倉鼠bb出世了 (含飼養鼠bb 資料）

點可以係佢地咁細既時候抱起佢地架?
鼠媽食bb原因有好多,

1.鼠媽營養不足無法產生足夠既奶水.
   由鼠媽媽懷有bb時就應開始比高營養同高蛋白質既野佢食,直至bb介奶後一段時間.

2.鼠媽受到驚嚇及不安.
   由於鼠媽生了bb精神會好緊張,所以主人應將籠子放在一個不被打擾既地方,注意不要嘈吵,在籠上蓋上一塊布子,光線就不會直接照住佢,咁會令佢安心一d,而且可以擋風保暖;隨加糧同水外不要亂動籠內既任何野,每次為佢更換糧水時一定要先洗手,被免留有人既氣味,直至bb21日大左右才好更換墊材,除非過份污穢,遇此情況時要小心不要驚嚇到媽媽下慢慢取走部份墊材,再加入新既,但要注意此行為要非常小心,一旦讓媽媽驚恐,就會把bb吃掉或咬死 ,盡量還是不要更換吧 ;其實當鼠媽將近產子前一星期,就應將媽媽同爸爸分開,不然爸爸可能會咬死bb,或令媽媽產生憂慮而把bb咬死,把媽媽搬往育嬰室獨立居住,育嬰室即係一個較細小既籠子像手提籠差不多大小既籠子,籠內除去所有玩具,只放水,食物,屋仔,同廁所,墊材方面用廚房抺手紙墊籠或,另將廚房抺手紙撕一堆幼幼既紙條,好讓媽媽用來築巢,將來bb出生後亦可作保暖用.

3.鼠bb身上有不屬於鼠bb或鼠媽媽既氣味.
   由於bb出世時身上係無毛毛保護,只要有其他未東西掂過bb,bb既表皮就會沾上其他既氣味,而媽媽係靠氣味來辨認自己既bb,而唔係用眼的,所以當媽媽聞到bb身上既氣味改變左,就會唔認得bb,會把bb當成異類或入侵者,咁媽媽為保護自己既bb就會把沾有不同氣味既bb咬死,所以一定唔可以在bb未有毛之前用手摸bb.

4.鼠bb身體有問題或太弱.
   如媽媽發現bb身體有問題,在太弱留強既情況下,媽媽會選擇咬死bb,讓自己既奶水留比餘下既健全者.

5.唔識做媽咪.
   只有好少數既鼠媽媽有此情況,有些媽媽唔識得怎樣照顧bb,或唔明白bb係自己產下時,就會誤以為bb是其他入侵既鼠鼠,就咬死bb,但此情況只會在剛出世,或剖腹生產後初次見到bb時出現.

其實鼠媽媽咬死bb後會吃下bb既原因,是因為在大自然下,一旦有死去既屍體,就會發出一陣陣既氣味,這會引來其他肉食性動物,媽媽為保其他bb既安全,佢地就會選擇吃掉bb,這樣就不易被其他動物發現佢地既行縱.

鼠鼠既身價在市場雖然不大值錢,但佢地都是一條生命,生命不能用錢來衡量的,不要以為佢地便宜,買來玩玩,死了買過新既,要記住生命是無價,是不能取代的,要珍惜同愛護佢地,所以作為一個主人,養得佢地就要為佢地付責任,養前就應多做功課,了解佢地既習性,明白佢地既需要,除左照顧佢地日常所需,還要用心同時間佢照顧佢地,要顧及佢地既感情,因為佢地都有情感,佢地亦有人性既一面,不要讓佢地受到不必要既傷害,我指既係身同心!!!如果係養前多花心機了解多d,很多悲劇也可被免的.

如今bb已沾上人咪,抱回媽媽既身邊太危險了,只好人手餵大,在寵物店有"小動物專用既奶粉",不是貓狗奶粉,但看來你應不懂餵奶,由於佢地太細小,若胡亂餵很易會令bb窒息死亡,我建議你最好去大圍珍禽異獸醫院找醫生或姑娘教下你示範給你看看如果餵奶,佢地需要奶水既時間要由出生起計21天左右,而在bb10~14天左右就會開始學習吃少量既食物,但此期間只是學習期,佢地既主食仍是奶,到21天後左右就會慢慢轉為以糧作主食,若想bb可生存下去,在bb未介奶前你就要充當媽媽既角色餵奶,每3小時左右便要餵奶一次,半夜也不要停餵,隨此之外你還要用濕紙巾輕抺bb小體,引導bb去大小二便,要為bb保溫,加上暖氣,毛巾墊底,亦要把四處走動既bb抱回一起,讓bb緊靠,利用bb之間既體溫增加保暖,籠外亦要加上布蓋住.

記著不要將剛產子既媽媽與爸爸放在一起,媽媽剛生完bb身體很弱,但爸爸臭到媽媽既氣味,爸爸很易會令媽媽再次懷孕,這會令媽媽身體更差,愛你既鼠鼠就不要讓佢地成為生仔既機器,一鼠一籠是絕對有必要的,同籠居住容易打鬥,咬死對方,或懷孕,佢地唔係玩具,係有生命的!!!

最後希望餘下既bb可以保命吧!!

有專家在就好了。這篇文一定要保留作參考。

我並唔係專家,
我只係個鼠痴啫,
每每見到鼠bb因主人疏忽而引至死亡,
總會覺得好心痛,
雖然佢地細小,不樣狗狗般擺尾,
但只要用心去照顧,
鼠鼠也會因主人回家出走出籠門前歡迎你,
佢地亦會用肢體語言告訴你知佢既情感,
佢地就算就細小都是一條生命,
我地要專重佢地愛護佢地.

對，鼠鼠是比較貓狗稍為低一點的動物。但也是有生命。我最高峰期養了十七隻。要用三個三層的籠分隔來養。金毛倉鼠三隻和十四隻侏儒鼠(幾代同堂)。後期又養三隻葵鼠。
牠們真的知道誰是牠們的主人。我移民之後交由朋友代養，牠們就陸續死去。

今日我見鼠BB食糧，但眼仔仲未開

你既倉鼠bb夠竟幾多日大呀?
bb要到大約出世後10日左右至會開眼,
佢地而家唔應該食主糧,
因為佢地既消化系統都未發肯完成,
咁早食主糧容易令佢地既消化系統出現毛病,
亦會導致消化不良!!!
佢地需要既係"奶"!!!!

就正如你做bb果時咁,
都係要飲奶,
而唔係比舊飯你食,
就算比你識食你都消化唔到吸收唔到,
你明唔明呀?

如果佢地既年紀係只得14~16日大都未夠,
而佢地啃咬主糧,
這正正是告訴你佢肚餓,
在迫於無奈下找尋食物來為求生存.

正常在鼠媽媽揍大下,
佢地會係大約出生後7-10日到開始學習爬行,
係佢地10日大左右就會張開眼睛,
介時你亦會見到bb身上會長出薄薄既毛髮,
到左14日大左右bb就會經常四處走動,
媽媽會忙個不停咁逐一把bb捉回巢,
bb亦會開始嘗試咬食少量既固體食物,
但要明白佢地既進食目的只係探索同嘗試,
供給維生所需既仍然係靠"母乳",
到左21日大才會斷奶,

當bb出生滿月後最遲1個半月大時就應把bb們分居,
意思係一籠一隻,
日常除非係有意計劃養鼠鼠生產,
否則應是要把公鼠和母鼠分籠飼養,
而bb們長大了亦應一籠一鼠,
這是絕對有必要的!!

鼠鼠既繁殖速度同數量都很多很快,
管理不善會讓成鼠患,
而且一籠多鼠亦會有很大危險,
佢地會打架打到頭破穿腸,撕殺對方,咬死吃掉,
這些悲劇錯不在鼠鼠,
而係主人,係主人迫佢地變得瘋狂,
要明白倉鼠是獨居性動物,
係野外佢地既一生都係獨自渡過的,
只有係交配季節或發情期公鼠才會主動進入母鼠地域,
但每次公鼠要進入母鼠既地域時都必須冒被母鼠打傷或咬死既風險,
當公鼠成功取悅母鼠及完成整個交配過程後,
公鼠會離開母鼠回到自己既巢穴,
如公鼠不願離開,
母鼠都會大開殺介,
追打公鼠直至公鼠離開,

之後母鼠會自己一個準備迎接新生,
其實懷孕是要冒很大風險的,
媽媽可能會在很多不同既情況下而死亡,
包括由懷孕至到生產都好有可能母子不保,
所以生育不是"玩"事,
是要用自己既生命去博取另一個新生既旦生,

主人應想清楚應否讓鼠鼠懷孕,
主人亦應計算清楚自己有否足夠既空間,金錢,時間去照顧,
若你是愛錫佢地,就不要讓佢地用自己性命,去博取另一個新生來取悅自己,
若你有能力去照顧新生,何不把你既力能去照顧被遺棄既動物呢,他們也渴望被愛.

佢地已經14日大，我見BB食鼠媽放係屋仔入面d糧！
當然還有吃奶~~
依家佢地都開眼了，還會到處爬^^

我唔知你既鼠bb而家係由鼠媽餵奶定係人手餵,
但不論誰餵,
你最好係去petshop買d麥皮蟲乾同鼠鼠專用既營養補條,
比鼠媽媽補身!!
鼠bb到左介奶既時候亦可餵比bb食.

我買左蟲乾啦，但鼠媽唔多鍾意食！

鼠BB 21日大啦~~
我問過賣鼠個d店，佢地話依家要分籠養！

當佢地一個月大最遲個半月大時就要同佢地分籠,
一籠一隻!!!!
媽媽揍完bb後身子要補補,
如果佢唔鐘意食蟲蟲補身,
你去petshop買鼠鼠哺乳期專用既補條比佢食,
牌子只要:MR有出,記得用密實袋封口,如果唔係條條就會變硬,
蛋白佢愛嗎?喜歡既一家大細都可食一點,
白烚雞絲亦可,
不過唔好落任何味烚喎,
最重要係爸爸媽媽都要分籠呀~~~
祝你既鼠b同鼠鼠一家健健康康,怏高長大啦.

我依家將d仔仔同爸爸一個籠，d仔仔成日打爸爸，仲唔比爸爸入屋仔睡覺！
之後我就係下層放多間屋仔比爸爸

小心爸爸發嬲咬佢地喎,

如果自己養不到這麼多,都是不讓它生為妙
倉鼠這小家伙雖然壽命短短,但繁殖力卻驚人
我以前養倉鼠都是一籠一鼠, 其實這些小家伙頗可憐的....

直到現在，鼠爸還是一直被BB欺負！

其實所有動物bb都喜歡玩的,所以不停玩鼠爸

我都有養倉鼠, 上年高峰期有倉鼠B 12隻, 三代同堂!! 其中一個鼠媽生完, 之後過了二個星期另一隻鼠媽又生!... 真係好驚又喜... , 當中有一鼠媽可能不懂怎樣照顧鼠B(鼠媽走來走去, 鼠B不能喝奶), 變得又瘦, 之後沒有了... 鼠B一定要跟鼠媽一起的, 直至鼠B識自己吃東西!

我現在養的鼠鼠只有三隻, 二仔仔和一女女, 分開住的, 我不想有鼠B出現...

咁d亞b咪.................=.="

咁d亞b咪.................=.="
bonbonpig 發表於 30-4-2009 19:32

Ummm... 有 12隻鼠B, 三代同堂.... 我唔想再發生!! 因為無能力照顧...

好可愛!