請問點揀橄欖油？

想轉用橄欖油， 老板話 初榨橄欖油 係低溫油，整沙律好Ｄ，煎炸用 Olive Pomace oil啦，係高溫油。
上網一查： Olive Pomace Oil是一種用製作初壓橄欖油後的殘渣所加工製造出來的成品。它是透過化學溶劑和高溫所製造的，消費者也擔心，提煉過程中加入的有機溶劑，還有致癌可能。
究竟點揀橄欖油？ 我要煎炒用。另外提子油又點呢？ 請大家賜教！

Virgin Olive Oil：乃是使用完整的橄欖低溫直接壓榨而成，未經其他的加工，含有豐富的果香，可以表現出最自然的橄欖味道；換個角度來看，它其實就是橄欖的果汁。其中最優秀是"Extra-virgin Olive Oil"，其油酸含量要在1%以下，香味最濃郁。而一般"Virgin Olive Oil"的油酸含量要在3.3%以下，香味較遜於Extra-virgin。
Refined Olive Oil：精練橄欖油。是將酸度高於規定的Virgin Olive Oil經過精練處理，使其酸度降低至0.3%以下；但是風味也就不如Virgin Olive Oil。
Olive Oil：用Refined Olive Oil調和1-15% 的Virgin Olive Oil而成。油酸含量要在 1.5%以下。
Pure Olive Oil：它是以Refined Olive Oil和Pomace oil調和而成，有時可能也會加入Virgin Olive Oil。油酸含量要在1.5%以下。
Olive Pomace Oil：用已經壓榨過的橄欖渣再壓榨和精練處理的油，等級最低。

做 沙律 一定用 最高級 因為不經火煮，生食，但保存期短，買小量食完再買。
炒菜都可以用，但不要太高溫，一般煮食不超過220度，都可以用。
但個人感覺用欖油炒餸，有欖油的特有味道，影响菜色本來調味，所以少用。
煎炸食物不建議用欖油 或 葡萄籽油，因為成煙度低，炸食物一般250度以上，
這兩種油都成煙，變質，最好不要用。

唔好用Olive Pomace oil...我地用黎做皂架咋....
沙津我會用冷壓初榨橄欖油 ，八王爺講得對，好易變，唔好買咁大支，另外我發現如果加入百里香係油度浸，可以延長油既壽命(我己掉左好多支橄欖油，真係好鬼易變)。
煎炸野我唔食所以唔知用咩油，有人話用椰子油，但會怕飽和脂肪，最近又一堆人出黎話椰子油係好油，唔知信邊個。
我自己煮野食會用花生油(老公中意)、芝麻油，依D係熱製油，本身製作時己經用高溫架喇，但花生油好似話加熱時有唔知乜野成份會釋出，要落左油即係落鹽去落低，係傳統用油，所以我都有繼續用。而且佢有自己特別既香味，換左第二隻油覺得總係少D左味咁....

花生油炸嘢ok，不過唔好重用。
即係炸一次，剩就只可用來炒菜，唔好再炸。
千期唔好落盐去降溫，之後啲油好難用。

多謝寶貴意見。
整沙律 用 初榨橄欖油，其他用番芥花子油或花生油。好在問下大家，好彩好彩！

唔理 也野油， 可以的話用 壓榨油 (見另文:[健康飲食] 點揀食用油? 壓榨油 vs 浸出油？)，同注意煙點，這比較容易揀。