3月31日買的楓葉樹又死了

好傷心, 半年唔夠, 我的楓葉樹又死了， 到底要點養才成，有沒有人可教下, 我3天左右泥加水, 平時噴噴葉, 1個月左右比液肥。

楓葉係喜歡陽光的....
陽光不足...盤太細.....淋水一定要透入盤的每一角洛.....未生定就不能落肥料.....以上任一點都可能係死因...睇照片,你好似中晒......

我之前有棵差不多大小, 在一個25CM口闊, 20CM高的盤上養, 比水都是見底有水就停, 也一樣死了。 看日本的都是在這些盤種, 好像也沒問題。

還是因為我家是正西方, 所以它們養不了? 因為有時屋會晒到成33~34度。

楓樹室內種, 要注意的事很多, 否則好易突然瓜.  我都係得了不少教訓.

首先, 要注意配土. 看圖中的原土, 似係塘泥之類較黏的土, 種室外空地, 有太陽直晒, 勉強可以. 用來直接室內照用, 就一定過濕. 除非好耐先淋一次水, 例如2星期. 所以最好全換成小沙石/+少量腐殖質 的植料.

其次, 室內不能經常淋水.  楓樹其實非常耐旱, 寧乾勿濕. 大部份楓樹死因都係太濕有菌爛根.  

另外, 除了需要陽光, 放置的位置要通風. 一不通風, 加上 水多, 就好易悶根中菌.

正西方---- 其實不同品種楓樹對夏天陽光需求有不同. 如果未種定可以稍作遮蔭.  但仍需一定光線.

希望對你有幫助.

好多技巧, 謝謝分享

平時噴噴葉, 其實係唔係唔洗噴葉? D水直接落泥到

cgi0117 發表於 2019-7-24 15:34
平時噴噴葉, 其實係唔係唔洗噴葉? D水直接落泥到

我平時都係噴下葉, 保持一定濕度環境, 反而唔好經常淋水落泥, 搞到泥太濕. 保持泥乾比較安全.

gita 發表於 2019-7-24 16:44
我平時都係噴下葉, 保持一定濕度環境, 反而唔好經常淋水落泥, 搞到泥太濕. 保持泥乾比較安全.  ...

噴下葉有咩用? 唔係根先會吸收水份?

cgi0117 發表於 2019-7-25 09:04
噴下葉有咩用? 唔係根先會吸收水份?

噴葉保持一定濕度，濕氣高時會促進生葉，如果天氣太晒，植株乾，水份蒸發太快時，會掉葉，以減少水份需求。