在大樹下種香草

請問有什麼香草適合在大樹下種的？

到手香、蔥、薑、臭草、百里香、馬鬱蘭...等等..期實好多都種到。

你搵下一D只有散射光都種到既香草就得架喇......有太陽晒到會靚D，無太陽晒到都唔差。
尤其到手香，我果度有棚頂遮左無太陽直射，生得好好呀....蔥都生得OK，不過細條少少囉。薑無問題，反而夏天太勁太陽佢有d燶葉。

我強烈建議到手香和碰碰香啦, 吽都可以吽到好靚靚~
在樹下種到手香都應該幾靚架~~

除了CK提的各種, 香峰草和薄荷都可以是個選擇來的,
因香峰草怕高溫, 香港夏日高溫日照，容易讓葉片發黑, 所以種在樹底都幾好的^^
當然如CK一樣, 有得曬就靚D, 無得曬都會生長得頗好的^^

但個人意見.
大樹下是應該放一個秋千, hehe

多謝大家的意見，我猜其實大樹下只是少一點太陽，我疑懷早上或旁晚可能會照到，不過有待我的觀察。之前我同oneonewe團購了一堆香草，希望也用得著吧！

至於香峰草／薄荷，其實我之前都有種，是叫香花菜，不知道是香峰草／薄荷科的，只知道它年年夏天都死一次，最近我才發現原來它是應該有花開的，不過就是在它每年死的時候，好傷心啊！我也覺得是因為太熱太曬，家人就覺得是因為太多雨水，也不知道是哪個理由，希望它下年不要再死過吧？

我家裡種的是果樹，恐怕沒放秋千吧？如果可以，我也想放吊床呢！XDDD

多謝大家的意見，我猜其實大樹下只是少一點太陽，我疑懷早上或旁晚可能會照到，不過有待我的觀察。之前我同 ...
冰兒 發表於 2010-9-27 00:17

   夏天太陽勁咪加番D遮光網之類既野囉....好多草友係天台種....夏天都會遮一遮...其他季節無咁熱咪可以唔遮囉....曬太陽我諗問題唔大，反而應該係熱死左....所以花盆種唔好直接放係地下...要架高佢....遮下陰...夠通風會好D...

其實我最怕天冷會冷死它們。

其實我最怕天冷會冷死它們。
冰兒 發表於 2010-9-27 22:01

香草全部移民進口,
香港冬天凍極都有十多度,
應該死不去

其實我最怕天冷會冷死它們。
冰兒 發表於 2010-9-27 22:01

   香港十度以下既日子唔多，知道寒流黎，十度以下，咪用個膠袋拮D洞洞蓋住佢囉....當做小型溫室。
好細棵果D就用膠水樽.....

我都諗住今年用花園仔老師教做防虫網既方法，用透明膠布做個防風小型溫室比D香草...

我度向北呀...冬天又凍又大風。

元朗大樹下？

XDDD大樹下？那裡是榕樹頭吧？我那邊冷起來可以只得4-5度，死的成數也蠻高的。

我都想做小型溫室呀。請問CK可否指教?因舊年D薰衣草响又濕又凍嘅情況下死晒!

其實唔算得上係咩溫室....不過幫補下咁啦...

做法就睇下你諗住整幾大，我諗一個盆用一個套比較靈活，做法同做防虫網一樣，不過換左物料，至於用咩物料可能你要實驗下，睇下邊種適合你果度。

我以往係用透明膠袋，蓋住個盆....四周密實，頂上空空如也，咁樣透到氣，但可以擋風，而且水份蒸發會少左D。再凍D得幾度怕佢死，個頂就加一張咭左洞洞既膠紙上去。大概係咁上下啦...

當然你要整個架比佢，膠袋先唔會冧，咁個袋長d再搵繩將個袋扎係花盆度咪唔怕大風吹走個袋囉.....


你參考下大家既防虫網做法啦...佢地有好多款式架...

另外，記憶中好似睇過話冬天用雙層盆會好D....即係花盆外再套多一個花盆，兩個盆之間有空氣，好似話會好D喎.....










將個防虫網換左做膠袋，個袋長D，用繩扎住個花盆口......









再細D用依種.....水樽都得架....



=======================
工具版果邊網友既圖....佢自做既小溫室，可以去參觀下...http://hkplants.com/thread-63092-1-1.html



#1 N-Blythe 作品






#11Bunnyhop作品

有什麼物料適合做溫室呢?