本帖最後由 金盞花 於 2010-11-2 01:06 編輯
可能你响pet shop見有盒裝貓草賣, 所以問起貓草呢樣嘢. 其實貓草通常係小麥草, 你無須在pet shop買, 因太貴啦! 自己買小麥草種子$5-, 俾2隻貓食, 都要分開2次種嚟俾佢哋至食得切. 至於吐毛膏~我初期都有買, 但自從俾小麥草佢食就取代咗吐毛膏啦! 一來吐毛膏都唔平, 我隻貓又唔多想食, 而種小麥草又新鮮又冇化學加工, 功效又達到(吐毛).
小麥草
唔駛幾日就食得
在我嚟講貓爪板唔係必須, 原來真係有貓唔玩架! 我嗰2隻貓就係1隻肯玩但另1隻唔玩. 無謂買咗返嚟佢哋唔玩盞浪費! ***多口一提~~~貓床都唔駛買***, 因佢哋好有性格, 唔同狗叫佢返狗屋瞓就肯聽你點, d貓鍾意瞓紙箱, 你最好間唔中搵d紙箱俾佢瞓俾佢玩(因佢好鍾意爪紙箱) 佢會好開心. 其實養貓可以好經濟, 買玩具俾佢佢唔玩, 但如果俾厠紙筒 膠樽仔佢哋都玩到樂此不疲.
我都話佢鍾意玩紙皮, 搞到我有紙盒又唔想掉留俾佢玩, 至玩到殘晒先肯掉. 又好似d婆婆咁問人要個紙箱返嚟俾佢哋玩.
都慣晒, 唔怕瘀add4icon
順便一提~~~天氣已涼, 貓B仲細, 又係短毛, 記住保暖唔好凍親. 可能佢會黏住你身體瞓嚟取暖. (我隻細貓已經好似膏藥咁貼住瞓啦)add6icon |