回復 5# cklife
據講第一次做henna要响一星期內做兩次, 個效果會好d, 之後就有需要先做. 我係跟足呢條rule做嘅, 隔三日做第二次HENNA, 再隔一星期先做INDIGO. 效果接近黑色, 好自然, 燈光底下會見到藍色, 因為 indigo 係藍色嘅 (牛仔褲都係用 indigo 做染料). 無論HENNA或INDIGO, 做完之後D頭髮都有青草味, 我就好鐘意啦!! 而且真係如CK所講可以防脫髮, 以前我洗一次頭, 起碼要响浴缸去水位清2-3次頭髮先可以順利去水, 而家只要清一次, 有時仲洗完頭先清都冇問題.
依家我lazy左, 一係只用indigo, 一係兩溝.
只用indigo, 又做得好都可以做到近黑嘅藍色, 但成日都失敗!! 唔知係咪忘記加盐呢?? 下次再試.
如果兩溝就會做出栗子色, 但我d白頭髮集中頭頂, 分界後就好肉酸, 就好似第二次染髮嘅效果, 但係就深色少少. 我朋友無我咁多白頭髮, 分佈又平均, 效果就好靚, 好似做左栗子色highlight咁!
聽講重慶森林果d都唔算貴, 好似約$3X, 但比較自己溝嘅貴4倍價錢啦, 因為一包200G HENNA可用兩次, 都係$18, 我D頭髮差唔多長到腰先每次用100G, 短頭髮就相應減少用量啦. 我用開果隻牌子有100G裝賣, 但搵過幾次都冇貨, 下次去元朗再睇下先. 見過元朗煤氣公司都有得賣, 都係$3X, 不過唔知係咪Herbul.
Herbul 都好似响元朗D印尼舖頭見過, 下次搵搵, 睇下幾多錢先!! 其實有好多隻牌子ga. 如果平D, CK 我可以幫你買喎!! 反正我每星期都去荃灣. 咁你就唔駛去尖沙咀咁煩啦!! |