本帖最後由 fianfumy 於 2010-1-25 13:19 編輯
學校在12月22日冬至那天舉行聖誕及生日Party , 而生日party是慶祝12月及1月生日的小朋友, 所以囡囡都是生日之星,我一直都未交party食物表給學校 , 因為我想等其他家長整什麼先, 因去年我整蛋糕, 點知原來那天已有4-5個蛋糕 , 所以我寧願整意粉之類的食物囉.....
今次問了老師之後我決定整蛋糕, 最開心不是囡囡 , 而是學校老師囉....
在party 前的星期四 /五 , 囡囡跟我說你整一個蛋糕可能唔夠食,不如媽媽你整多一個啦 , 我唔知這番說話是囡囡 講, 還是老師教她講, 不過囡囡咁講, 我有時間的咪整多個囉....
兩個蛋糕我都沒有份食, 芒果整過好多次, 都知道咩味, 但係士多啤梨我未食過呀 , 所以第日自己都要整多一次食先得....
今次整蛋糕前, 自家整了士多啤梨果醬先....
果醬製法....
士多啤梨 700g 砂糖 240g 鮮檸檬汁 1個
1.士多啤梨清洗, 除蒂及每粒抺乾
2.加入半份砂糖於士多啤梨及檸檬汁, 放入雪櫃5小時 ( 通常我放over night)
3.用中火煮士多啤梨至腍 , 轉慢火加入餘下砂糖, 攪拌至溶解 , 煮到士多啤梨至凝固點即可
4. 要預先將盛載溶器用熱水消毒, 如玻璃樽再可放入焗爐用100度焗30分鐘 , 樽瓶涼後才從焗爐取出將果醬入樽
5. 入樽後預5mm空隙位置, 並放上牛油紙在果醬面上, 將樽蓋上緊, 倒轉放下直至完全冷卻, 才可存入雪櫃
本人參考自<原味果醬> ...
士多啤梨乳酪慕絲蛋糕 ( 8吋)
材料:
士多啤梨果醬150g,原味乳酪110g,淡忌廉 250g,魚膠片20g (8片@2.5g),新鮮士多啤梨約20粒,手指餅半包,防潮糖霜少許
莎巴翁 : 蛋黃2隻,砂糖20g , 鮮奶20g
餅底 : 消化餅碎60g,無鹽牛油溶液30g
魚膠片用凍開水浸軟,瀝乾水份,用熱水座溶備用
[士多啤梨慕絲做法].
1.先做莎巴翁。
2.淡忌廉用中速打至7成企身備用。
3.把士多啤梨果醬加入淡忌廉,用刮刀拌勻。
4.用篩把乳酪過篩,加入混合料中,輕輕拌勻。
5.再把已打起之淡忌廉加入拌勻。
6.將少許混合物加入魚膠水中拌勻,再全部倒入混合糊中拌勻。
7.倒入模中,輕輕搖勻,放入雪柜冷藏1-2小時,取出用吹筒幫助下脫模。
8. 將手指餅切半,排在慕絲旁,綁上絲帶固定手指餅。
9 再把已抹乾之新鮮士多啤梨排在餅面,再灑上防潮糖霜即成。
因為怕唔夠食, 我另外整多一個芒果流心慕士凍餅 , 當然最開心都是我囡囡啦.... |