請問大家有無試過用洗米水或雞蛋殼做肥?

請問大家有無試過用洗米水或雞蛋殼做肥?之後發現泥面出現細細隻昆蟲既大約1-2mm長, 數量頗多,個D蟲是淋水先會出現係泥土度,你唔搞佢佢唔會飛, 一搞佢就飛dd..似跳既飛...顏色似灰加淺啡......多謝大家幫忙...

請問大家有無試過用洗米水或雞蛋殼做肥?之後發現泥面出現細細隻昆蟲既大約1-2mm長, 數量頗多,個D蟲是淋水先 ...
aulaw 發表於 2010-7-26 12:30

你果 d 應該係 蚊滋 黎，用 有機肥 係咁咖喇，所有 未腐熟有機肥 都會在泥裏發酵放出 二氧化碳，吸引昆蟲

如果放在室內，又唔係食o既，絶對建議用化肥 (如果你接受到D昆蟲當然冇所謂啦)

如果放室外，應該由得佢，佢地真係可以幫助分解你的有機物，令到植料肥d

雞殼要洗淨及除去殼裏面白衣呀

咁如果冇落肥又有呢D蟲蟲呢???

我也有這個問題, 我自己用辣椒水, 一淋就無事了

多謝大家意見...我再想問今,蚊滋會吾會對盆植物有害?
辣椒水是否用辣椒仔浸水(浸過夜)就可以用?要吾要煮?謝謝

回復 6# aulaw
不甪煮也無需浸過夜~

我以前聽過老師說:洗米水不宜淋花,d澱粉質會流在泥土影響植物呼吸~

金剛吾該你的意見...

兩樣我都有用過喎，米水以前用過，因為好似聽人地講會影響泥既酸鹼度，所以現在無用，蛋殼宜家都有用，蛋殼去"衣"吹乾水份，整到有咁碎得咁碎混埋落D泥度，之後O係盆栽面再鋪一層無蛋殼既泥以防小昆虫。
其實果D蚊滋，如果盆栽太濕既話都會有。

以前試過用洗米水, 棵植物好快死枯. (可能我用第一過的洗米水, 以為濃d好)
唔知係咪而家d米加左d化學成份, 我用臭氧分解都有一層野浮面..... 唔知係咪漂白劑? 防腐劑?
所以若果要用, 都唔好用第一過, 同埋唔好太濃. (我o既木瓜苗而家有用)

想問, 係咪用一只切開既辣椒浸水中之後直接淋落盆盆栽度???
我屋企有幾盆都好似有小蚊滋...
add5icon

回復 11# 小美


    反而我阿媽教我用第一輪洗米水，仲要唔好落咁多水，可以濃D營養高D咁話。以前試過D植物都無死到

回復 12# 綠色兔子


    將辣椒切碎，有咁碎得咁碎之後用水浸，我習慣用D布包住辣椒碎，以防止有辣椒種籽跌入泥，咁就會多左幾棵辣椒....
如果你棵植物唔係食既，我以前試過用火酒噴佢地，效果都唔錯，噴中既大部份都瓜左，不過唔建議你用呢個方法....始終對植物唔太好。

回復 14# Ivana


謝謝~ 我今晚去買條辣椒先~ 未種得切~ add4icon

and 想問用辣椒水其實對盆植物有冇影嚮既呢??? add3icon

回復  Ivana


謝謝~ 我今晚去買條辣椒先~ 未種得切~  

and 想問用辣椒水其實對盆植物有冇影嚮 ...
綠色兔子 發表於 2010-7-29 10:49

辣椒最辣唔係果肉，係辣椒核

你應該買 指天椒碎($10 一大包 有 100克) 浸 消毒酒精，(你可以比較一吓，會快過用水浸，重 哽 好多) 之後可以隔渣溝水噴。浸在 酒精 裏的指天椒碎可以長期保存，比用 新鮮辣椒 方便。

不過我覺得 辣椒水 辣味唔夠持久，唔係咁有效。

回復 16# marcuslee


    咁我係咪應該問... 邊度有碎賣呀... 我唔係主婦... 真係唔知...
& 消毒酒精係咩平時用黎消毒傷口o個隻???

回復  marcuslee


    咁我係咪應該問... 邊度有碎賣呀... 我唔係主婦... 真係唔知...
& 消毒酒精係咩平 ...
綠色兔子 發表於 2010-7-29 11:34

指天椒碎 是 乾的指天椒碎，可以在 買 印尼食品 的店買到，相信 雜貨舖(乾貨店)/超級巿場/街巿調味品店 都好易買到，我的在 裕記 買。

消毒火酒 即係 藥房果 d，再唔係，買 雙蒸酒(29%) 都得，重平啲，幾蚊有一支。指天椒碎 和 雙蒸 在雜貨舖可以一次過買齊。

原理係 辣味溶於油多過溶於水，酒精既溶油，又可以溝水，所以浸辣椒水會哽d。

回復 17# 綠色兔子


Prepare 的時候要小心，手皮薄可能會辣到痛，千萬唔好捽眼，噴的時候小心風向，面向風噴會自己中招

回復 19# marcuslee


    謝謝提供地點... 製作時我會用手套架喇...