回復 1# jeffiau
jeffiau , 早晨呀~
蛙哥同 fnv234 講得好0岩, 而家唔係咁適合插枝.
你試一試我平時用開0既方法, 睇下得唔得 :
1. 響超市買返來0既香草枝, 因為運送途中會經過冷凍存放, 所以我通常會買返來之後, 整株丟落去浸水. 等佢吸收番足夠水份.
2. 修剪到大約係 2-3寸長度 除去底部約一寸的葉 ( 因為水浸期間 , 水中有菌會容易引致爛葉 , 影響水質) , 枝條底部剪斜腳 / 分叉, 增加吸水範圍
3. rosemary 呢d , 我會就咁插水浸出根 . 比較幼身少少0既 (如百里香) , 我會加珍珠岩/ 珠石/ 河沙去固定佢, 唔好fing fing 下.
4. 我一定係用過濾後0既水去浸 , 第一日浸如果出現混濁情況, 就馬上換水 , 因水已生菌. 然後每12小時換一次水.
5. 水浸插枝存放地方, 我通常會選有散光照射到+空氣流通地方 , 空氣唔流通, 枝條都好易死.
我用以上方法, 都種到百里香, 迷迭香, 臭草 , 鼠尾草同齒葉薰衣草出來.
即管試一試喇~~~ 都幾好玩架~~ |