是不是要開始吃素了？

顯示全部樓層

最近收到好多濫殺﹑虐畜﹑殘害動物的轉帖/電郵...等等。
例如：牛奶原來用囚禁式養母牛，搵到牠們母子分離，站在牛屎中。
         於是多產牛奶，奶可以做芝士。
      吃魚翅又濫殺鯊魚，切魚鮨任牠們在海中自生自滅。
         鵝肝也是灌喉催谷養肝供人宰殺。
      肉鷄又是禁走動，只吃不動。生蛋鷄也是一樣。
      藍旗吞拿魚又快絕種了。
      仲有好多食肉浪費大量飼料，包裝和急凍食品，堆積過期，以致無謂囤積過量肉食。
      超市不斷拋棄過期冷藏肉類。
      還有更多為了吃肉而對地球和動物的破壞。

You are what you eat
環保人仕，愛護地球，養竉物的人，愛自己身體的人，是否都要先吃素，
才可以大大聲咁同人地講，愛護動物呢？
如果在網上轉帖/發電郵給別人，叫人這樣那樣，但中午/晚餐又去吃肉，咁係咪講一套做一套呢？

學種植 · 發表於 2010-4-16 22:30:34

本帖最後由學種植於 2010-4-16 22:32 編輯

我都有本書又係講素食救地球
講既野都係同你講既差唔多...
但係...我覺得佢咁樣宣傳係冇咩用...
因為上一代d人...佢地d諗法...一定唔支持素食...
又話食素唔夠營養果d...
同埋上一代d環保意識唔高...我覺得點講都冇咩用

其實我睇完果本書都...冇食肉一排...
屋企人知道左唔比

corina · 發表於 2010-4-17 00:27:23

我都有本書又係講素食救地球
講既野都係同你講既差唔多...
但係...我覺得佢咁樣宣傳係冇咩用...
因為上一代 ...
學種植發表於 2010-4-16 22:30

我初初食素媽咪都唔比,佢而家咪同我一齊食素,重話素食對身體好~~add14icon

學種植 · 發表於 2010-4-17 09:50:30

我初初食素媽咪都唔比,佢而家咪同我一齊食素,重話素食對身體好~~
corina 發表於 2010-4-17 00:27

咁你媽咪都幾開通~
我屋企人一定唔支持我,更別說同我一齊食素~

八王爺 · 發表於 2010-4-17 09:56:38

我嘅重點係果啲成人發帖/電郵/轉帖的人，
宣傳叫人愛護動物，保護環境，其實佢地每日食咗不少動物！
自傷矛盾！

學種植 · 發表於 2010-4-17 10:32:57

我嘅重點係果啲成人發帖/電郵/轉帖的人，
宣傳叫人愛護動物，保護環境，其實佢地每日食咗不少動物！
自傷 ...
八王爺發表於 2010-4-17 09:56

係既~真係自相矛盾!
不過只係一部分~
不過總有人真係身體力行既~

我覺佢地宣傳黎冇咩用.好難改變咁多咁多人既思想

corina · 發表於 2010-4-17 12:09:43

咁你媽咪都幾開通~
我屋企人一定唔支持我,更別說同我一齊食素~
學種植發表於 2010-4-17 09:50

唔同既,因為我地係佛教徒,相熟既同學,朋友大多是素食者,又比佢睇下素食有咩好處,最重要係佢自己素食後真係覺得身體好咗lo~add14icon
我中學開始食素,初初真係比媽咪鬧咗三個月呀~add9icon

學種植 · 發表於 2010-4-17 12:35:36

本帖最後由學種植於 2010-4-17 12:36 編輯

唔同既,因為我地係佛教徒,相熟既同學,朋友大多是素食者,又比佢睇下素食有咩好處,最重要係佢自己素食後真係 ...
corina 發表於 2010-4-17 12:09

原來係佛教徙~

但信佛而吃素又好像跟環保冇咩關係

佢地既諗法只係唔殺生...
可能有關係...不過唔係直接

其實我婆婆都係信佛,但佢唔係食素,只係叫我地多菜少肉

corina · 發表於 2010-4-17 12:45:33

回復 8# 學種植
我有個abc同學唔係佛教徒都食素,好似外國比較多人因為環保,身體理由而素食,中國人食少d肉都怕唔夠營養,有時仲食得太多tim~

八王爺 · 發表於 2010-4-17 21:55:33

純素食要好有智慧，因為唔可以食得太少種類的植物。

我最想果啲自己食緊肉的人，不要成日轉帖/發電郵勸人，減少電子垃圾

jellyfishy · 發表於 2010-4-18 09:35:39

回復學種植
我有個abc同學唔係佛教徒都食素,好似外國比較多人因為環保,身體理由而素食,中國人食少d肉都 ...
corina 發表於 2010-4-17 12:45

我覺得係朋友圈子問題~~
去親旅行, 係酒店食早餐時, 我都鍾意留意人地食乜, 發現浪費最多食物和吃肉的都是美國人, 其次是歐洲人, 日本人幾好, 無乜餘飯, 中國人好興拿超多野, 但一半都食唔晒~~

Scarlettchl · 發表於 2010-4-19 15:31:52

我都食素3years. 因為環保,身體理由, 朋友圈子都有好多食素or2-3日有一餐食素 la...

八王爺 · 發表於 2010-4-20 15:49:20

scarlet 吃素3年有咩心得，出街食飯點揀？

KandT · 發表於 2010-4-20 16:35:19

之前為健康理由試過食素一年.  家人當然反對, 但我多數外食, 佢地都冇我乎.
就我班朋友來說, 多數都是食肉獸.  我食素真係anti-social.  朋友食飯, 通常一人點一味, 我點一個素菜就ok喇, 不過他們長期大魚大肉, 見我10分鐘停哂手, 都有點不好意思.  有時d朋友都會陪我去齋舖, 一餐兩餐冇所謂, 成日要人遷就輪到我唔好意思囉.
一年左右, 身體狀況改善了, 同朋友出街就冇再食素了.  畢竟我自己原本都係食肉獸, 長期抑壓遲早心理變態.

其實出街食素係有d煩, 但都唔係太難. 去mac donald, 有田園沙律 & 粟米杯. 去kfc可以叫蘑菇飯 & 薯蓉. 麵檔有炆冬菇麵 & 油菜. 視乎決心架咋, 一定叫到野食既.

catcat33 · 發表於 2010-4-21 00:04:37

隨意吧！又不能一下子改變自已或全世界。就做自已做得到嘅先。
試下先唔食一種肉先。或一星期如素一，兩日。或一日如素一餐。
早餐其實都唔會好食到肉啦。午餐肉都同你講咗無益囉。

下晏可以叫碟菜加淨粉。已經好飽肚。（女仕為準）
其實最會食肉嘅時間，就係同朋友出街或屋企人食飯。
所以我會爭取叫餸嘅權利。叫多啲菜同豆腐之類嘅食物，直至比人叫停，或 CUT 一兩味。

金剛 · 發表於 2010-4-30 16:23:19

本帖最後由金剛於 2010-5-18 18:42 編輯

萬物同在一呼一吸間,哪個不怕痛苦!
為何要吃牠們呢??無食物嗎??
要我傷害牠們,我情願死!更遑論吃其肉,哀哉~~
http://www.cpla.org.tw/protect.htm

Demi · 發表於 2010-5-13 14:27:05

我吃素4年多, 原因是覺得吃肉很殘忍, 只要從網上搜尋一下, 就會知道現今供食用動物有多痛苦了 ...

很同意"八王爺"的想法, 早前大家都開始關注應否吃魚翅的問題, 很多人也在網絡廣傳吃魚翅有多殘忍, 並願意罷吃魚翅, 如果大家也開始意識到我們應該為了保護生物而不再吃魚翅, 這當然是一件好事
但這些人絕大部份仍然是肉食者, 每天都吃豬牛雞等動物, 那是不是有點雙重標準呢? 我們不應該說吃魚翅比吃牛更殘忍, 這些痛苦是不能量化的 ...
所以, 如果說要愛護動物, 其實應該多走一步, 不只是罷吃魚翅吧 ...

成為素食者的確會有很多困難, 還有身邊的人的不接受, 但我們應該學會堅持做自己認為是對的事的 ... =]

jellyfishy · 發表於 2010-5-13 16:30:57

我現在都戒了很多肉, 都是為了身體, 特別係牛蝦蟹和魚翅. 同catcat和 KandT 說的差不多, 一班朋友食飯, 難道叫人次次就我咩. 唯有佢地照吃肉, 我就選d 無乜肉或無肉的東西吃囉.

簡單d 做, 公司吃飯, 係酒樓點了一大碟飯, 我自己只吃飯, d 肉留俾同事食, 當然好難叫炒飯走肉啦, 鮮竹牛肉, 我吃塊鮮竹, 綿花雞, 我吃舊冬菇, 最好就叫甜品, 大部份都無肉, 哈哈~ 佢地都好歡迎我咁做既~

Demi · 發表於 2010-5-13 20:05:02

係呀 ..
其實出街食飯都好容易就到
自己為免麻煩到朋友
都唔介意食d同肉一齊煮過既菜

但如果真係很嚴格的純素食的朋友
相信一定要去素食店開餐了

金剛 · 發表於 2010-5-14 18:20:37

回復 18# jellyfishy
我支持妳,加油!
食得健康食得心安