你贊唔贊成香港申辦亞運？

民政事務局局長曾德成 又吹風啦: 本港申辦亞運會將帶來好處 ......東亞運舉行期間，訪港旅客人次110萬，較前年同期增加百分之六。 東亞運公司行政總裁胡偉民表示，東亞運整體開支約3億元，由於政府撥款約1.2億元，加上贊助及門票等收入，他預計可以達到收支平衡。

我覺得如果 政府唔使撥款 而 收支平衡，我絕對贊成，至少增加就業。但如 政府要撥款，不如派錢啦。

之前嘅 東亞運 真係靜靜來，靜靜去。  你知唔知 東亞 有也國家？比賽左Ｄ乜？ 印像麻麻。

民政事務局局長曾德成 又吹風啦: 本港申辦亞運會將帶來好處 ......東亞運舉行期間，訪港旅客人次110萬，較 ...
tommysze8 發表於 2010-1-8 20:01

印象只有很多國歌

東亞運.. 收益我唔知係咪咁好, 但我只知東亞運既足球真係幾多人睇, 雖然人地唔係出到最強~
哩次東亞運或者可以重振香港既體育事業既~

唔贊成，香港連東亞運都搞唔好，搞亞運只係整衰自己，亞運的規模大過東亞運數倍

• 東亞運的成功，主要原來係香港運動員o既努力，而唔係來自主辦機構
• 主辦機構做法好混亂，如售票情況、運動場地既設備等等
• 香港人o既運動意識唔強，試問有幾多個人係每個星期都做運動？一個咁唔重視運動既地區，搞個運動比賽，唉！
• 我心諗，佢地班友係唔係急於求成？連東亞運都搞成咁，本人質疑佢地既投入程度
• 主辦機構勁遲先公佈 d 賽道，令香港冇左主場之利，對香港運動員有點唔公平。奧運同亞運都係比賽前半年至一年已公佈賽道
  

香港搞亞運，我唔質疑佢會成功，但係風險太過，根據今次東亞運既表現，搞亞運既值博率唔高

搞啦, 唔搞d錢都係同樣俾班友使咗唔知到邊嫁啦, 你驚唔搞亞運, 佢會做多d福利咩
搞衰咗都冇壞嘅, 叫做俾香港人多樣嘢茶餘飯後講吓囉

eddie 講得啱, 東亞運搞得唔好, 好係因為香港的球員盡力, 但d 搞手真係好唔掂.
羽毛波比賽都全部爆滿架. 但大會俾左四分一個場d 親中學校去 e 館睇比賽, d 細路唔識打羽毛球, 所以唔知幾時應該喝采, 係又嘈唔係又嘈, 真係好煩.

其他世界大賽, 係一定有件合適的制服俾裁判. 但東亞運時, 天寒地凍, 裁判連件外套都無. 大會淨係俾左件長袖T-shirt 佢地, 好唔專重d 裁判.

票務又搞到亂晒, 即日飛都無, 要俾人鬧到上電視, 先識得開即日票. 後知後覺過我!

理論上我支持搞大型比賽, 但政府一定要先搞好管理和安排. 咪好似上次奧運咁, 搶左個銀禧體育館, 要d 港隊和青年軍四散同大眾搶場, 响馬鞍山體育館練波. 到今時今日, 政府都未起番個場俾港隊.
無適合和足夠的facilities, 唔搞好過搞.

搞唔搞都得，反正啲錢都係俾咗啲無謂人洗。
搞，就係果啲唔識搞嘅洗晒啲錢。
唔搞，就係坐係度 亂講果啲人洗！

咁多人認為香港唔好啦亞運, 其實係反影咗對政府的失望

我係好鍾意運動的人, 平心而論, 香港近年的確多左好多人運動.
有感個分水嶺應該係SARS前後.
SARS 前, 我每年夏天, 每個星期都有三四晚去公眾泳池游水. 那時可以游一個直池唔會撞到人. SARS 後, 大約04年的夏掛, 去番同一個泳池, 要避三四個人才游完一個池. ... 好唔舒暢~

康文署的室內運動場就更加爆, 7am同人上網搶場, 如果要book 星期六日, 就要朝早6am前去到排隊等開閘搶場, 真係人都癲~

政府雷聲大雨點小, 無咁大個頭, 咪戴咁大頂帽啦~

搞啦, 唔搞d錢都係同樣俾班友使咗唔知到邊嫁啦, 你驚唔搞亞運, 佢會做多d福利咩
搞衰咗都冇壞嘅, 叫做俾香 ...
比得大帝 發表於 2010-1-11 15:11

搞衰咗都冇壞嘅，但係擾民囉！呢道封路單車、馬拉松、、、、，又話封館比賽、、、都係派錢好Ｄ，或者每人一双臘腸都好。

臘腸卷? 有諗頭喎.
不如俾埋LED現金卷, 波衫現金卷, book羽毛球場現金卷, 入泳池現金卷....etc.add7icon

係喎, 呢度家下多左個皇帝~ 家下園藝館有王爺和大帝, 仲有班比公主.
唔知邊個係王妃王子皇后....add7icon

咁又係,

我要潤腸得唔得呀, 最好鏞記果d

有貓后嘛

咪離题。

明明講緊派潤腸... 我要金銀潤唔該 Donald叔叔。

金銀潤!  好耐冇見過, 不過好肥嘅, 都係潤腸正d

臘腸卷? 有諗頭喎.
不如俾埋LED現金卷, 波衫現金卷, book羽毛球場現金卷, 入泳池現金卷....etc. ...
jellyfishy 發表於 2010-1-11 16:22

LED現金卷都得，但係 (1) 唔准鬼鬼鼠鼠加電費收番，(2) 唔要特首代理個間，除非佢平過阿爺個Ｄ。
羽毛球場現金卷都得，但係要打完先至收錢，唔好 book 場又唔打。

不如學台灣派消費卷！

LED現金卷都得，但係 (1) 唔准鬼鬼鼠鼠加電費收番，(2) 唔要特首代理個間，除非佢平過阿爺個Ｄ。
羽毛球 ...
tommysze8 發表於 2010-1-11 19:27

唔係佢代理呀, 係佢好老襯代理呀

唔要羽毛球卷, 可唔可以要腳底按摩卷呀

唔係佢代理呀, 係佢好老襯代理呀

唔要羽毛球卷, 可唔可以要腳底按摩卷呀 ...
比得大帝 發表於 2010-1-11 22:29

    不如學個d 乜鬼酒店會席咁, 一送就成本書仔咁, 可以繼頁搣出來的消費卷, 用足成年. 正呀~

咦, 講講吓講到咁遠o既? hehe