回復 19# jellyfishy
水母及各位早晨~~
水母你想用焗爐來做乜野菜式? (西式?中式? 蛋糕麵包? ) 我自己會覺得用法唔同,選擇都唔同喇....
我用焗爐大部份時間都係做蛋糕及西式餅食, 不過而家開始多左做肉類 / 海鮮 等等.
我之前一直用開三洋 (1X年間用過2部,第一部係未結婚時,老爺送比我的二手爐, 第二部係結婚後新買,當年 $5XX) ) ,真係好好用+襟用,只係傳統式上下各2條發熱管, 上下火可調+2小時時間制 . 其他功能乜都無 , 無論中西式都做得好好, 可謂百搭~但近年已經無得賣. 所以點讚都無用.
而家轉用KENWOOD,係大減價貨品 $6XX . 轉用佢係因為內籠大同有旋風+配件多. 但我個人覺得旋風用途對我作用不大. 我之前焗左10幾底月餅,都有表面烘得唔均勻0既情況. ( 風扇下的餅面唔燶, 離風扇遠D0既就"鍾無艷" ) 要烘到中段拎出來轉方向. 月餅就OK0者,第二D野點可以比我咁轉法? 早2日焗過燒肉, 因為我時不時會開門轉方向,所以旋風功能焗得均唔均勻亦唔可以作準. 相比之前用三洋,三洋0既表現比佢好及穩定.
2年前搬出省城時大夫響吉吉島買電器package,買左一隻微波+烘焙二合一的爐, 我用來焗過海鮮/蝦/青口等等, 可能因為係習慣問題好少用呢部野的烤焗功能 (玻璃門睇得唔清+無發熱管) 所以亦唔可以妄下太多評語.0個幾次焗海鮮都OK , 而個人感覺個熱力都好平均+穩定. 不過價錢好貴,唔建議買.
其實我幾同意王爺所講, 要求唔高,過1000蚊0既爐真係唔考慮. 我去上烘焙課的workshop, 佢地都係用X豆牌. 我估可以一試? 再不然都可以試一下KENWOOD . |