麥提莎糯米糍
由於近排都好忙好忙, 我都好耐沒有post 我的成品, 不過會陸續出番啦 ......
我剛見到有花友Post 麥提莎糯米糍 , 而我又有另一版本的食譜, 一於出埋post 比大家試哂2種味道及唔同的整法 , 希望大家都鐘意呀 !
今次我所整的糯米糍 , 囡囡及她學校的同學及老師都好喜愛, 而且出來那軟熟而咬落去那脆卜卜的麥提莎, 實在好有口感及新鮮感呀 , 真係值得一試及推介 。
材料:糯米粉140g、黑糖60g、朱古力奶180ml、淡忌廉60ml、無糖可可粉1.5湯匙、麥提莎一盒 、另防潮無糖可可粉裝飾用
(1)先將朱古力奶、淡忌廉混合成液體料
(2)將糖、糯米粉、無糖可可粉粉混合成粉料
(3)將液體料分數次加入粉料中,拌滑過篩放入碗內中大火蒸15 - 20分鐘 (視乎粉料厚度)
(4)可使用刮刀搓軟糯米料,直至降溫後戴上手套再搓軟糯米料,用濕布蓋在碗上,待完全降溫
(5)戴上手套,取一小份糯米料包入一粒麥提莎,然後滾上防潮可可粉,放入膠盒保存, 如一兩天內會食哂可無須雪藏 , 但超過一天或夏天時請放入雪櫃冷藏 . |