2019年開心玩肉~#627 梅花鹿天章

玉麒麟錦

更新前#207

在上年玉麒麟錦曬傷，皮膚表面都變成啡色，攞去陰涼養傷，幾個月之後估唔到頂部生長點生出細小側芽！
攝5/29


側芽都開始逐漸長大

lamkaicheung 發表於 2021-6-13 13:49
玉麒麟錦

更新前#207

好大棵，新側芽好翠綠，好有動感。整棵像大海裏的珊瑚

Polly888 發表於 2021-6-14 19:56
好大棵，新側芽好翠綠，好有動感。整棵像大海裏的珊瑚

俾大大說一說又真的幾似珊瑚，如日後有機會種落地就好，因為我曾經見過種落地嘅玉麒麟長都有人咁高，所以我也希望能種落地，這樣就可以變成一件珊瑚藝術品！

仙人柱再次開花啦，估唔到咁快又來花，仲係三朵齊開，所以點都要post多一次，給大家看看！

lamkaicheung 發表於 2021-6-15 06:42
仙人柱再次開花啦，估唔到咁快又來花，仲係三朵齊開，所以點都要post多一次，給大家看看！
...

花又大又靚

奇仙玉回來種了一年半有多，終於都開花了，雖然花仔係細細朵，其實都幾艷麗㗎，佢還有一樣特別之處就是開花之後！
日攝21/4/27

夜攝21/06/08


其他仙人掌開花之後會做一個動作，就是會開開合合持續幾天，有些會半夜三間開到第二朝幾個小時就會凋謝，而佢正正開花之後保持定格現象，持續两三天，正因為這樣夜歸花友就唔需要擔心看不到，又唔需要擔心朝早看不到睇不見 ，有可能是這樣，所以擁有奇怪名字！
攝21/06/19

螺旋仙人柱

貪佢外型夠特別有趣，感覺就好似大自然入面一件藝術雕塑品，所以點都買佢回來慢慢欣賞！
螺旋仙起初回來時候只有15 cm高，經過二十個月話長唔長話短唔短嘅時間就長成30cm之高，最令人驚喜嘅就是也結起花冧來！
攝2021/8/8


從花冧仔漸漸長大變成花苞，經過两星期時間就在深夜子時開了，話時話我都係第一次見螺旋柱開花！



鬧鐘一響天濛光就要彈床，冇辦法因要餬口，所以搞掂晒行裝，準備要出門前都去一去天台拍多幾張日照先㗎！



最後近攝一張花瓣照，望落有少少似天鵝羽毛，一片一片咁重疊！

lamkaicheung 發表於 2021-8-22 10:37
螺旋仙人柱

貪佢外型夠特別有趣，感覺就好似大自然入面一件藝術雕塑品，所以點都買佢回來慢慢欣賞！

開得好有型

Polly888 發表於 2021-8-22 13:37
開得好有型

麻麻哋

lamkaicheung 發表於 2021-8-22 10:37
螺旋仙人柱

貪佢外型夠特別有趣，感覺就好似大自然入面一件藝術雕塑品，所以點都買佢回來慢慢欣賞！

原來朵花咁大咁靚！不過又係夜晚開花！
棚主佢棵次次打花我都睇唔到！可惜呀！

freddywongdy 發表於 2021-8-24 09:55
原來朵花咁大咁靚！不過又係夜晚開花！
棚主佢棵次次打花我都睇唔到！可惜呀！  ...

早排係電台聽過主持講過，曇花臨開幾個鐘摘落嚟，放係家中擺，到夜晚一樣照開，所以我覺得螺旋柱啲花同曇花一樣，都可以照電台主持所講試一試㗎！

lamkaicheung 發表於 2021-8-24 16:05
早排係電台聽過主持講過，曇花臨開幾個鐘摘落嚟，放係家中擺，到夜晚一樣照開，所以我覺得螺旋柱啲花同曇 ...

咁佢朵花又幾似霸王花喎！

lamkaicheung 發表於 2021-8-22 10:37
螺旋仙人柱

貪佢外型夠特別有趣，感覺就好似大自然入面一件藝術雕塑品，所以點都買佢回來慢慢欣賞！

啲花花好靚呀！

freddywongdy 發表於 2021-8-25 06:53
咁佢朵花又幾似霸王花喎！

其實曇花棵植物有冇正確名堂㗎，freddy大？

little_stone 發表於 2021-8-25 14:11
啲花花好靚呀！

如果呢隻螺旋柱花有其他顏色，我相信會更靚同吸引 ！

輪流開花好羨慕啊！

美麗水牛角

在年多前來到多肉版，看見版大post咗呢隻美麗水牛角，當時睇到就被佢誘惑咗，於是乎就偷偷摸摸買咗佢返嚟！


種咗一段時間都未見過佢開花，目測佢今天佢將會開花，但又唔係身邊陪伴左右，冇辦法自己又要為五斗米而折腰，須要早出門晚歸，人人都說希望在明天，所以我也希望在明天放假能看看她的開花容貌！

勁臭

今早未行出露台，隔住玻璃趟門，已經聞倒勁臭味，心諗唔會隔離屋傳到過嚟吖，一開露台門浸味仲勁，直頭撲埋嚟 ，好似爆屎渠咁嘅味，真係好難聞！


難聞還難聞都要影㗎，但係影影下，又覺得冇乜嘢喎！


夜晚近索都仲有浸死老鼠味囉！

lamkaicheung 發表於 2021-8-26 21:59
其實曇花棵植物有冇正確名堂㗎，freddy大？

天倫柱呀啟大！

波斯地氈

難得今日休息，呢棵地氈又咁啱咁橋開花！


其實係上年度爭少少就俾我種死，因根部出現黒腐病，經急切咁搶救將壞死部分切除，終於成救回小生命！



來張大特寫，看看中心部分！