皮膚乾燥~怎樣辦 - 杏仁糊

杏仁糊  add14icon
說到喉嚨無聲了，做個杏仁糊滋潤一下。南北朝時《神農本草經》記載，杏仁具有生津止渴、潤肺定喘的功效。杏仁分苦、甜二種：苦杏仁又名北杏，性溫味苦，有小毒，內服有止咳平喘的作用；甜杏仁甜杏仁性平味甘，具有補虛潤肺、延緩衰老的作用，用來製作杏仁糊最好選用龍王杏，常食皮膚得到滋潤當然又白又滑，尤其適合秋冬天氣幹燥時食用。

材料及做法︰
杏仁︰半飯碗
米︰一拳頭能拿到的份量
水︰三碗  冰糖︰適量
1．米預先浸最少兩小時，杏仁去衣後
2．杏仁與米一起放進攪拌機內，加一碗半水一起打至爛，隔出水份。
3．杏仁渣再放進攪拌機，加餘下的一碗半水再攪拌，直至杏仁很幼滑，加在第一次隔出的水中。
4．煮至變稠後加冰糖，即可收火。

剛剛買左半斤南杏諗住整喇...杏仁依個時候最適合，除左潤肺，我覺得佢仲有少少滑腸作用，每日一碗便便都易D

媽咪成日煮比我地食架,好味~

回復 3# corina
你真有福氣啦!你要錫多D你媽咪呀~~

回復  corina
你真有福氣啦!你要錫多D你媽咪呀~~
SSCP 發表於 2010-9-4 21:28

我自問由細到大都好孝順父母,而且佢地真係好錫我~

回復 5# corina
add14icon 真好啦!

媽咪成日煮比我地食架,好味~
corina 發表於 2010-9-4 19:16

真係好羨慕...好幸福呀....

剛剛買左半斤南杏諗住整喇...杏仁依個時候最適合，除左潤肺，我覺得佢仲有少少滑腸作用，每日一碗便便都易D ...
cklife 發表於 2010-9-4 19:00

媽咪話杏仁糊唔可以食太多,唔可以每日一碗架~

真係好羨慕...好幸福呀....
cklife 發表於 2010-9-5 16:45

歌仔都有得唱喇:有媽的孩子像個寶~

回復 9# corina
講得冇錯add14icon

媽咪話杏仁糊唔可以食太多,唔可以每日一碗架~
corina 發表於 2010-9-5 17:22

   有無講點解?

有無講點解?
cklife 發表於 2010-9-5 19:20

好似話杏仁有少少毒,所以一星期最多只可以食一次杏仁糊~

唔好意思～～～
補充:　杏仁要浸水２小時

好似話杏仁有少少毒,所以一星期最多只可以食一次杏仁糊~
corina 發表於 2010-9-5 23:13

   有少少毒講既係北杏喎...我淨係用南杏做...南杏同北杏功效上有唔同架...而且我本天書話其實係核有雙仁既先有毒，採杏仁時，如果見到雙仁，佢地都知有毒，會掉左唔會拎黎賣架。
以下係書中節錄，比大家參考，資料來源︰食療保健集....江一葦著

南北杏同有止咳定喘、潤腸通便的功效。
南杏仁粒厚而較大，味甜，故又名甜杏仁，偏於滋潤肺臟及大腸，多用於肺虛久咳及腸燥便秘之症。
北杏仁，粒薄而較小，味苦，故又名苦杏仁，於降氣定耑，多用於喘咳實症。
按據中藥典︰杏仁性味甘、苦、溫。有小毒。氰甙即苦杏仁甙，經酶水解後，產生氰氫酸，對呼吸中樞有鎮靜作用，故能止咳平喘。但可惜氰甙在胃腸道經水解後產生氰氫酸，服量過多會引致呼吸麻痺而死。所以前人力戒不可用杏仁過量。實在切合現代科學。考杳[名醫別錄]說︰[杏核仁，五月採之，其兩仁者殺人，可以毒狗。牛晉山川谷。](晉，即今日山西省。)可見杏仁含有氰甙成分較重的只是杏核有仁兩枚的那種。讀者請盡可安心，產地藥農採摘杏仁時，如發覺核裡有兩仁的，他們亦知有毒，自必毁棄，不會入藥的。



況且中醫不少方劑亦有用至逾兩的。而杏仁茶所用北杏仁一般只僅僅二錢，分量這麽少決不會鎮靜呼吸中樞而致麻痺。

書中杏仁杏配方︰南杏仁一兩、北杏仁二錢、白粘米一兩、白砂糖一兩者


南杏、北杏用水浸去外衣後，將光身杏仁連同粘米用清水約一碗又二分之一浸透約一小時。
連水及材料放入攪拌機裡磨成米漿。用瓦鍋慢水，加入砂糖共煮。
糊水開心時，開始不停攪拌，以免鍋式煮焦。


可作一、二人食量。如一人吃，吃了第一碗一小時後，再吃餘量。




主治︰



咳嗽。有潤肺、止咳、除痰、平喘功效。久吃可養顏，滅少皮皺。

唔好意思～～～
補充:　杏仁要浸水２小時
金盞花 發表於 2010-9-5 23:40

   係囉..我就係諗緊要浸幾耐

係囉..我就係諗緊要浸幾耐
cklife 發表於 2010-9-6 13:07

    如時間許可, 浸4小時都冇妨, 用意係浸至軟身好等易於攪拌

     另外, 我都有落少少北杏(好少,10左右), 至於點解耍加落去就唔明啦!

如時間許可, 浸4小時都冇妨, 用意係浸至軟身好等易於攪拌

     另外, 我都有落少少北杏(好少,10左 ...
金盞花 發表於 2010-9-7 00:03

    加北杏先夠香杏仁味呀  , 這滋潤甜品我會在秋冬時都會整2次左右啦, 有時都會加埋蛋白煮架 ..

如時間許可, 浸4小時都冇妨, 用意係浸至軟身好等易於攪拌

     另外, 我都有落少少北杏(好少,10左 ...
金盞花 發表於 2010-9-7 00:03

   加落去係止咳平喘，所以無咳我就無落囉....只加南杏就淨係潤肺養顏囉。其實去藥材舖，同佢講要買杏仁，整杏仁茶，佢都淨係比南杏，真係隱陣呀......咁我諗無咳唔落北杏咪唔落囉....

反正有咳我會食其他野。

加北杏先夠香杏仁味呀  , 這滋潤甜品我會在秋冬時都會整2次左右啦, 有時都會加埋蛋白煮架 .. ...
fianfumy 發表於 2010-9-7 00:12

   咁又係喎....少左北杏係無咁香架....睇下老公投唔投訢囉...唔投訴就求求其其啦...

I add 川貝 but no rice.