夏日繡球

多謝. 其實去年剛買回來時都有落花落葉. 繡球需要近1年時間適應生長循環的. 落葉植物似乎都有呢種特性!  加油!

我舊年買左盤細嘅 花謝左之後剪左 前排原本啲葉枯左 近個幾月慢慢生番啲新葉 但有部份有啲斑 有冇高人可以指點下係咩原因

唔係高人, 試下答.   新出的葉有時本身較黃綠, 如果加上依家高溫又晒, 好易耗盡本身營養和水份, 加快變黃.  但如果慢慢俾番水, 和營養, 咁就會轉番綠色和較深色. 你棵的黃斑情況似已經轉番綠. 問題不大.

但你個碟底咁多水...... 繡球不宜長浸碟底水. 好易爛根. 燒葉. 要控制水份吸收情況.

唔該晒！

好靚呀
我之前種過兩次都有紅蜘蛛,搞唔掂就放棄咗lu

LuteleQyitic 發表於 2019-8-7 13:03
好靚呀
我之前種過兩次都有紅蜘蛛,搞唔掂就放棄咗lu

多謝賞花. 去年都有紅蜘蛛呀, 淋了很多野在葉上都仲有. 最後惟有將有染的葉全搣去, 問題終於解決.  多年來紅蜘蛛害瓜了不少植物, 室內養易有. 搣葉法解決不少問題.

gita 發表於 2019-8-8 01:26
多謝賞花. 去年都有紅蜘蛛呀, 淋了很多野在葉上都仲有. 最後惟有將有染的葉全搣去, 問題終於解決.  多年 ...

謝謝指教
不過原來植物都有自己嘅免疫力試過有啲植物會種種下突然冇晒紅蜘蛛

先前紫紅色的花現在變成翠綠色，另有一種美。上輪未開花的枝條現已爆出花枝，準備下輪花開。

超靚超健康翠綠️

室內種也種得很好

ChanKwingYin 發表於 2019-9-8 12:59
室內種也種得很好

多謝. 暫時覺得不是每款繡球室內都容易開花. 有些品種已有小花芽粒但長不成完整的大花. 尚在觀察中.
只有無盡夏比較好養. 這幾日又開緊一朵. 無盡夏比較耐蔭, 較適宜室內偏陰涼的光度和濕度. 已經試了插枝繁殖, 已經生根生葉. 此品種不錯. 只是好容易生得太大. 要適當修剪.

耐無update. 補回舊照。這幾張是去年10月時入冬前開的最後一朵花。開成複瓣的樣子。

有種繡球的花友可以留意，現在是谷花蕾季節。可以施肥谷下，另外就不要給太多水。多水有利出葉，不利谷花蕾。

多謝樓主的心得分享！

baker1 發表於 2020-1-15 20:11
多謝樓主的心得分享！

唔駛客氣！歡迎交換種種心得！希望這個平台可以作為本土種植資料庫。

可惜我好仔细找，都找唔到我盆花有花芽

baker1 發表於 2020-1-15 21:45
可惜我好仔细找，都找唔到我盆花有花芽<span class="emoji emoji1f605"></span>

Depends 你盆係邊款繡球。有花芽，但環境條件唔夾，都會開唔成。好似之前粒花芽都係開唔到。我諗起可能花芽要開，要有充份陽光。但我屋企向西北，1,2月會光照不足，咁有花芽最終都出唔到花。好在endless summer系列可以出多幾輪花，依家等緊第2 round.

估唔到最先跑出開花係呢盆白花 endless summer bride. 去年買， 經過夏冬，又有紅蜘蛛所以大剪了不少，終於開花。現在仍有兩三個花蕾慢慢開。

我都喺花墟買咗一盆$30繡球,唔知係唔係endless summer呢？應該都係macrophylla呢嘅,希望佢快高長大啦

dendrohusky 發表於 2020-3-29 16:54
我都喺花墟買咗一盆$30繡球,唔知係唔係endless summer呢？應該都係macrophylla呢嘅,希望佢快高長大啦 ...

看葉型好似唔係，但好難講，另外除了endless summer,有些品種都會開多輪花，要多觀察。此外如果你放的位置有戶外，露台，有明亮散射光，都可促進花芽呢。