香港人怒炒賓妹

[複製鏈接]
作者: kerorozIL 发表于 2010-8-27 19:54:08
3519 21
剛剛電視話有人怒炒賓妹,真係好可惡,D賓妹又冇殺我地
我呀媽仲話而家好增所有菲律賓人
ht333147 發表於 2010-8-27 22:52:46 |顯示全部樓層
個人覺得那些所謂怒抄菲傭的, 只是找個藉口.
死傷者與他非親非故, 傭工又與這事件無關, 因為香港人受害而抄她,
與那個槍手因個人目的而脅持香港人有何分別?
八王爺 發表於 2010-8-28 07:26:39 |顯示全部樓層
我唔係咁睇喎。
轉用印傭或泰傭,辭退菲傭,都係 向菲政府抗議的行動之一!
kerorozIL 發表於 2010-8-28 07:39:39 |顯示全部樓層
但係菲傭好無辜喎,佢地都係尼香港搵飯食姐
JicJicmom 發表於 2010-8-28 10:15:06 |顯示全部樓層
本帖最後由 JicJicmom 於 2010-8-28 10:17 編輯

個人意見:
成件事係好令人痛心. 但菲傭要離鄉別井到外地打工, 都係拜一個無能+貪污0既政府所賜,個人覺得菲律賓平民都係受害者.
我昨夜返我阿娘屋企食飯, 娘家都係用菲傭, 我同佢講:
菲律賓發生0既事真係好令人傷心, 我地只係睇左數小時電視, 感覺已經差到咁, 佢地身為平民,好難想像佢地長期生活響呢一D政權之下有幾慘. 我地仲可以鬧, 可以閂電視, 可以去抗議......
但佢地無得揀.
最後我緊緊咁同菲傭擁抱左一下, 我希望佢離鄉別井之餘, 可以學到乜野叫做愛人愛己,乜野叫做寬恕包容 , 更加可以感受到香港人並非係不講理的人.
我想世上無乜邊幾個國家, 要拚命輸出勞工去賺錢, 國內無工打咩? 就係因為呢個國家如此不濟, 當權者只顧自己利益, 又怕平民知識水準抬高而反對政府, 所以國內平民一般都是水平低下的一群......抵制菲傭無錯絕對可以影響到菲政府, 但亦進一步將無辜0既平民百姓推向水深火熱.
Kiann 發表於 2010-8-28 10:36:50 |顯示全部樓層
我初時都覺得唔關菲傭事,但想到我地請的菲傭,用我地的錢,養佢地個班冷血學生,將旅遊車當景點,仲要笑得咁開懷,仲有開棺影相條片被剷走前,我睇到,d菲傭的工資,匯返菲律賓,就係教養左呢d人渣,d記者向菲警行賄俾佢地影相.呢個唔係單單政府的問題,係成個社會的問題.做得記者,應該有佢地的高尚人格.與其將d錢白白浪費,培育這班所謂知識分子,倒不如請印傭,請鐘點振興香港本地就業仲好.
JicJicmom 發表於 2010-8-28 10:50:58 |顯示全部樓層
本帖最後由 JicJicmom 於 2010-8-28 11:00 編輯

一直以黎, 無人話比佢地知, 乜野叫尊重, 乜野係應該, 乜野係唔應該, 佢地邊度會識.....
唔好以為讀過書0既人就會明理, 都要睇下佢地讀緊0既係乜野書 ,當你以為菲傭賺0既錢係返去供書教學, 其實呢D錢, 有幾多係真係落左響供書教學呢一環度?
當一個政府, 長時間將國民教育及知識水平維持響一個低水平 , 咁佢0既政權, 亦會相對咁穩固. 咁就解釋到, 點解呢個國家D人只可以做到低下階層0既工.
我睇到d學生響度影相, 我都好嬲, 有乜好影? 死左人呀, 無感覺架咩? 想想下, 點解會咁? 警察係咁, 學生係咁 : 因為政府都係咁, 大家都影相, 佢地覺得應該無乜問題.
我只係覺得, 菲律賓係一個可悲0既國家. 響23/8晚我亦決定,終生唔會踏足呢個國家.
kerorozIL 發表於 2010-8-28 10:58:56 |顯示全部樓層
我初時都覺得唔關菲傭事,但想到我地請的菲傭,用我地的錢,養佢地個班冷血學生,將旅遊車當景點,仲要笑得咁開 ...
Kiann 發表於 2010-8-28 10:36



咁你都有道理
kerorozIL 發表於 2010-8-28 10:59:31 |顯示全部樓層
個人意見:
成件事係好令人痛心. 但菲傭要離鄉別井到外地打工, 都係拜一個無能+貪污0既政府所賜,個人覺得菲 ...
JicJicmom 發表於 2010-8-28 10:15



我的心聲
JicJicmom 發表於 2010-8-28 11:15:17 |顯示全部樓層
回復 9# kerorozIL

我有親友響菲律賓, 呢個政府0既野聽得太多.
好多並唔係我地呢D幸福0既香港人所能理解及知道, 什至接受0既事 .
當你以為好理所當然0既事, 響當地係屬匪夷所思0既事.
我地應該好慶幸, 我地響香港面對0既係近乎正常人性0既政府, 受0既係正統教育.
Kiann 發表於 2010-8-28 11:55:19 |顯示全部樓層
本帖最後由 Kiann 於 2010-8-28 11:59 編輯

回復 7# JicJicmom


問題係佢地呢頭話同我地感同身受,同樣的悲愴,轉頭又笑逐顏開咁影相,如果是咁難過,點影得落?

現在資訊咁發達,d記者應該識得corruption點解.那是不道德的交易,既然佢地都身受其害,受到政府貪污的腐政影响,冇理由唔明呢個道理,仲要人教?佢地的良知係邊?

既然d錢匯返去,都因為當地的教育水平問題而無法用得其所,咁無謂浪費喇!

我明白唔應該遷怒菲傭,但如果有其它選擇,我都希望我地的錢,用得有價值,有建設性.
金盞花 發表於 2010-8-28 12:36:41 |顯示全部樓層
本帖最後由 金盞花 於 2010-8-28 12:38 編輯

我同意積媽所講, 不要怪責身在香港菲律賓人, 其實佢哋生活响香港, 以香港為佢半個家, 真係見港人多過返鄉下, 對香港有一定感情, 你估佢哋唔傷心咩? 相信佢哋都以呢個國家/總統為恥.
嗰邊d人實在可惡, 尢其係個總統, 但我哋又豈能同呢d人一般見識.  正所謂冤有頭 債有主, 就搵佢國家最高嗰個算賬.
對付佢經濟, 中央已經出咗手! 菲傭為香港都有作出努力, 呢d功勞唔可以抹煞. 大家理性d, 唔好受他人影響自己判斷.
JicJicmom 發表於 2010-8-28 12:42:52 |顯示全部樓層
呢件事, 唔同人有唔同見解及理解.我只係講出自己感覺同睇法.
日後, 菲傭回國潮是免不了, 因為實在對於香港人是一個大打擊. 而且太多選擇, 無人一定話非用菲傭不可.
約滿左唔續約, 適隨專便 , 因為事實上菲傭響國外賺0既錢, 真係養到屋企0既, 係好少部份. 大部份都係入左政府個袋.
但一直用緊菲傭又未滿約0既, 因為呢件事而去炒菲傭, 我就覺得唔好, 亦唔合常規 .
香港人同菲人唔同0既地方,就係我地仲識乜野叫尊重, 乜野叫道理 , 乜野叫人性.
Kiann 發表於 2010-8-28 12:59:50 |顯示全部樓層
JicJicMom, 如果有冒犯,希望見諒.
星期三嗰晚有花友post左開棺條片,我一點幾睇到開棺影相條片,我真係好憤恨,嗰d警察唯恐d記者影得唔清楚,仲幫手掀開層裡布,睇住d閃光燈係咁閃,我好心痛.嗰晚我都瞓唔著.
我都唔贊成未約滿即時炒菲傭,我想即時炒菲傭的港人,可能就正正是受害者的親友.
tsoiyiu1009 發表於 2010-8-28 13:21:44 |顯示全部樓層
其實未發生哩件事,我經已對菲傭失去信心...
係網上/電視時不時傳出菲傭虐待小主人既新聞,唔講身體上...
我見過最離譜既竟然俾小主人飲翻佢地(菲傭)自己排泄物污水...
電視都有播過佢地(相信係某部份)背住僱主將洗乾淨既衫踐踏再若無其事放翻入衣櫃...
清理浴室時又將僱主既牙刷狠狠地刷佢地既腳板,再若無其事放翻入潄口杯內...
我真係接受唔到佢地理所當然既行為...
cklife 發表於 2010-8-28 14:01:27 |顯示全部樓層
回復  kerorozIL

我有親友響菲律賓, 呢個政府0既野聽得太多.
好多並唔係我地呢D幸福0既香港人所能理解及 ...
JicJicmom 發表於 2010-8-28 11:15



   越黎越覺得,做香港既女人真係好幸福。我心存感謝既心...
以前我同媽咪既關係唔好,有一個朋友同我講,應該感謝媽咪,我生活上遇到既好人同好事,如果無左媽咪比我既一條生命,我係感受唔到既。
所以,無論覺得父母做得幾錯都好,起碼佢做左一件對我有益既事,就係生左我出黎,令我可以感受到七情六慾,可以學好多野。

依家又要感謝亞媽多一樣野,偷渡落左黎香港,令我出生係香港,好彩佢唔係偷渡去菲律賓......
JicJicmom 發表於 2010-8-28 14:15:41 |顯示全部樓層
講起開棺,我亦覺得佢地好過份. 乜野最高規格0既殯儀服務, 原來仲包埋呢樣 ?
但呢樣野令我想起一件陳年舊事 , 當年, 鄧麗君魂斷泰國, 我地呢班認真受過高等教育0既記者們, 比錢疏通泰國0既殮房職員, 開棺拍攝先人照片然後翌日以大頭面部 close up 佔 左半版A1 刊出, 當日, 我好記得當時生果報以 "讀者要有知情權" 作狡辯 , 亦由0個日開始, 我發誓唔睇生果報.
今時今日, 我真係覺得好一個天大0既諷刺, 但竟然係報響一班手無寸鐵,比一個愚蠢政府害死0既香港兒女身上 ......
與其大家響度漫罵菲律賓人0既時候, 反思一下, 呢一件事教識左我地D乜野......
JicJicmom 發表於 2010-8-28 14:22:46 |顯示全部樓層
回復 16# cklife
CK ,
我結婚前,同我阿娘關係都麻麻地. 當時硬係覺得佢唔知諗乜.....
結左婚之後, 同阿娘愈來愈親近, 因為我開始響佢個位度想, 響佢0既角度去睇人同事 ......
我地香港遠比其他地方0既人好運, 香港地華洋雜處, 我地接觸到唔同0既國家0既人, 包容及適應能力都比人強. 你睇下遇事0既香港領隊, 同一早向槍手求情而獲釋0既當地導遊, 好明顯分到高低.
我知我0既睇法都同好多人唔同, 我亦唔期望有人會認同, 但我好堅持 , 冤冤相報何時了 ? 負面情緒不停咁響社會度滾存,最終只會引發更多醜陋人性.......
JicJicmom 發表於 2010-8-28 14:25:45 |顯示全部樓層
回復 14# Kiann

KIANN ,
唔緊要, 我覺得只要係理性討論, 大家可以響唔同觀點度有更多新0既睇法. 大家都係響一個難過0既時間當中 , 問題係響呢件事上面, 大家有乜野反思....
cklife 發表於 2010-8-28 14:38:30 |顯示全部樓層
負面情緒不停咁響社會度滾存,最終只會引發更多醜陋人性.......
JicJicmom 發表於 2010-8-28 14:22


係...我都讚成,亦都講左咁耐,能夠做既都做左,唔能夠做既,始終都係唔能夠做。

應該比剩番落黎既人,重新生活。
12下一頁
您需要登錄後才可以回帖 登錄 | 註冊

本版積分規則

初登記花友
  • 26

    主題

  • 1819

    貼文

  • 4

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.