靈芝湯

一般轉季即係春天同秋天，我會煲依個湯，一星期一次，用黎防流感同增加免疫力。
覺得依條方D味道配得幾好飲，所以一直用住。

配方來源︰中和大藥行 中醫部




靈芝湯



北芪5錢
黨參5錢
靈芝1兩
淮山1兩
元肉1兩
蜜棗2粒
瘦肉適量

做法︰
沸水放入合部材料，水再沸後轉中火，煲二小時。

可否轉用云芝？

可否轉用云芝？
jellyfishy 發表於 2010-9-14 17:56

   應該可以
但乾淮山買番黎用熱水浸佢一分鐘再洗乾淨......因為淮山一般會加野做防腐。
我幫襯依間藥材舖，就係貪佢D淮山唔洗咁麻煩，佢地自己用鮮淮山加工做，無防腐。

可否轉用云芝？
jellyfishy 發表於 2010-9-14 17:56

其實 靈芝 和 雲芝 的藥效並不相同，網上比較兩者說雲芝功效較好的說法只係限於 抗癌 的用法 (其實是否屬實也未有定案)，我諗大家好人好姐，雲芝比靈芝較好的說法並不合用，還是看看兩者的虊性决定該食什麼好。

網上找來 靈芝 和 雲芝 的分別，俾大家參考：

雲芝和靈芝不是同一種中藥。在功效和用法上，都不盡相同。
        雲芝功能健脾利濕、止咳平喘、清熱解毒、抗腫瘤。主治慢性活動性肝炎、肝硬變、慢性支氣管炎、小兒痙攣性支氣管炎、咽喉腫痛、多種腫瘤、類風濕性關節炎、白血病。
        靈芝功能益氣血、安心神、健脾胃。主治虛勞、心悸、失眠、頭暈、神疲乏力、久咳氣喘、冠心病、矽肺、腫瘤。
        兩種藥都是名貴中藥，由於功效不同，所產生的作用也不相同。雲芝偏向於清熱、利濕、解毒，重在祛邪；靈芝偏向於益氣養血、安神健脾，重在補虛。
        所以，關鍵性的問題，不是那種藥的效果更好，而是藥物是否對症。

另外，靈芝 和 雲芝 的有效成份中包括有 水溶性 亦有 脂溶性的物質，所以煲的時候要有肉類(太瘦也不好)，另外煲好很不要隔油，以免有效成份流失。

其實 靈芝 和 雲芝 的藥效並不相同，網上比較兩者說雲芝功效較好的說法只係限於 抗癌 的用法 (其實是否 ...
marcuslee 發表於 2010-9-14 19:46

  多謝資料呀.....我一般會放豬展....放太肥D友仔唔肯飲，有飲好過無飲係我既諗法，所以好多時會改下等D人飲多D。
靈芝同雲芝你分柝得好詳細呀，咁似乎依我既目的落靈芝好D，不過都係果句，有飲好過無飲，如果屋企己經有雲芝，想先食晒佢，落雲芝都OK...因為佢其他藥材都有增强抵抗力既功效。

唔該哂呀!呢個湯好呀!

~^O^~好有益,飲多幾碗.

CK 好詳盡 , Thank !
這個湯的確不錯，　但小朋友飲得嗎？　

CK 好詳盡 , Thank !
這個湯的確不錯，　但小朋友飲得嗎？　
fianfumy 發表於 2010-9-15 00:18

應該無問題...係煲左全家人飲既湯...


我之前一直係依間藥材舖度睇開中醫，同幫襯佢買藥材，算係熟客。
話說沙士期間，佢地就有一包包，封好口既靈芝湯包賣，老闆話佢地一個星期煲幾次，沙士咁耐無一個人有傷風感冒。


咁我咪又買囉..試過味道OK...老公無投訴。睇過成份，適合轉天氣增強抵抗力用。其實以往係春天都會煲d北芪水比老公飲，但老公話唔好味唔多中意飲，依個配方都有北芪黨參，所以轉左依隻囉。


咁到後來過左沙士佢唔再賣湯包，但我次次去都要佢幫我執，佢地成日要摷番條配方好麻煩，攪多幾次怕左我....就抄條方比我囉。


因為我次次去都會拎住幾條方，每條方都執幾包野嘛.....


今次除左靈芝湯，仲執左三包沙參玉竹雪耳  又係留番黎煲湯


唔煲靈芝都得架....我妹既例湯︰北芪 黨參 淮山 杞子 龍眼肉 都好好架.....


都係果句...有飲好過無飲    ，最緊要自己中意，煲得方便。


轉季我就執定幾包，放係雪櫃，買舊肉掉落去就煲得，再懶D...一次買多D肉，番屋企分開一次份量包開幾包，放係冰箱。


咁材料有齊，幾時係屋企得閒想起咪煲囉....懶睇火咪用電煲囉....


記得，煲完D藥材食得既就盡量食左佢喎。

其實 靈芝 和 雲芝 的藥效並不相同，網上比較兩者說雲芝功效較好的說法只係限於 抗癌 的用法 (其實是否 ...
marcuslee 發表於 2010-9-14 19:46

因為我見云芝平d, 同埋我家族有多人患cancer記錄, 所以我都避吃靈芝囉~~ 嘻~~~

其實 靈芝 和 雲芝 的藥效並不相同，網上比較兩者說雲芝功效較好的說法只係限於 抗癌 的用法 (其實是否 ...

"      雲芝功能健脾利濕、止咳平喘、清熱解毒、抗腫瘤。主治慢性活動性肝炎、肝硬變、慢性支氣管炎、小兒痙攣性支氣管炎、咽喉腫痛、多種腫瘤、類風濕性關節炎、白血病。"
marcuslee 發表於 2010-9-14 19:46

作死囉... 我一向肝弱 + 血熱毒 + 經常咽喉腫痛; 哥哥有類風濕性關節炎.
食云芝! 啡里骨~~

應該無問題...係煲左全家人飲既湯...
我之前一直係依間藥材舖度睇開中醫，同幫襯佢買藥材，算係熟客。
cklife 發表於 2010-9-15 08:37

睇啲料應該我好鐘意飲,多謝晒!
你間中和藥行係邊到黎架?你指自制淮山都係呢間?!

睇啲料應該我好鐘意飲,多謝晒!
你間中和藥行係邊到黎架?你指自制淮山都係呢間?! ...
muitau 發表於 2010-9-16 11:18

   係呀...佢地自己買淮山番黎自己切片整乾架...我入過去佢地廚房...一桶桶新鮮淮山放係筒入面....
佢可以幫人打埋淮山粉.....煲粥整野食我都會用到....

係做街方生意既店....舖裡面員工多數係親戚果種....係荃灣....街市街...麥X努對面條街仔....

你係咪荃灣友呀....係既我再PM地址比你...佢個中醫轉左喇...依家無係佢度睇醫生...之前果個就好得...依家依個好似無咁多人排隊..唔知得唔得

CK : 你這湯的材料 , 我檢查屋企的雪櫃除了靈芝是沒有外 , 全部齊備呀 , 一陣去藥材店買先得.

自制准山係咪 "紫紫哋 " 或 "啡啡哋"咁呀 ?  我買過所說沒硫磺制的准山是" 紫紫地"色囉,  其實自制好好多呀 , 我記得以前跟公司同事去上環的批發睇花旗參和鹿茸 ,  我見到D准山 ,  有D准山是好雪白好靚, 但一放鼻邊聞下, 嘩....一陣味 , 店主話D准山未賣得, 要放番出去曬一番幾日散緊D味先囉...

不過我屋企附近有一間店經常有新鮮准山 , 又唔貴, 一條都是$10內, 所以而家多買鮮准山囉...

係呀...佢地自己買淮山番黎自己切片整乾架...我入過去佢地廚房...一桶桶新鮮淮山放係筒入面....
佢可 ...
cklife 發表於 2010-9-16 13:04

我唔係荃灣友不過男友係果頭開工,所以係ok既,先謝!

我買過所說沒硫磺制的准山是" 紫紫地"色囉,  其實自制好好多呀 , fianfumy 發表於 2010-9-16 14:04

你地估吓自制得唔得丫拿? 即係好似晒白菜乾咁呢?

CK : 你這湯的材料 , 我檢查屋企的雪櫃除了靈芝是沒有外 , 全部齊備呀 , 一陣去藥材店買先得.

自制准山係 ...
fianfumy 發表於 2010-9-16 14:04

   佢D係白色架....我見佢放係筒度浸住去左皮既都係白白地喎...
有新鮮既...梗係食新鮮啦...不過有一輪聽人講過...話買新鮮既要適睇，因為有人會將木薯當淮山賣比人，咁我唔適唔敢買。

你地估吓自制得唔得丫拿? 即係好似晒白菜乾咁呢?
muitau 發表於 2010-9-16 16:12

   我有風乾機...可以自制
不我怕買左假淮山

准山一切了好快變啡啡哋色架 ....

我今晚煲你介紹的湯...

准山一切了好快變啡啡哋色架 ....

我今晚煲你介紹的湯...
fianfumy 發表於 2010-9-16 17:59

唔怪得佢地批左皮要用水筒浸住....