甚麼地方做錯了

[複製鏈接]
作者: 比得大帝 发表于 2010-9-27 14:35:46
5400 69
☆桃仔☆ 發表於 2010-9-27 17:26:18 |顯示全部樓層
借錢易~還錢難~
現實係咁~
叫還錢.有d人仲可以反面...諗住唔還~
唉~錢可以睇清一個人~
無比仔 發表於 2010-9-27 22:11:22 |顯示全部樓層
我諗起兩樣野.
1.君子愛財, 但要取之有道. 回佣呢家野, 我見收gea人無幾多個有好下場. 最近我公司有同事做呢
   d 野穿咗煲結果公司叫佢自動離職兼比佢做公司的分判商, 佢算係好下場的一位. 好幾年前我另
   一位朋友因此被廉署檢控, 結果轉做污點證人指證另外幾位同事(結果佢地要坐監)而被判社會服
   務令, 唔洗坐但案底跟你一世兼無得喺他做開那行業再立足.
2. 講錢失感情. 有d朋友/親人, 同你借開錢就好似老馮禁, 借遲d都怪你借得慢. 舊數未请或舊數還完
     無耐又借, 唔借比佢又要比其他人話無情無義, 見死不救等...有錢做乜唔借比佢救急, 我心諗你
     地連 一次都無借過比佢, 有咩資格話我?有d朋友, 唔借好地地, 但借開真係有條路...
jellyfishy 發表於 2010-9-28 09:25:55 |顯示全部樓層
個d 潑火既小人, 我實鬧瓜佢~!
比得大帝 發表於 2010-9-28 10:49:05 |顯示全部樓層
我心諗你 地連 一次都無借過比佢, 有咩資格話我?無比仔 發表於 2010-9-27 22:11

哩句好有同感
有此共同朋友認為佢要坐監, 值得同情
佢咁慘, 我有錢都唔肯俾佢, 係無恥

佢地有冇諗, 哩個人點解要坐監
佢地有冇諗, 我點唔好, 都俾咗三萬蚊佢, 我好相信哩十幾個共同朋友一毫子冇俾到佢, 佢地有乜資格背後話我?  要話我一句, 要先話自己100句.

又算有佢地有俾過錢, 都唔夠我俾得多, 又如果佢地果果都俾多過3萬, 咁哩條友仔不是攞住成百萬坐監?  佢幾該坐得好開心才是

佢要嬲我, 應該先嬲那些沒俾錢佢坐監的人才是.
八王爺 發表於 2010-9-28 11:09:23 |顯示全部樓層
佢要嬲我, 應該先嬲那些沒俾錢佢坐監的人才是.

我終於知道 阿大帝錯乜嘢,係一句經典電影對白:
「我錯在有眼無珠!」
wendy_choy_hk 發表於 2010-9-28 11:25:32 |顯示全部樓層
講起借錢,我又諗起一個好母親

我大女讀小學時,有個同學仔係單親家庭. 佢出世便只有媽媽,她們是靠綜緩渡日. 但佢媽媽應該好爛睹,每個月尾都要問人借錢渡日.

佢借錢的方法,就是叫個女同d小餐廳老板/其他同學既家長講,媽咪5記得帶錢出街,你可5可以借左50蚊比媽咪呀?
如果人家5借,小妹妹便會話叔叔乜你甘衰嫁,甘都5幫人.
如果人家借比佢,佢都會還比人.因為月尾又再借過.

佢媽媽勁到好多時過大海5記得返學校接女放學,試過一次去到10點幾.學校都頂5順,只有報警.

到個女升中學時,佢連個女都5要.送左去社署.
比得大帝 發表於 2010-9-28 11:30:42 |顯示全部樓層
[quote我終於知道 阿大帝錯乜嘢,係一句經典電影對白:
「我錯在有眼無珠!」
八王爺 發表於 2010-9-28 11:09 [/quote]
哈哈, 俾你激死 add2icon
比得大帝 發表於 2010-9-28 11:48:36 |顯示全部樓層
本帖最後由 比得大帝 於 2010-9-28 12:04 編輯
講起借錢,我又諗起一個好母親

我大女讀小學時,有個同學仔係單親家庭. 佢出世便只有媽媽,她們是靠綜緩渡日. ...
wendy_choy_hk 發表於 2010-9-28 11:25

社會問題?

有個類似的離題話:
以前鄰居幫人'臭'個女(x妹妹), 由手抱開始, 好乖, 成日嚟我地屋企玩, 同我個仔差不多年紀, 經常一起玩, 我地重成日話第日結埋婚就好嘞, 多個乖女, 屋企今日還掛著他們兩小無差的相

佢阿媽係舞女, 後來改嫁, 為咗省錢, 到5,6歲時收番個女俾菲傭睇, 我地好擔心, 知道在咁嘅環境下, 好易變問題兒童, 但愛莫能助

到十一二歲時, 有個唔識的女人打電話給我們, 話佢個女冇返屋企, 問我到知唔知去咗邊, 問清楚, 如來x妹妹漏了電話簿在她家, 我們很擔心, 馬上找x妹妹的媽媽, 她很冷淡的說: 佢成日都唔返屋企嫁啦

不久就聽到她因偷竊判入了女童院.

世上又少了一個純真的女孩
八王爺 發表於 2010-9-28 11:54:50 |顯示全部樓層
唔知係我無記性,定善忘。
我借錢俾人,我十成唔記得追人還錢,而借出時通常冧住佢唔會還。
於是姐夫,細佬都問我借過,而不了了之。
我自己就從來不問人借錢的。無錢咪買少啲花草咯。
比得大帝 發表於 2010-9-28 12:02:08 |顯示全部樓層
唔知係我無記性,定善忘。
八王爺 發表於 2010-9-28 11:54


有乜嘢分別? add3icon
jellyfishy 發表於 2010-9-28 12:02:28 |顯示全部樓層
「佢要嬲我, 應該先嬲那些沒俾錢佢坐監的人才是.」

我終於知道 阿大帝錯乜嘢,係一句經典電影對白:
「 ...
八王爺 發表於 2010-9-28 11:09



    哈哈哈~~~~
你都無解架~~~~
owlcyr 發表於 2010-9-28 12:36:37 |顯示全部樓層
有乜嘢分別?
比得大帝 發表於 2010-9-28 12:02



無記性 - 記唔到o野
善忘 - 記到o野,不過容易唔記得

咁解arm唔arm啊,哈~~~~~add4icon
chanpyhilda 發表於 2010-9-28 12:41:31 |顯示全部樓層
朋友, 都可絕d同佢地絕交;
兄弟, 嫡親ga!! 借錢時就好聲好氣!! 叫佢還錢就好似我同佢借錢咁!! 有時真係自己等錢駛先叫佢還, 但佢話之你死, 口頭話還, 之後想搵佢都難......親細佬呀!!! 連亞媽都唔要養!! 想點呀???
claudiatang 發表於 2010-9-28 14:11:18 |顯示全部樓層
我無資格借錢給人,所以沒有以上慘痛經歷。但有朋友向我呻過,借錢給人就預了沒有這個朋友。不是他看輕對方。而是借了錢的人似是人間蒸發般,不再出現。
比得大帝 發表於 2010-9-28 15:11:23 |顯示全部樓層
朋友, 都可絕d同佢地絕交;
兄弟, 嫡親ga!! 借錢時就好聲好氣!! 叫佢還錢就好似我同佢借錢咁!! 有時真係自己等錢駛先叫佢還, 但佢話之你死, 口頭話還, 之後想搵佢都難......親細佬呀!!! 連亞媽都唔要養!! 想點呀???
chanpyhilda 發表於 2010-9-28 12:41

唉!  我明  (吓, 你明?), 我明, 因為我琴日都係咁 (抄襲感冒藥廣告)

剛出嚟做嘢, 儲了點錢, 買了二兩金, 當時升到3000一兩, 叫我細路幫我去賣, 佢俾番3000我, 我問佢, 他才說, 唔夠錢用, 借了3000. 錢都攞咗囉, 冇聲出.

好幾年都冇還, 我都"算啦", 親兄弟唔掂, 唔還就算啦, 就算佢都開聲, 都要再借嫁啦

有一次家人聚會, 佢兩公婆講去咗邊度邊旅行, 點樣點樣好玩, 當時火都嚟埋, 諗住你唔掂就唔駛你還啫, 我一生孤寒, 做咗幾年嘢都唔敢去旅行, 不如你還錢俾我, 等我去吓旅行嘞.  於是冇面俾 -  追
chanpyhilda 發表於 2010-9-28 16:09:31 |顯示全部樓層
回復 35# 比得大帝


    唉!  我明  (吓, 你明?), 我明, 因為我琴日都係咁 (抄襲你)
   
    我借比我細佬d錢加埋加埋點只三千!! 有一次叫佢還錢, 佢話冇.....唔駛15分鐘佢問我: 呢隻錶靚唔靚? (牌子係咩 i 咩 w 咁啦...) 好平只係萬多銀~~~
   
    d 錢都係我死坑死抵ga!!! 仲要養家呀!!!  我一件名牌都冇呀!!!
jellyfishy 發表於 2010-9-28 16:16:38 |顯示全部樓層
回復  比得大帝


    唉!  我明  (吓, 你明?), 我明, 因為我琴日都係咁 (抄襲你)
   
    我借比我細佬d ...
chanpyhilda 發表於 2010-9-28 16:09


我實即刻丙鑊佢,唔還錢唔俾佢番屋企!!! 
claudiatang 發表於 2010-9-28 16:17:17 |顯示全部樓層
回復  比得大帝


    唉!  我明  (吓, 你明?), 我明, 因為我琴日都係咁 (抄襲你)
   
    我借比我細佬d ...
chanpyhilda 發表於 2010-9-28 16:09



    下輩子我都要做么女或么仔。他/她們以為做大的註定要為他/她們遮風擋雨......
wendy_choy_hk 發表於 2010-9-28 16:22:49 |顯示全部樓層
回復  比得大帝


    唉!  我明  (吓, 你明?), 我明, 因為我琴日都係咁 (抄襲你)
   
    我借比我細佬d ...
chanpyhilda 發表於 2010-9-28 16:09


哈哈! 我都衰過 (5指1次,係好多次)

我有一個哥哥,一個定姐和一個細佬. (3個都5生性的)

個個都要問我借錢,借完就完成5記得曬.

有1次,我細佬發生嚴重意外,有幾年不能工作. 甘佢之前欠下的數我要幫佢還(我哥哥和家姐都係那隻月月清光的人),那時我還左10萬.

到細佬有得賠錢(約四十萬),我哥哥話不如媽媽,佢,家姐和我每人十萬分左去.我心諗點鮮要分呀,我講真我十萬應份攞返,因為我真金白銀拿出來.

我火來了,我話細佬而家死啦,甘早分家產.分你地自已分曬去,將來有乜野事關於錢就5好再揾我啦.
比得大帝 發表於 2010-9-28 16:39:00 |顯示全部樓層
唉, 其實我有單兄弟嘅嘢, 好長篇, 如果我們來個比賽 "誰的兄弟最嘔血", 可能我贏出
等我有心機先寫出嚟啦
您需要登錄後才可以回帖 登錄 | 註冊

本版積分規則

資深花友
  • 469

    主題

  • 12934

    貼文

  • 3

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.