咯
我: 你真係axxxx, 華x呀
佢: 係咯
我: 你真係axxxx華呀.. (但華唔係一個姓所以呢個名一定唔啱)
佢: 係咯, 我黎左深圳公幹呀想約你聽日飲茶
我: 下你唔係去左澳洲架咩..做乜會去左深圳架
佢: 無得去咯, 取消左, e+黎左深圳見客咯后日走咯
我: 咁咪好慘咯你演唱會票都買埋咯
佢: 係呀都無法啦
我: 好凍喎, 你有無夠衫呀
佢: 係好凍呀, 我今日買左件衫
我: 咁你點返菲律賓呀經香港呀(因為個個人係係菲律賓架)
佢: 係咯,
我: 咁你聽日一係約xx飲茶咯...你幾點會落黎呀
佢: 大約4-5點啦, 我同個朋友黎, 佢話想黎下.
我: 咁你黎到時打比我啦, 睇下我放左學未啦
佢: 你打比我啦, 你有我電話嗎?
我: 係咪呢個呀....都係你聽日打比我啦
佢: 咁好啦
之后收左線
我個時真係以為係我朋友, 但個晚我send左email去菲個面confirm
但第二日都搞到我放學時心掛掛唔知去邊到等佢
點知返到屋企...先發現...車...條某利玩我...................
八王爺 發表於 2011-1-7 10:48:35 |顯示全部樓層
本帖最後由 八王爺 於 2011-1-7 03:54 編輯

華 ... 係姓。中國有個 華國鋒。 中學時有個miss都姓華。
giveupaguy 發表於 2011-1-17 11:22:52 |顯示全部樓層
如果我收到呢類電話佢一定無運行....我最憎人懶神秘..我即時cut線多
比得大帝 發表於 2011-1-17 15:57:28 |顯示全部樓層
接d唔識嘅電話, 最好第一句講: Hello.
好多會知難而退, 包括銷售電話
giveupaguy 發表於 2011-1-18 10:56:51 |顯示全部樓層
kaka...呢個都係好方法..等我學埋幾句日文旁下身..到時空氣中會多幾秒的停頓
linlai 發表於 2011-1-22 23:26:52 |顯示全部樓層
多數即刻收線
您需要登錄後才可以回帖 登錄 | 註冊

本版積分規則

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.