終於做左絕育手術喇~見到佢咁辛苦好心痛呀~!!

今日終於都帶左傻B(我隻貓仔)去做絕育喇!
傻B剛剛返到屋企喇,手術後失禁,喺籠入面瀨左尿,下半身D毛都整到濕哂,本來醫生話最好困佢喺籠度住一晚,
但見佢喺籠入面不斷掙扎同慘叫,真係唔忍心,,放佢出黎之後,因麻醉藥未過,傷口又痛,行路都冇力=.=
但係佢都好乖咁行到搖搖下都去沙盆小便,見佢咁辛苦,好肉赤~好心痛呀~~!
而家相隔左4個鐘,佢都係瞓覺,呢度瞓下果度瞓下,見佢D毛濕哂臭"賓賓"想同佢清潔又唔比,
佢平時好鍾意乾淨架,一定係傷口太痛啦!見佢痛我都好痛呀~~!
嗚嗚嗚~~我真係好想喊呀

試下將沙盆放係佢張床仔隔離,比佢瞓多d,好快冇事,祝貓貓身體健康~

多謝你呀~返屋企到而家佢都係一直瞓,
瞓左9個鐘喇~希望佢快D康復啦!
佢張床即係我張床,我張床太高喇,驚佢跳上跳落會整親傷口,
所以我今晚都會陪佢瞓廳!

比d毛巾佢訓,濕左馬上換,你有冇bb紙尿片,比佢墊住吸水好d~

隻貓幾大呀,vet有冇開消炎止痛藥,不過如果隻貓太細小都唔主張食咁多藥~
小動物自癒能力好高,好快冇事

回復 4# prodorothyhkg


    傻B好乖呀~只失禁過一次,每次幾辛苦都去沙盆痀,
今日佢已經精神左好多喇
多謝關心^^

回復 5# prodorothyhkg


    傻B已然15個月大喇,醫生冇比消炎藥呀,只係話要我留意佢傷口,
發現唔妥先帶佢返診所!
    其實傻B足1歲開始就晚晚都發情,每晚我瞓覺都"禽"我,有時一晚兩次添=.=
我都係驚佢會谷得太犀利,日後會有後遺症先帶佢絕育!

15個月大遲左d啦,由第一次發情之後,就算做左手術,佢間唔中都會做d類似發情的動作同叫聲~
所以貓貓最好係向第一次發情前做就最好,耳根清淨d

回復 8# prodorothyhkg


    最慘係佢唔只叫~每晚我一瞓上床冚被,
佢就跳上被面不停踩我~有所動作=.=
比隻毛公仔佢又唔搞~淨係搞我=.=
搞到我晚晚對手都要搽白花油黎趕佢走
今晚比返佢入房瞓,唔知做左手術重會唔會搞我.....

    最慘係佢唔只叫~每晚我一瞓上床冚被,
佢就跳上被面不停踩我~有所動作=.=
比隻 ...
可晴 發表於 2010-5-12 01:16

都會有,但次數少d,同埋會係咁意整幾下咁籮

哈哈~琴晚佢又跳上黎,想有所動作喇,
比我摸幾摸分散左注意力之後,
真係係咁意幾下就唔忿氣咁走左