糯米酒(開始釀酒囉)

[複製鏈接]
作者: cklife 发表于 2010-9-17 08:25:39
32383 35
本帖最後由 cklife 於 2010-10-25 15:35 編輯

之前有朋友問糯米酒...係網上係睇到有幾個方法做,我只係試左一個,成功左。浸左九個月,開樽既糯米酒聞落無乜酒味,飲落口甜甜既似糖水,過得幾秒個人身開始熱,個頭有少少酒氣既感覺。
媽咪有浸開糯米酒既朋友話,係咁架喎....佢話唔會好似飲燒酒咁,聞到好大陣酒味,好易入口所以不知不覺會醉,咁....即係成功喇。

依個方法,因為會加燒酒,新手既我怕失敗,所以選左依個,覺得無咁易變壞。今年要試下唔加燒酒(我朋友話佢媽咪唔加燒酒)

釀糯米酒


糯米1斤(600g)、酒餅1粒(10g)、米酒適量。
做法︰
  • 糯米用水浸泡1天左右,夏天半天即可。
  • 把浸好的米放入大碗內,加入水至第二指節(如圖),燒一鍋水,水沸後把糯米放進去文火蒸大約20分鐘,即成糯米飯。(也可用電飯煲煮成糯米飯)
  • 把糯米飯倒出,攤平放涼。(我是放至只有微溫)
  • 把酒瓶弄碎成粉,灑水少許在瓶底,再放上一寸厚糯米飯,再灑一層酒餅,再放上飯,直至飯放完,把餘下酒餅全灑到飯上。
  • 在飯面澆上幾匙米酒,用廚紙封在瓶口,輕蓋上蓋(但不要旋緊)。
  • 放一旁室溫在20度或以上不用加東西保溫,20度或以下可加大毛巾保溫。
  • 靜置大約3天,會看到瓶水有些水,還有些泡泡在上升,表示糯米開始發酵了。
  • 大約7天後,看到發泡泡沒那麼活躍了,發酵開始慢下來。加入米酒蓋過飯面,拿掉廚紙,在瓶口加上保鮮紙,把瓶蓋旋緊,密封儲存,大約六至九個月,或酒汁變為金黃色。

註︰
  • 我買的是二粒一包的酒餅,因為家裡的器具都太細小了,所以500g米作一份來蒸,二份都蒸好了再混合一起放涼。
  • 玻璃瓶我買粥店的二手腐乳瓶,瓶蓋直徑4吋,瓶高約五吋半,剛好1000g米可以分二瓶。方便收藏之餘,享用時可以吃完一瓶再開另一瓶。事實上己有朋友訂了其中一瓶,送禮也很方便喔。

評分

1

查看全部評分

cklife 發表於 2010-9-17 08:31:15 |顯示全部樓層
本帖最後由 cklife 於 2010-10-6 17:03 編輯

上年浸既酒有四瓶.....一瓶送左比人,二瓶己經開左,剩番一瓶想再放耐D......所以,未到時候都要浸定D黎用。
我諗會新歷十月之後先浸啦....(浸少少用住先)



這是酒糟,己經完全散開,壓搾出酒汁後,剩下的像吸水麵包皮的狀態。


同場加映....酒糟使用...





味噌醃肉


材料︰
  • 味噌150g、酒糟50g、酒34g、砂糖67g、薑泥4g
  • 做法所有材料混合均勻。
  • 將要醃的肉、魚或蔬菜先灼熟,晾乾水再放入醃床內。
  • 加好蓋放入雪櫃中冷藏,醃幾天入味即可。
  • 取出食材可以用少許醃床拌著蒸熱,或用來和其他材料一起炒食。

註︰


  • 用來醃熟肉醃床可以很久都不變壞,可醃清淡的白身魚,魚肉扎實的比較好,如鮫魚。任何種類的紅肉均可使用。蔬菜類用比較堅硬而實的較好,如南瓜、芋頭、苦瓜等等。
  • 如想要醃比較嫰身的如銀雪魚、三文魚類,要用生鮮的魚,不能灼熟否則魚肉會散掉,但因為魚是生的,所以醃床會不耐用,很快要吃完。
  • 也可以將雞蛋灼熟後去殼放入內醃。
  • 日本人一般用保鮮盒放入味噌醃床,再把魚放入去。看到他們的醃床都很大,像小米缸一樣。


JicJicmom 發表於 2010-9-17 09:24:58 |顯示全部樓層
add6iconCK ~~ 嘩好清楚呀 ~
以前我阿娘都成日整呢個, 我就成日響廚房見到D用毛巾包到一罐二罐咁0既野.....
死...... 又多一瓣想整 !!
cklife 發表於 2010-9-17 10:32:16 |顯示全部樓層
CK ~~ 嘩好清楚呀 ~
以前我阿娘都成日整呢個, 我就成日響廚房見到D用毛巾包到一罐二罐咁0既野.... ...
JicJicmom 發表於 2010-9-17 09:24



   唔洗擔心...未有咁快整住....放左上黎先...想集思廣益.....
依招叫抛磚引肉.....大家討論下...咁又會有多d資料嘛......我發覺討論一番之後,經驗會成熟好多呀....

可能會引到d高手出黎指教番幾招都唔定咩...
八王爺 發表於 2010-9-17 11:03:16 |顯示全部樓層
酒糟在香港很少人用咯!
江南一帶才多人用來煮餸。
JicJicmom 發表於 2010-9-17 11:09:39 |顯示全部樓層
回復 4# cklife
CK ,
我都中意拎野出黎大家傾呀~~ 傾下傾下就有新點子喇~~ XDDDD
我尋日同朋友傾開, 整左D奶黃都唔知用來做乜, 傾傾下就話整湯丸....傾傾下又話擺D蕃薯入去做芯..... 傾傾下仲要放柚子皮....
XDDDDDDDDDDD 好開心的~~
cklife 發表於 2010-9-17 11:58:48 |顯示全部樓層
回復  cklife
CK ,
我都中意拎野出黎大家傾呀~~ 傾下傾下就有新點子喇~~ XDDDD
我尋日同朋友傾開, 整左D奶 ...
JicJicmom 發表於 2010-9-17 11:09



   柚子皮做湯丸....?
講開湯丸,果日有一份酒釀唔知點食,放係個樽度....放左一日...晚黑有少少餓,就求求其其用黎煮左個蛋,乜野調味都無落....又幾好味喎....食完出左少少汗...感冒都自己好番.....本來唔敢食...怕秋天食會燥.....

點知感冒食完好番...第二朝係有少少口乾想飲水....想飲水...咪果日飲番多D水囉...身體叫我飲水..梗係有需要先會咁....

今日就無再口乾喇....

諗住浸番D糯米酒時...試下抽起D酒釀煮下蓮子百合先...試多幾種食法...
cklife 發表於 2010-9-17 11:59:46 |顯示全部樓層
酒糟在香港很少人用咯!
江南一帶才多人用來煮餸。
八王爺 發表於 2010-9-17 11:03



   因為本住食得唔好浪費嘛.......而且...都幾好丫....
claudiatang 發表於 2010-9-17 12:01:58 |顯示全部樓層
我愛用糯米酒煮雞。
心思思都想自己釀一瓶。
muitau 發表於 2010-9-17 14:36:29 |顯示全部樓層
阿媽都有整,等我呢2日問吓佢有無啲咩同你唔同先得!
cklife 發表於 2010-9-17 14:41:20 |顯示全部樓層
我愛用糯米酒煮雞。
心思思都想自己釀一瓶。
claudiatang 發表於 2010-9-17 12:01



   我釀糯米酒就係想用黎煮雞呀.....諗起都流口水...
唔煮雞可以豬肝瘦肉煮蛋....細個媽咪會煮比我食架....好好味....
cklife 發表於 2010-9-17 14:42:30 |顯示全部樓層
阿媽都有整,等我呢2日問吓佢有無啲咩同你唔同先得!
muitau 發表於 2010-9-17 14:36



   好幸福....唔洗整有得食.....
我媽以前都話過幫我整....比左錢佢買材料...點知人地發酵....佢發霉....

終於都係要我自己學....
claudiatang 發表於 2010-9-17 15:07:50 |顯示全部樓層
好幸福....唔洗整有得食.....
我媽以前都話過幫我整....比左錢佢買材料...點知人地發酵....佢發霉... ...cklife 發表於 2010-9-17 14:42



    哈哈﹗
以前有活雞,買時我都吩咐要留起副雜(內臟)給我。用來煮糯米酒一流。尤其雞腸......
cklife 發表於 2010-9-17 17:36:41 |顯示全部樓層
哈哈﹗
以前有活雞,買時我都吩咐要留起副雜(內臟)給我。用來煮糯米酒一流。尤其雞腸...... ...
claudiatang 發表於 2010-9-17 15:07



   依家都有活雞架....買香港自己品牌,講明無激素果D食囉....係就係貴D....間中食囉...
細個果陣都淨係做節先食雞架啦.....少機會食,有得食時會覺得特別好食架...
fianfumy 發表於 2010-9-18 02:54:45 |顯示全部樓層
回復  cklife
CK ,
我都中意拎野出黎大家傾呀~~ 傾下傾下就有新點子喇~~ XDDDD
我尋日同朋友傾開, 整左D奶 ...
JicJicmom 發表於 2010-9-17 11:09



積媽:你的湯丸都幾特別喎 , 味道如何呢?

我今天都想整奶黃餡呀 , 用來包冰皮 , 正流沙奶黃冰皮呀 , 如果焗做出來好軟身個餅好塔呀 ...
fianfumy 發表於 2010-9-18 02:56:26 |顯示全部樓層
ck  : 多謝你的酒譜,  我好欣賞你的糯米酒, 心思思都好想整呀 , 冬天時我好鐘意用糯米酒煮雞酒呀 ...
cklife 發表於 2010-9-18 07:48:20 |顯示全部樓層
ck  : 多謝你的酒譜,  我好欣賞你的糯米酒, 心思思都好想整呀 , 冬天時我好鐘意用糯米酒煮雞酒呀 ... ...
fianfumy 發表於 2010-9-18 02:56



   幾好架....不過遲D先整啦.....等無咁 多兩先....
cklife 發表於 2010-10-17 22:06:46 |顯示全部樓層
實驗緊第二個方法做糯米酒,酒未成...酒釀先做出來,試食先。
酒釀煮蛋

1.半湯碗水煮至起蝦眼(就快滾但未滾時),將雞蛋破殼打落去,改中火將蛋煮成半熟糖心蛋。
2.喜歡甜可以稍加糖溶化(我無加糖,因為酒釀本身帶甜味)。
3.將蛋湯放入湯踠,加入酒釀拌勻即成。

聞說酒釀煮蛋可以豐胸,唔知真唔真。

cklife 發表於 2010-10-25 15:46:06 |顯示全部樓層
本帖最後由 cklife 於 2010-10-25 16:01 編輯

今日同積媽集思廣益一下,積媽既媽媽話依家係最好釀酒既時候喇,老人家經驗梗係要聽啦....今晚就浸米....
積媽既媽媽做糯米酒既方法同我第一個方法差唔多,只係放好酒藥後,積媽既媽媽有理無理都用毛巾包住保暖一個月,而我只係包幾日,之後放入玻璃樽無避光。而積媽既媽媽會將糯米酒一直存放廚櫃避光。

多謝積媽送左實驗材料比我,同大家分享下︰

糙糯米(新三陽買),個樣好似芝麻咁上下大粒,裡面仲有D米粒係綠綠地色,同香港買既糯米係完全唔同樣,似芝麻多過米。
網上話糙糯米釀酒特別好味,真係要試試先知。




辣酒藥,一般我地係雜貨店買到就係依種,我之前一直都係用佢釀糯米酒既,一粒配一斤糯米。






甜酒藥,唔係度度買得到,積媽係新三陽買既,味道釀出黎應該甜d,大家中意食酒釀既應該買依隻酒藥做,之前我用上面辣個隻,做既酒釀唔夠甜無咁好食。一包50g,可以做8-10市斤(1市斤=500g)。

cklife 發表於 2010-10-25 15:59:12 |顯示全部樓層
本帖最後由 cklife 於 2010-10-25 16:03 編輯

配方二︰

糯米1斤(600g)、酒餅1粒(10g)、米酒適量。



做法︰

  • 糯米用水浸泡1天左右,夏天半天即可。
  • 把浸好的米放入大碗內,加入水至第二指節(如圖),燒一鍋水,水沸後把糯米放進去文火蒸大約20分鐘,即成糯米飯。(也可用電飯煲煮成糯米飯)
  • 把糯米飯倒出,攤平放涼。(我是放至只有微溫)
  • 把酒餅弄碎成粉,灑水少許在砂煲底,再放上一寸厚糯米飯,再灑一層酒餅,再放上飯,直至飯放完,把餘下酒餅全灑到飯上。
  • 蓋上蓋子用大毛巾包著24-48小時,米上己有一層酒,籨新包住,再過一兩天。(此時取出的糯米飯就是酒釀了。)
  • 將糯米酒放入有蓋的瓶子裡,常溫下一個月後即成。


依個係十月八日做既,天氣仲係好熱。今次改左先用砂煲發酵,因為天氣熱有成28-30度,所以無包毛巾保暖。只係煲蓋用布包住唔比昆虫走入去,個砂煲無煲過野,淨係買黎醃野用,無接觸過油。發酵同醃野都一樣啦,唔可以有生水,唔可以有油。





只係一日就開始出左水喇。



天氣熱2-3日就成酒釀,可以畢起d用黎煮蛋。





第三日菌絲全部覆蓋飯面,好似白濛濛既雪景。





用売攪下佢,個底都係液體,攪完好似煲好一鑊粥咁。





入樽存放,我畢起左D放雪櫃當酒釀食,所以只有一樽大和一樽細,一般一斤糯米,可以放二個大樽。(10cm直徑x14cm高)


未夠一個月,十七日姐....己經聞到淡淡既酒味。






評分

1

查看全部評分

12下一頁
您需要登錄後才可以回帖 登錄 | 註冊

本版積分規則

園藝大師
  • 118

    主題

  • 10582

    貼文

  • 7

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.