別無所毬

都希望有其他大大來講下心葉出根問題!

在上年十月份朋友又剪咗一節仔心葉俾我種，回來就已經有三片葉仔都有5蚊銀咁上下大，莖位就黐住有两條小鬚根，中間細圖都種咗過幾月先標新葉，見嗰盆仲有啲空位就插埋海豚落去種，估唔倒又可以一齊生長，現在心葉都生長有三呎幾長，每節都帶有小氣根同新葉，還有一個花冧結緊苞，如果唔燒冧應該都好快有花睇!

謝謝B大賞分

高手呀~

請問樓主用什麼植料?

川流不息 發表於 2019-6-11 14:09
高手呀~

請問樓主用什麼植料?

細圖左上也能看出來，只有沙炭两種!

回川大大，我都有咗老花好多年，我而家最想要两種花，就係…有錢花同埋可以亂咁花，咁就正!

lamkaicheung 發表於 2019-6-11 12:48
都希望有其他大大來講下心葉出根問題!

在上年十月份朋友又剪咗一節仔心葉俾我種，回來就已經有三片葉仔都 ...

心葉我都係當多肉咁淋水，王子種得超好,叻叻
海豚仔群生好壯觀

菜妹 發表於 2019-6-12 05:01
心葉我都係當多肉咁淋水，王子種得超好,叻叻
海豚仔群生好壯觀  ...

哈哈，其實王子一啲都唔叻，佢只不過有較好嘅環境種植，如果冇咁嘅環境，相信佢咪一樣死晒火!
菜妹不要放棄手頭上棵心葉，雖然而家變咗心太軟，可能心葉本身出根係比較慢一點，再嘗試救下㖭，如果真係救唔翻c咗，相信菜妹人緣咁好，回港後定能在花友手上帶翻一棵半棵回去，再續心葉前緣嘅，到時又可以繼續夢植心想的世界啦!

棵毬蘭估唔倒三日後居然落花，本身諗住想試下佢啲花蜜，打開啲葉唔覺意碰到啲花，點知就甩住咗幾枝花落地，好彩頂頭還有一朵新結花冧出緊!
攝6/10


過多幾日原先已落花位置，居然有花追出即象喎，問朋友佢都話呢隻毬蘭未試咁樣追冧，咁就有啲奇啦!
攝6/15

噚晚上網揾毬蘭資料，終於得出呢隻毬蘭的真名字，原來叫Hoya densifolia密葉毬蘭，佢啲葉又真係幾密，所以有呢嗰名字，另有一個嘅，覺得唔咪咁襯佢叫皮卡秋，可能係日本電視劇卡通精靈比卡超黃黃哋㗎!

介紹呢棵錢幣毬蘭，朋友就種咗佢6年，每次結冧將近開花就燒苞，所以睇都未睇過佢嘅真身，朋友攞來叫我試下睇得唔得!

同蜜葉毬蘭擺位置差唔多，照顧上也是一樣，養殖時間都係在上年十月份倒，估唔倒養咗佢幾個月，生長得唔錯，棵錢幣開始出新枝仲越出越多，可能真係夠太陽俾佢，在上個月嚟開始不段出新花梗，數埋都有十枝八枝㗎，原本都有啲舊花梗6之7枝仲留咗係倒，今次唔知可唔可以新同舊花梗一齊結花苞，我都好想好想睇下佢嘅真面貌!

毬蘭生長速度相對緩慢, 如果短期內有新葉出便是你家的環境適合它生長。

菜妹 發表於 2019-6-11 09:36
王子呢度咁多人，借位一問：

新手唔識種，成日搬黎搬去搞到爛根後去泥插水，試左兩個月都未見起色，葉好薄 ...

毬蘭是粗生的植物, 暫且插在泥上, 不要掉。

太美了！

小更新#21心葉毬蘭

6月份幫棵心葉毬蘭搞咗個做型，為方便拍全貌!


等咗二十日第一個心葉花苞開始明顯大了很多，而家都有一毫子咁大倒，數過有成二十粒辛運小星星聚成一球，近日都好好彩還發現多了两個新花梗出現，可惜太細粒影得唔清楚!



呢張係今日拍，本身諗住等開花先俾post 相俾大家睇，但今日落咗場好大嘅雨水，驚等唔切開花消冧，還聽講毬蘭好容易就小氣，但唔理得咁多啦!

lamkaicheung 發表於 2019-7-10 22:06
小更新#21心葉毬蘭

6月份幫棵心葉毬蘭搞咗個做型，為方便拍全貌!

等睇花~

川流不息 發表於 2019-7-10 23:36
等睇花~

我都很期待，而家嗰心情就好似大肚婆十月懷胎咁，嬰兒將要降臨大地，始終係首次見，都有少少緊張，好彩唔洗揾接生婆!
毬蘭臨盆在即，希望天氣不要太反常，我都要抽多啲時間陪伴左右，幫佢影多啲靚靚開花過程畀大家睇!

lamkaicheung 發表於 2019-7-11 00:41
我都很期待，而家嗰心情就好似大肚婆十月懷胎咁，嬰兒將要降臨大地，始終係首次見，都有少少緊張，好彩唔 ...

恭喜添丁呀！
期待靚靚花花誕生過程相片。
頭一胎係要小心照顧多d的。
王子使唔使請侍產假？

lamkaicheung 發表於 2019-7-11 00:41
我都很期待，而家嗰心情就好似大肚婆十月懷胎咁，嬰兒將要降臨大地，始終係首次見，都有少少緊張，好彩唔 ...

王子！我都為你高興又緊張！毬蘭唔易種，等到頸長，先有花冧，有花冧又唔代表一定開到！真係攪到你個心情七上八落！

violet_bb 發表於 2019-7-11 00:54
恭喜添丁呀！
期待靚靚花花誕生過程相片。
頭一胎係要小心照顧多d的。

哈哈…唔啦，但都會盡量拍攝多啲開花過程，盡可能用言語表達自己喜悅心情，還將開花描述細緻一些，將可愛一面帶來多一些歡樂!

小雷子 發表於 2019-7-11 09:10
王子！我都為你高興又緊張<span class="emoji emoji1f603"></span>！毬蘭唔易種，等到頸長，先有花冧，有花冧又唔代表一定開 ...

係呀…我都擔心開出嚟變成怪胎，到時唔能夠變成環球小姐就唔靚女㗎。
近日天氣飄忽不定，又時有常下雨，又唔想搬出搬入，怕驚動倒咗胎氣就唔好啦!

lamkaicheung 發表於 2019-7-11 10:54
係呀…我都擔心開出嚟變成怪胎，到時唔能夠變成環球小姐就唔靚女㗎。
近日天氣飄忽不定，又時有常下雨， ...

哈哈！一定會係大美人！等你再update生產過程！

lamkaicheung 發表於 2019-7-11 10:54
係呀…我都擔心開出嚟變成怪胎，到時唔能夠變成環球小姐就唔靚女㗎。
近日天氣飄忽不定，又時有常下雨， ...

暑！！！我地要細細聲，唔好俾花花聽到！花花小器呀！！！
預祝大美人順利誕生！

攝7/12底抄
樓上幾位大師姐係未等到開花前，在下送上幾張小籠包圖，還加上情歌王子Danny陳，所唱嘅一段歌曲，請細味品嘗一個（等）字!

等 寂寞到夜深
夜已漸荒涼 夜已漸昏暗
莫道你在選擇人 人亦能選擇你
公平原沒半點偏心
苦澀 慢慢向著心裡滲
何必抱怨 曾令醉心是誰人

攝7/13同樣是底抄
要大家用些想像力去看看呢正張圖，個人感覺像一隻小海馬在深海漆黑中飄浮，但背上還是孭著一個個小籠包走佬咁款!


加多一張背後的毬蘭，開始漸漸長大，現況都有5毫大小，我估應該去到一蚊銀咁大就有花睇，很期待呀！

看來我還要聽多幾日情歌王子Danny 陳呢隻歌先得……等!